Ad abbatem Caesariensem, 2. Aprilis anno 1669, nomine reverendissimi. Reverendissime et amplissime praesul, domine domine observandissime

(1) Pridie magnae Virginis annuntiatae[ERROR: no reftable :] Virginis annuntiatae] 25. März. accepi cum epistula reverendissimae dominationis vestrae transsumptum quoddam pontificiae confirmationis gesta et acta in capitulo generali ante biennium celebrato approbantis ac simul etiam copiam novae indulgentiae festivitatem melliflui patris nostri[ERROR: no reftable :] melliflui ... nostri] Gemeint ist der Hl. Bernhard von Clairvaux. in perpetuum decoraturae, pro amborum communicatione reverendissimae amplitudini vestrae grates agens humanissimas. (2) Apparet quidem procuratorem nostrum Romae pro negotiis Gallorum satis vigilem esse, sed quid pro Germania nostra laboret et quomodo sportulas contributionum nostrarum emereatur, usque dispicere licet.

(3) Memor sponsionis meae de transmittendo nostratis uvae duplo genimine, rubro et albicante, verecundia ferme suffundor, quod fidem datam tam sero exsolvam, at certe ea hactenus viarum perdita conditio fuit, ut aurigas meos pro sustollendis censibus frumentariis Fiessenam ablegare nequiverim, nisi primum superiore septimana, ubi tandem promissa duo vini doliola e Stambsensi cellario exportarunt, apud officialem meum Fiessensem Ioannem Spaiser tantisper in custodiam deponenda, dum amplissimae dominationi vestrae collibuerit inde sublata in penum Caesareensem invehere. (4) Aequi interim, rogo, consulat amplitudo vestra modicum, quem offero vini gustum, senili suo corpori ad refocillandas nonnihil vires forsitan satis profuturum.

(5) Inaudi non ita pridem dominationem vestram amplissimam ante hebdomades non multas studiosos collegii sui Ingolstadiensis personaliter invisere ac de illorum accomodatione accuratius inquirere dignatam, pro qua paterna et provida benevolentia merito est, cur reverendissimae amplitudini vestrae gratiae agantur. (6) Ceterum misi mense Ianuario pro fratrum

Previous page

Next page