Philologic Results

ea cum turba fratrum in caritate ob continuam ventriculi frigiditatem eiusmodi bellariis admodum indigens.

(4) Condoleo necessitati reverentiae vestrae, quam patitur in re domestica, praecipue quod vinum non sit vendibile. (5) Nummorum penuria calamitas est communis, quam expertus credere possum cuilibet eam conquerenti, qui ipsemet iam per sesque annum unico mercatori debitor sum centum et decem florenorum.

(6) Adventum reverentiae vestrae, quo suos confratres visitatura dicebatur, iam post pascha exspectabamus; qui ut certior sit ad festum saltem beati Iacobi, [ERROR: no reftable :] festum ... Iacobi] 25. Juli. cursorem et tabellarium reverentiae vestrae cum hisce mitto fratrem Ludovicum,[ERROR: no reftable :] fratrem Ludovicum] Gemeint ist Bruder Ludwig Winter. qui postquam nuper gravi quodam catarrho liberatus fuerat, limina sancti Petri visitare volens tantum licentiae obtinuit, ut post dierum pauculorum relaxationem reverentiam vestram ad monasterium redux comitaretur. (7) Eum ultra terminum indultum a reverentia vestra aut a domino parocho detineri nollem, quod sciam id citra offensam reverendissimi fieri non posse, qui disertim mandavit, ut 26to huius adhuc mensis infallabiliter diversorium suum antiquum in Stambs capiat, quia chorus noster hoc tempore psallentibus multum est destitutus. (8) Interea donec liceat ore ad os loqui, reverentiam vestram fraterne saluto et mei in precibus suis ac sacrificiis memoriam exposco.

140. Stephani an Abt Bernhard Gemelich in Innsbruck [Stams], 14. Juli 1648 Der Überbringer dieses Briefes hat im Konvent von Stams den Antrag gestellt, der neue Bader zu werden; doch alle wollen lieber beim bewährten Bader von Silz bleiben. Stephani hat ihn dann zu Fuß nach Innsbruck zu Abt Gemelich geschickt. Bruder Ludwig [Winter] hat seine Reise nach St. Peter angetreten. Der Visitator hat Stams verlassen und ist durch die Schweiz nach Lützel weitergezogen, wo vor kurzem erst Abt Norbert eingesetzt wurde, der ehemalige Prior von Wettingen. Stephani ist nicht unerfreut über die Abreise des Visitators. Ad dominum abbatem nostrum Oeniponti inter comitia versantem, 14. Iulii 1648. Reverendissime in Christo pater, amplissime praesul, observandissime domine, domine

(1) Relator harum petitionis suae effectum penes conventum assecutus non est; cum enim balneator Silzensis ita nobis hactenus operam suam et servitia locarit, ut nihil querelae moveri adversus eum iure possit, aequum non duximus bonum virum ab officio nil tale merentem abdicari. (2) Quocirca seniorum et saniorum, quos desuper in consilium vocavi, communis vox et votum a partibus Matthiae stetit, ut scilicet illius servitiis porro utamur, a quo omnis hucusque satisfactio est praestita nec in futurum praestanda ambigitur. (3) Hunc ego, qui reverendissimae pietati vestrae toties exstitit importunus, eadem, qua venerat, via bonis avibus abire permisi, eo tantum incommodo plexum, quod, qui eques advenerat, postridie pedes redire coactus sit, siquidem iumentum una cum cursore, mox ubi ad aedes hospitis nostri appulerat, Oenipontum relegavit persuasus se iam Stambsensem esse.

(4) Frater Ludovicus[ERROR: no reftable :] frater Ludovicus] Gemeint ist Bruder Ludwig Winter. elapsa domenica post epulum meridianum cum nuntio Maisensi iter ad sanctum Petrum gaudens arripuit, coelo quidem sereno egressus, sed paulo post pluvia haud illiberaliter tinctus; qui de profectione pedestri nihil causatus tantum arctitudinem termini seu temporis clam

Previous page

Next page

Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].