Ad illustrissimum dominum generalem Cisterciensem, 15. Aprilis 1667, nomine reverendissimi. Reverendissime atque illustrissime domine domine

(1) Accepta sat tempestive capituli generalis indictione totus quidem in eo fueram, ut reverendissimae ac illustrissimae dominationis vestrae gratiosae voluntati atque imperio satisfacturus ad comitia ordinis Oecumenica in partes Galliae me conferre pararem, quem in finem licentiam (sine qua ex comitatu pedem mihi efferre non licet) a Caesareae maiestatis[ERROR: no reftable :] Caesareae maiestatis] Gemeint ist Kaiser Leopold I. deputatis arcani consilii proceribus debito modo atque instantia sollicitavi. (2) Verum illi eandem impertiri renuentes excusatoriis potius suis ad honoratissimos patres capitulariter congregatos exaratis me donarunt, quas una hic ad illustrissimae dominationis suae sacratas manus venerabundus depono in spem adductus fore, ut absentiam meam eadem illustrissima pietas vestra cum suis reverendissimis diffinitoribus iniquius non ferat, quandoquidem mihi compedes non volenti iniectae sunt atque itinerandi facultas adempta. (3) Alias sane optatius quidquam aut desiderabilius accidere mihi vix potuisset, quam si honorandissimam et dilectissimam ordinis matrem, Cistercium, comminus salutare ac sub tot tamque illustrium et gravium virorum conspectum mihi datum fuisset venire.

(4) Ceterum quia mox post susceptum abbatiale regimen prima mihi cura fuit de religiosa mihi commissorum iuventute litterarum studiis probe excolenda, primo eam disciplinis philosophicis imbui curavi, quarum curriculo feliciter emenso etiam ad sacrae theologiae penetralia aditum eidem patefeci, quae et ipsa iam propediem ad umbilicum vergit. (5) Ut vero dictorum iuvenum animos

Previous page

Next page