Philologic Results

fueram, hesterna nocte comperi, quae ut tectum nostrum Stambsense hodierno adhuc vespere subeant, in mora non ero. (2) Humanissimas iterato gratias ago cum pro adhibito sarcinulis meis convasandis labore, tum maxime pro beneficentia iam toties in aedibus vestris Halae accepta, cui emerendae doleo mihi deesse occasionem. (3) Ne vero amplius committam, ut dominatio vestra mei causa abstemia fiat a carnibus praeter suum canonem et consuetudinem, noviter mecum statui Halam de cetero non amplius in diem visere Mercurii.

(4) Petitas 50 libras lini carminati coëmit pater cellarius [ERROR: no reftable :] pater cellarius] Gemeint ist Pater Augustinus Haas. in nundinis nostris Martinianis, tales suo arbitrio, ut nec linum notae melioris nec moderatiore pretio licitari facile potuisset. (5) Honorandae dominae matri (quam aegram intelligo, sed brevi sospitem opto), cum valefacerem nuper, promisi terna missae sacrificia et fragmen aliquod cocti apud nos olim emplastri. (6) Hoc impraesentiarum transmitto, illa vero superiore iam septimana rite exsolvi, quae ut boni consulat, rogo simulque dominationem vestram amicissime a me salutatam totamque eius domum benedictionibus Deus ut repleat, ex animo precor.

260. Stephani an Abt Ferdinand Wenzel von Marienberg [Stams], 26. November 1653 Stephani hat für Abt Ferdinand in Hall eingekauft. Die Waren sind am 17. November in Stams eingetroffen, doch in Ermangelung eines geeigneten Boten können sie erst jetzt weitergeschickt werden. Stephani hofft, dass der Abt mit dem Preis einverstanden ist. Einen Händler aus Nürnberg und einen aus Augsburg hat Stephani zurückgewiesen. Ihre Ware war, wenn auch etwas billiger, doch schlechter. Um die Waren vor Schnee und Regen zu schützen, ließ sie Stephani in Truhen verpacken. Ad abbatem Mariae-Bergensem dominum Ferdinandum, 29. Novembris anno 1653. Reverendissime in Christo, amplissime et colendissime domine domine

(1) Tandem aliquando, inquiet amplitudo sua, appellunt merces, pro quibus comparandis iam dudum transmissi fuerant nummi. (2) Tarde veniunt, ita est; sed citra (quod spero) culpam meam, siquidem 17. Novembris primum Hala ad me pervenerunt, exinde vero temporis, cui eas traderem in Mariaeberg deferendas, nemo quisquam apparuit.

(3) De illarum pretio quid censura sit amplissima dominatio vestra, equidem ignoro. (4) Id tamen scio licitatum me esse, quam poteram, pressius et restrictius. (5) Pro volumine kirtrat, quia melioris notae est, florenos 10 expendi, quinque vero tomi buräth sex florenis singuli ac 30 crucigeris constant. (6) Offenderam quidem institores, Norimbergensem unum et alterum Augustanum, qui proxime dictae materiae volumen taxa adhuc minore vaenum proponebant, solis sex Rhenensibus contenti, sed merces paulae obsoletae et antiquae videbantur. (7) Boni consulat amplissima dominatio vestra operam meam, quidquid eam rideat non nemo patrum vestrorum, quem iactitasse intelligo, frustranee conduci in nundinis Halensibus, quae aeque tolerabili pretio coëmere amplissima dominatio vestra posset domi.

Previous page

Next page

Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].