talentum suum sufficere ultro agnoscebat, manus dedit divinae de se ordinationi positoque religionis amictu ad patriam suam repedare constituit, casu nactus duos itineris socios Franciscanorum novitiatu recens egressos.

(2) Magno Spaiser licet pedes pruriant in Athesim, persuaderi tamen a nemine poterat, ut cum aurigis proficisceretur, quod scilicet metueretur personatos praedones passim per strata viarum exspectantes inque sui despoliationem avidos et intentos.

(3) Recepi diebus hisce duorum de congregatione abbatum epistulas reverendissimae pietati vestrae inscriptas. (4) Altera erat reverendissimi domini Salemitani, [ERROR: no reftable :] domini Salemitani] Gemeint ist Abt Thomas II. Schwab von Salem. in qua post gratias, quas reverendissimae pietati vestrae profusas agit pro collata tam fideli et facili opera in negotio ipsius Sigmaringano, significat confirmationi suae abbatiali, quam Roma in singula paene momenta operiebatur, novum rursus obicem, immo praegrandem trabem interici, dum ab eo exigantur annatae ad 9000 florenorum sese extendentes. Deine memorat inaudiisse se cum luctu et maerore, quod reverendissimus Sanct-Urbanensis in negotio diuturno et intricato circa monasteria virginum Ratthusanum et Eschenbacense oleum et operam perdiderit, [ERROR: no reftable :] perdiderit] Vgl. Primisser cap. 42 § 25 Ordinis nostri abbates Helvetici colloquium instituendum decreverant super causa Rathusani ac Eschenbacensis partheniorum. Bernardus noster tamquam congregationis praeses ab eo abeundo negotiis patriae impeditus vices suas abbati S. Urbani commisit XIII Calendas Apriles. Sed frustraneum erat colloquium. Romae causa sua deiectus et a cura monialium in perpetuum proscriptus ita determinante ipsomet pontifice per motum proprium, additque rumorem ferre idem decernendum quoque esse adversus alios abbates Cistercienses in Helvetia.

(5) Alterae erant litterae reverendissimi Ebracensis,[ERROR: no reftable :] reverendissimi Ebracensis] Gemeint ist Abt Peter II. Scherenberger von Ebrach. quibus lamentatur, quod electus dominus Brunbacensis[ERROR: no reftable :] dominus Brunbacensis] Gemeint ist Abt Friedrich von Brunbach. confirmationem suam Cistercio necdum acceperit multis ob hoc scrupulis et suspicionibus anxius, eo praecipue, quod vereatur, ne tanta mora in praeiudicium cedat sancto ordini et monasterio Brunbacensi, si nimirum episcopus Herbipolensis seu Moguntinus elector huiusce confirmationis collaturam sibi arrogaverit. (6) Ex quo patet, transsumpta cum instrumenti confirmatorii tum aliarum litterarum a reverendissimo generali ad abbates Brunbacenses et Ebracenses datarum, una cum nostris, quae illa incluserant, in via pessum iisse ad locum destinatum numquam perducta. (7) Ceterum quid utrisque praesulibus dictis, Salemitano et Ebracensi, epistulariter reponendum sit, commodius decreturam existimo reverendissimam pietatem vestram domi in monasterio, ad quod dum brevi reducem praestolamur, interim eidem omnem gratiarum et benedictionum abundantiam filialiter apprecamur.