Ad doctorem iurisconsultum Ignatium Weinhart, excelsi regiminis secretarium, 6. Februarii anno 1649. Nobilis, clarissime et eximie domine Cum plurima salute veteris amicitiae tesseram

(1) Quod litteris dominationis vestrae praeterito iam autumno ad me exaratis reciprocas tanto hactenus tempore non reposuerim, causa est, non quod scribere me pigeret, sed quia quid respondendum percontanti foret, penitus ignorabam absente scilicet reverendissimo[ERROR: no reftable :] reverendissimo] Gemeint ist Abt Bernhard Gemelich. meo, quem libens desuper consuluissem. (2) Quid nam aut quantum siliginis vel alterius frumenti dominationis vestrae defuncto optimae memoriae parenti pro salario annuatim datum fuerit, ego nec scivi umquam nec indagavi. (3) An vero eadem vini frumentique pensio, quae annis abhinc plus quam quadraginta ex monasterio nostro aedibus vestris invecta fuerat, deinceps quoque domino fratri Paulo[ERROR: no reftable :] fratri Paulo] Gemeint ist Paul Weinhart d.J. in mercedem medicam cessura sit, istud est, quod dominatio vestra geminatis ex me epistulis inquirit. (4) Et mea quidem propensio animique desiderium eo semper ferebantur, ut optarem in pristino omnia statu perdurare, quatenus videlicet et Paulus vester iunior suam nobis operam locaret in re medica et a nobis vicissim solitum caperet stipendium meritorum.

(5) Verumtamen hisce primum diebus intelligo a modici temporis lapsu insinuasse se apud reverendissimum meum pro conditione acceptanda dominum Gerhardum Schleirmacher, in quem cum omnium fratrum nostrorum mentes et vota iam ante annum propenderint ac etiamnum concordi intentione inclinent, ego solus contra torrentem obniti non possum, maxime quod[ERROR: no reftable :] quod] in rasura cum. sciam conventuales nostros in personam fratris vestri Pauli non aliter condixisse, nisi casu, quo praedictus dominus Schleirmacher conduci renueret. (6) Intimare proinde iubeor dominationi vestrae viginti modios siliginis (pro eo ac reverendissimus meus Oeniponte in aedibus decani admodum reverendo domino Francisco promisisse perhibetur) ista adhuc vice familiae vestrae certo obventuros, dehinc vero in illum transferendos, cuius consiliis medicis et abbas et conventus utetur. (7) Ceterum quaeso, ne dominatio vestra aut plurimum honoranda domina mater hac super re mihi succenseant vel sinistram de me affectionem suspicentur; testis nam mihi est domesticus, conscia, quod quantum per me stat, unice desiderem gratum me exhibere pro beneficiis antiquitus receptis, quae et sacrificanti mihi in memoria numquam non obversantur. (8) Hisce finio salutem peramicam impartiens omnibus ac singulis et officia mea quantilla constanter offerens.