Philologic Results

Ad abbatem Salemitanum, 21. Iulii anno 1670, nomine reverendissimi. Reverendissime et amplissime praesul, domine domine observandissime

(1) Ne reverendissimae amplitudini vestrae molestiam facesserem, conabar hactenus patrem meum conventualem, de cuius melancholia mense Maio aliquid perscripseram, omnibus modis a sua impressione abducere, verum quia ille conceptae sententiae mordicus inhaeret atque aërem nostrum Tyrolensem cum Acromiano aliquantisper permutare omnino desiderat, concedendum aliquid duxi petentis affectui sicque mitto ad amplissimae dominationis vestrae laudatissimum coenobium de conventu meo patrem Theodoricum a Preisach, utriusque musices peritum et artis bibliopegica probe gnarum, quem in sinum reverendissimae amplitudinis vestrae ita commendo, ut nequaquam in loco aëris liberioris cum aliquo regulari procuratore extra monasterium vivere sinatur, sed per omnia in contubernio venerandi conventus degat eique de laboribus chori nihil relaxetur. (2) Cum enim melancholia ipsius ferme absumpta potius quam innata videatur, non oportet frenum taliter aegrotanti in libertatem remittere. (3) De reliquo confido eundem morigerum fore et sine quaerela aliis sese accomodaturum. (4) Interim reverendissima amplitudo vestra hanc importunitatem ignoscat, cui me meosque semper cupio commendatos. (5) Dabam ex Stambs 21. Iulii anno 1670.

576. An Abt Benedikt Hein von Kaisheim Stams, 16. August 1670 Im Namen von Abt Augustinus Haas: Abt Hein hat den beiden Studenten aus Stams einen Brief zur Unterfertigung mitgegeben, doch wei Abt Haas zur Kur in den sauren Bädern war, verzögerte sich die Abwicklung. Er bedankt sich, dass die beiden Stamser so freundlich für 14 Tage in Kaisheim aufgenommen worden sind. Außerdem hat Abt Haas von der geplanten Visitation nach dem 20. August erfahren, was ihm gut passen würde. Weil Abt Hein jedoch informiert werden wollte, ob der Termin genehm sei, nun aber die Zeit fortgeschritten ist, weiß Abt Haas nicht, ob die Visitation verschoben werden muss. Passend wäre es auch, wenn Abt Hein am ersten September nach Stams kommen könnte. Ad abbatem Caesareensem, 16. Augusti anno 1670, nomine reverendissimi. Reverendissime et amplissime praesul, domine domine observandissime

(1) Quas reverendissima amplitudo vestra duobus fratribus[ERROR: no reftable :] duobus fratribus] Gemeint sind Bernhard von Ingramb und Edmund Zoz. meis studiosis tradiderat mihi consignandas, paulo serius accepi non domi, sed ad fontem acidulum constitutus, ut proinde responsum pro reverendissimae amplitudinis vestrae desiderio citius ematurare non potuerim. (2) Praedictos porro fratres meos integro 14 dierum curriculo in Caesarea tam benigne et amanter habitos fuisse, merito est, cur amplissimae dominationi vestrae

Previous page

Next page

Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].