Ad dominum abbatem nostrum in acidulis morantem, 30. Iulii 1646. Reverendissime in Christo pater, observandissime et gratiose domine

(1) Senior Caesariensis, pater Caspar,[ERROR: no reftable :] pater Caspar] Gemeint ist Pater Caspar Dempf (vgl. ep. 72,1). repatriandi causa a nobis nuper digressus ad monasterium sancti Magni in Faucibus, circiter secundam a meridie itinere felici et auspicato pervenit indeque mox summo mane posterae diei ratem conscendit, Lyco Augustam deportandus. (2) Melius aliquantum habuisse nuntiatur, quamprimum fines Rhaetiae attigit et aeris mutationem persensit. (3) Puero vectori ad reditum pro viatico dati sunt a fratre Iosepho quattuor floreni, quibus utique et se et equos laute curare potuit, quamquam minus fere tali salario dignus, quippe qui per negligentiam suam carpentum ita mutilum retulit, ut illud subpraefecto Peterspergensi restituere taliter constitutum non audeam, confracta nimirum cista pro asservandis rebus post temonem religata et plerisque loris per furtum inde ablatis.

(4) Exemplaria bullae pontificae describi curavi eo numero, quo sunt petita, nescius tamen, utrum amanuenses contextum per omnia integre et fide transsumpserint. (5) Ex coetu fratrum valetudinarius esse incipit venerabilis senior noster pater Wolfgangus,[ERROR: no reftable :]pater Wolfgangus] Gemeint ist Pater Wolfgang Lebersorg. qui a pauculis diebus et cibi et potus appetentia amissa, viribus corporis notabiliter destituitur, ipse se occasui proximum affirmans ac metuens, culpabilis nonnihil, ea saltem ex parte, quod frigidam ieiunus ante refectionem prandii bis, breve degustare non vereatur, quidquid ego dissuadens reclamem.[ERROR: no reftable :] culpabilis ... reclamem] Zitiert bei Baumann 1935, 16. (6) Disponet interim de eo Deus, quod sibi visum fuerit; nos vero quod in votis gerimus, precibus exorare conabimur, ut scilicet reverendissimae pietatis vestrae valetudo acidularum amuleto revirescat eiusdemque, si fieri possit, iuventus ut aquilae renovetur. Datum etc.