Ad eundem eodem loci versantem, 1. Ianuarii anno 1667. Reverendissime in Christo pater, observandissime domine domine

(1) Quam reverendissima paternitas vestra mihi ac toti conventui apprecari dignata est novi anni felicitatem, eandem reciproco et filiali affectu reverendissimae pietati vestrae cordialiter adprecamur impense optantes, ut eandem propitium Numen ad huiusmodi Ianuarias revolutiones quamplurimas diutissime servet et in rem ac emolumentum monasterii nostri constanti valetudine, pacato regimine et omnibus secundis successibus beare dignetur.

(2) Quadringenti floreni pro reverendo vicario in Mais[ERROR: no reftable :] reverendo ... Mais] Gemeint ist Pater Georg Nussbaumer. parum abfuit, ut hac vice transmissi non fuissent, siquidem epistulam reverendissimae pietatis vestrae primum heri, id est die Veneris, accepi pauculis horis ante, quam viae se darent aurigae. (3) Ad litteras reverendissimae pietatis vestrae anteriores responsum citius ematurare non potui, quandoquidem et illae non nisi ultima dominica adventus sub vesperum ad meas manus pervenere, ut proinde ad responsales emittendas sabbatum tamquam diem postae ordinarium exspectare oportuerit.

(4) Alias a scribendo nulla me infirmitas (laus Deo) retinuit. (5) Pater professor iam per hebdomadem hypocausti sui custos factus commune triclinium nobiscum non frequentavit laborans ex catarrho et angustia pectoris, qui ipsum in pervigilio sanctissimae nativitatis ferme praesenti periculo suffocationis subiecit. (6) Res tamen iam eatenus meliorata est, ut hodie in Christi infantis circumcisione [ERROR: no reftable :] Christi ... circumcisione] 1. Januar. sacris operari potuerit. (7) Frater Nicolaus[ERROR: no reftable :] frater Nicolaus] Wer hier gemeint ist, ist nicht klar, da sich im Album Stamsense für den in Frage kommenden Zeitraum kein Bruder dieses Namens findet. alteram modo septimanam lecto decumbit ex poplite suppurato quottidie copiosam saniem extrudente et idem malum alteri etiam genu minitante. (8) Nimirum bonus frater toto corpore malignis et noxiis humoribus refertus est. (9) Deus, corporum et animorum medicus, his

Previous page

Next page