Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F263v -- meum litterarii laboris
omnino impertaesum, ita etiam confidam ipsum reverendissimae dominationis vestrae
filiis ac fratribus erudiendis operam suam impigre ac fideliter elocaturum. (4)
Dominatio vestra amplissima sua illum paterna cura et benevolentia dignari velit,
cui nihil impensius opto, quam ut fructum, quem Maistella desiderat, mediante opella
conventualis mei fecundum et uberem reportet. (5) Dedi ex monasterio Stambs die 11.
Aprilis anno 1670.
570. An Abt Anselm I. Muotelsee von Salem
Stams, 11. April 1670
Im Namen von Abt Augustinus Haas: Die gewünschte Bulle von Papst Innozenz schickt Abt
Haas zur Abschrift nach Salem. Dass die darin vorgenommene Korrektur zweier Worte
auch aus Rom stammt, beweist ein Brief des Abtes Attilius. Der Überbringer, Pater
Tobias Zigl, wird nach Wettingen geschickt, um dort Kanonisches Recht zu lehren. Abt
Anselm soll ihm Ratschläge für die sichere Weiterreise geben.
Ad reverendissimum dominum abbatem Salemitanum, 11. Aprilis anno 1670, nomine
reverendissimi.
Felicissimum pascha et aeviternum Alleluia
Reverendissime et amplissime praesul, domine domine observandissime
(1) Pro duobus apographis vidimatis bullae Innocentianae, quae reverendissima
amplitudo vestra desiderat, consuetum mihi visum fuit ipsummet originale diploma
transmittere, ut exinde exemplaria, quotquot libuerint, vidimari possint in Salem.
(2) Cernitur in illo correctura quaedam quoad duo vocabula (constitutionibus
apostolicis) in linea decima quarta, prout ipsa characteris diversitas satis
indicat, sed ne haec rasura aut lima forte in Stambs facta fuisse putetur, testes
simul mitto litteras reverendissimi domini Attilii abbatis Romani, quae causam et
occasionem huiusce correctionis (quamvis meo iudicio re ipsa parum profuturae)
patefacient. (3) Quod vero paulo tardius bulla ista ad manus reverendissimae
amplitudinis vestrae perveniat, causa est, quod postae diffidens certam et securam
ablegandi occasionem exspectarim, quae nunc primum occurrit, dum rogatu
reverendissimi domini praesulis Maristellani conventualem meum reverendum patrem
Thobiam Zigl Wettingam destino ad iuris canonici professuram obeundam, quem
reverendissimae et amplissimae dominationi vestrae commendo et rogo,
Stephani, Benedikt; 1613–1672 (1613–1672) [ 1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [ word count] [ stephani-b-copiae].
|