Philologic Results

tanta urgent instantia, ut neque reverendissimus noster [ERROR: no reftable :] reverendissimus noster] Gemeint ist Abt Bernhard Gemelich. in aliam eos sententiam flectere praevaleat. (14) Prior posthabito, quod ante annos aliquot hauserat, proposito religionem nostram intrandi, nescio quam phantasiam concepit de litteris altioribus uspiam prosequendis sperans se Rhunae[ERROR: no reftable :] Rhunae] Gemeint ist das Kloster Rein in der Steiermark. monasterio ordinis nostri in Styria interventu cuiusdam cognati sui, quem inibi habet, conditionem aliquam obtenturum. (15) Sed vereor, ne iuvenis incautus in laqueos se induat et volens in perditionem eat. (16) Posterior a tempore non longo ex morigero discolus, ex diligenti ignavus ac ex toto degener factus, non tantum a studiis animum abiecit, sed et magnam petulantiam imbibit, cervicosus et refractarius ac praeceptorem magis fere ludens quam audiens, inde de abitu illius, utpote parvae frugis, nihil turbor. (17) Atque hic tandem finio precatus reverentiae vestrae liberationem a suo malo hospite, [ERROR: no reftable :] malo hospite] Personifikation der Podagra. nobis vero omnibus tutelam et benedictionem supernam a Domino.

116. Stephani an Abt Bernhard Gemelich in Innsbruck [Stams], 6. Juli 1647 Stephani wünscht seinem Abt weiterhin viel Erfolg auf dem Landtag in Innsbruck. In Stams geht es zur Zeit allen gut. Pater Bernhard aus dem Kloster Schönthal hat sich zwar in Stams einquartiert, es bisher aber noch nicht der Mühe wert befunden, sich bei Stephani vorzustellen. Darauf und auf die enge Wohnsituation angesprochen, meinte er, er wolle bald abreisen, sobald ihn ein Schiff mitnehmen könne. Dem Knecht Andreas hat Stephani die Befehle des Abtes ausgerichtet; er war bestürzt und hat sich Bedenkzeit erbeten. Der Scholar Johannes Pranthueber bat darum, aus Stams entlassen zu werden. Stephani bittet den Abt, dem zuzustimmen, denn Pranthueber stellt keinen Gewinn mehr dar. Das Wetter präsentiert sich im Moment sehr regenreich, obwohl die Früchte starke Sonnenstrahlen nötig hätten. Stephani hat ein allgemeines Gebet vor dem Altar des heiligsten Blutes Christi festgesetzt. Ad abbatem nostrum Oeniponti in comitiis occupatum, 6. Iulii 1647. Reverendissime in Christo pater, observandissime praesul, gratiose domine

(1) Dies, quos reverendissima pietas vestra hactenus Oeniponti in comitiis desudavit, prospere et sub secunda aura transactos esse et optamus et credimus; de futurorum vero dierum successu simili fiduciam multam habemus in Domino, cuius beneficio et gratuita protectione nos quoque intra domesticos parietes nostros universim salvi et sospites adhuc vivimus.

(2) Pater Bernardus Schönthalensis ex quo pedem in monasterium nostrum intulit, eius urbanitatis nondum fuit, ut vel semel me salutaret aut verbulum conferret de causa adventus sui, totos prope 14 dies ad mensam officialium iens ac rediens nec cuiquam intentionem suam vel in minimo propalans. (3) Sed tandem nuper in profesto Virginis Magnae cognatam visitantis[ERROR: no reftable :] Virginis ... visitantis] 2. Juli. super proposito suo aperte compellatus ac simul de angustia habitationum, quae hoc temporis laboramus, certior factus abiturum se proxime aiebat, precatus inducias tantum aliquot dierum, dum ansam obtineret ratem aliquam conscendendi.

(4) Andreae famulo nostro, quae in mandatis a reverendissima pietate vestra acceperam, planis et paucis intimavi; qui turbatus nonnihil in sermone meo, et qui rebus suis porro consuleret, tacite secum reputans, petito deliberandi spatio hactenus inter saxum fere, ut aiunt, et aram constitutus haerebat, hinc quidem

Previous page

Next page

Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].