pro consolatione tibi relicto, quod aliam sors itinerandi occasionem quandoque sis habiturus, si scilicet (quod reverendissimus intendit atque, ut tibi sub rosa intimarem, concessit) Salisburgo Anglipolim seu Ingolstadium transferare. (4) Atque haec a reverendissimo oretenus ante hebdomades quattuor, cum in procinctu esset, post peractum Danuwerdae provinciale capitulum Oenipontum denuo remigrandi. (5) Scripsissem eidem interea et calamum quoque pro te supplicem fecissem, sed tanti negotiorum aggeres in camera archiducali eum obvallant, ut super re huiuscemodi non audeam litteram vel syllabam ingerere, responso certo certius cariturus.

(6) Quare rebus ita constitutis cum id, quod expresse denegat reverendissimus, ego praesumptuose conferre non valeam, a me quidem facultatem, quam pro visenda expetistis Austria, frustra speratis. (7) Hoc tamen confido et quasi certum reputo, reverendissimum nostrum ratum id omne habiturum, quod circa caniculares indulgentius transigendos admodum reverendus et magnificus rector pater Alphonsus [ERROR: no reftable :] Alphonsus] Gemeint ist der Theologieprofessor Alphonsus Stadlmair, vgl. ep. 197. de vobis disposuerit. (8) Quin imo si idem praelibatus dominus rector tacita epychia utens vos cum Austriacis fratribus ad dies aliquot peregre mitteret ac postmodum finitis vacationibus apud dominum abbatem vosmet humaniore aliquo epistolio purgaret et veniam praeoccupando deposceret, putem eam citra dubitationem obtenturum. (9) Ego interim, bone Georgi, dum dum bene valere te cupio, receptui cano ac litteras claudo.