Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F245v -- Ioanni praecursori dicatae et intra
coenobii Stambsensis extimos muros sitae, eidemque pleno iure subiectae et annexae.
(4) Cuius visitationem episcopus eiusque ministri propter curam animarum, quam
subditis nostris territorialibus ibidem administramus, praetendunt et saepe iam
omnibus modis effectui dare moliti sunt. (5) Ego quidem (aeque ac antecessores mei
ab immemorabili tempore) omnem illorum visitationem hactenus constanter repuli
nullis eorum minis exterritus. (6) Certus tamen sum, quod futuris temporibus eundem
visitandi actum adhuc attentare non desinent. (7) Et quamvis continua tot annorum
possessione sufficienter me tutari possim, existimem tamen aliud adhuc defensionis
scutum a reverendissima et amplissima dominatione vestra mihi subministrari posse,
si nimirum ex officio et plenitudine potestatis suae mandatum inhibitorium ad me
dirigeret vetando, ne ad praedictam sancti Ioannis ecclesiam ullum quemquam hominum
praeter superiores ordinis admitterem. (8) Formulam aliquam antiquiorem simul mitto
(mutatis tamen mutandis), reverendissima amplitudo vestra suum decretum efformare
poterit et forsitan efficacioribus adhuc clausulis communire. (9) Ignoscat vero
interim, quaeso, fiduciae meae hanc importunitatem, zelus enim ordinis urget me.
(10) Dabam ex Stambs tertia decima Martii die anno 1668, reverendissimae et
amplissimae dominationis vestrae.
529. An Abt Benedikt Hein von Kaisheim
Stams, 27. März 1668
Im Namen von Abt Augustinus Haas: Abt Haas freut sich, dass die beiden Weinfässer in
Kaisheim angekommen sind, und hofft, dass sie den Transport über den Lech gut
überstanden haben. Die Abhaltung eines Nationalkapitels ist nötiger denn je, deshalb
ist es verwunderlich, dass Generalabt [Vaussin] die Einberufung verhindert.
Vielleicht schlägt sich der Abt von Morimond sein Vorhaben aus dem Kopf. Den Vorteil
dieser Visitation für Deutschland sieht Abt Haas nicht. In Morimond selbst gäbe es
genug zu tun, da es nicht gut um das Kloster bestellt sein soll.
Ad abbatem Caesariensem, 27. Martii anno 1668, nomine reverendissimi.
Felicissimum pascha et laetum alleluia
Reverendissime et amplissime praesul, domine domine observandissime
(1) Ipsa, quam sanctissimi legislatoris nostri festivitas exultabilem nobis reddidit,
die novissimas reverendissimae amplitudinis vestrae accepi, ex quibus primo libenter
intellexi duas illas nostratis vini amphoras ante mensem circiter penariis
Caesareensibus rite illatas fuisse, quod si a rectoribus praesertim in Lyco flumine
compunctionis baculo vitiatae non fuerint, spero tam ad gustum
Stephani, Benedikt; 1613–1672 (1613–1672) [ 1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [ word count] [ stephani-b-copiae].
|
