Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
nata exusti monasterii antistita
Constantiae cum una suarum monialium degens ita pauperem vitam gerit, ut praesente
ibi adhuc fratre Iosepho nuper die domenico quodam in curia Salemitana prandium per
Dei misericordiam flagitarint, de cena, ubi (7) Abbas Regiifontis exul Wettingam in festo sancti Benedicti appulsus sua, ignota licet, salute reverendissimam pietatem vestram honorat seque peramice commendat. (8) In simili per litteras saepedicti patris secretarii mihi directas obsequiosum et amicum salve dicit reverendissimae pietati vestrae dominus Maristellanus, hoc temporis pedes non bene affectus, qui tandem theologiae professore (ordinis sancti Dominici religioso) iam rite provisus est; cui praeter decentem amictum et mensam abbatis atque annuum salarium 200 imperialium, tantum respectum et honorem audio exhiberi, adeo ut servitia patrum officialium, quin et ipsius abbatis mens atque oculi super mensam, tantum aut saltem praecipue in lectorem conversi sint et intenti, ea maxime cura observata, ut fiat, quod huic theologo professori sit gratum, et caveatur, quod displicitum. (9) Atque haec rogatu patris Staub obiter erant intimanda. (10) Porro alter ex duobus conversis, qui nobiscum sunt, Salemitanis, frater Ioannes vitriarius, non uno, sed iterato iam ad me accessu instanter petiit, quatenus sibi a reverendissima pietate vestra dimissionem sollicitarem ac licentiam alio commigrandi, non alio usus argumento vel praetextu, quam quod in aedificio apud nos inchoato nullum cerneret fieri progressum nec pro re vitriaria ullam provisionem; ipse vero otii pertaesus laboribus alibi fatigari mallet, quam panem otiose apud nos comedere. (11) Octiduum circiter est, cum me conveniens piscator monasterii nostri Bernhardus Wolff obnixe admodum rogitavit, certiorem redderem reverendissimam pietatem vestram de magna importunitate piscatorum Riezensium, quod scilicet bis terve hebdomadis singulis aquas Oeni per tractum totius fere territorii nostri pervagentur, vario genere rei retiariae utentes, non absque notabili importantia; qui super hoc compellati aut etiam piscatore nostro obiurgati respondisse dicuntur subpraefectum Peterspergensem sic velle, sic iubere etc. (12) Verum his reverendissimae pietati vestrae alias gravissimis occupationibus obrutae molestias ne facessam, finio precatus eidem vitam sospitem et in tam arduis negotiis bonum consilii angelum.
105. Stephani an Abt Bernhard Gemelich in Innsbruck
[Stams], 7. April 1647
Am Vortag ist der Fürst von Kempten zuerst nach Füssen abgereist, um weiter nach
Bayern zu ziehen, um dem Kurfürsten seine Beschwerden über die Schwedeneinfälle
vorzutragen. Für den Aufenthalt im Kloster Stams hat er mit Berufung auf einen Brief
des Abtes nichts bezahlt, sondern nur gedankt.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |