| Welcome to PhiloLogic |
| home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
faece perpurgatam revisere sibi liceat et ad sua reverti. (7) Cuius postulatis si reverendissima pietas vestra gratificandum duxerit, non videtur monasterium admodum oneraturus, quia nec pompam comitatus secum habet, unico famulo contentus, nec delitiose vivit, sed regulariter ac solus reficit cibos communes non respuens ac in potu heminam vini seu mensuram nostratem dimidiam vix transcendens totus vitae reformatae ac perpetuae abstinentiae devotus. (8) Quas hic adiunctas reverendissimae pietati vestrae transmitto, abbatis Bebenhusani[ERROR: no reftable :]abbatis Bebenhusani] Das Kloster Bebenhausen wurde von der Reformation erfasst, protestantische Mönche zogen ein. Zweimal jedoch, 1548 und während des 30jährigen Krieges, kehrten katholische Mönche zurück. Hier ist Abt Joachim Müller aus Pfullendorf gemeint (vgl. Sydow 1984, 252-256). ad patrem Staub, nupero die dominico cum relationibus Mercurii a posta accepi, sed ita nudas, ut nunc visuntur, atque a nummis, quorum mentionem faciunt, omnino vacuas, quarum ut minus copia praedicto patri forsitan mittenda foret, si constaret locus, ubi in praesens degeret. (9) Atque hisce reverendissima pietas vestra ut valeat Deo quam commendatissima, precamur.
103. Stephani an Abt Bernhard Gemelich in Innsbruck
[Stams], 24. März 1647
Obwohl der Abt ihn dazu beauftragt hat, hat sich für Stephani bis jetzt noch keine
günstige Gelegenheit geboten, um den Fürst von Kempten höflich auf die Zahlungen für
seinen Aufenthalt anzusprechen. Wenn der Abt darauf bestehe, werde er den Fürsten
zur Rede stellen, er glaubt aber nicht, dass dieser ohne zu bezahlen abreisen werde.
Anna Perkhoferin ist vor kurzem am ungarischen Fieber verstorben. Oswald String
Junior verschied ebenso vor kurzem. Stephani schildert seine letzte Stunde, in der
er alle um Vergebung bat, die er beleidigt haben sollte, und sich von allen
Freunden, besonders von Abt Gemelich, aber auch von der gesamten Natur Abschied
nahm.
(1) Iussus ante octiduum a reverendissima pietate vestra cum illustrissimo domino Campidonensi de pretio convictus[ERROR: no reftable :] convictus] Vgl. ep. 102. transigere, fecissem iubentis imperio satis, ut par erat, sed nulla hactenus occasio commode id exsequendi se praesentavit; etsi nam nuper litteras reverendissimae pietatis vestrae praefato principi directas ipse ego ad manus eidem consignarim (quas ille perlectas mox etiam mihi legendas tradidit); quia tamen secus, quam speraveram, nulla ei tunc vel verbo impensae solvendae mentio exciderat, inurbanum nimis videbatur, ut ego citra omnem ansam eundem super dicta conventione interpellarem, cum plus quam certum existimari debeat saepe nominatum praesulem ex Stambs pedem non moturum ante, quam pro convictu legitime satisfecerit. (2) Quodsi tamen reverendissima pietas vestra iudicet contra decorum non agi, si ultro etiam irrequisiti nos ingeramus, pro refusione expensarum determinatum computum exhibentes, faciemus via et modo meliore, quod iussio dictaverit. (3) Ex subditis territorii nostri elapsis octo diebus personas duas mors rapuit, vix tridui morbo decumbentes. (4) Altera erat Anna Perkhoferin, quae a multis annis ad portam nostri monasterii panes similagineos et varii generis obsonia vaenum exposuerat. (5) Haec aestu vehementi (qualis in febre Ungarica) subito correpta tertium, non amplius, diem supervixit, in eo prudens et provida, quod mature domui suae disposuerit ac mysteriis, quae ecclesia moribundis decrevit, omnibus se fecerit praemuniri. (6) Alter fuit Oswald Strigl iunior, qui eodem fere morbi genere, ar
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |
|||||
