Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F226r -- visitationi subiectis scripto percipere
cupit, ut ipse postmodum Cistercii exactam reddere valeat rationem de asceteriis
suae provinciae. (4) Verum clariorem de hac re lucem a proxima visitatoris
instructione exspecto, me interim reverendissimae pietati vestrae demisse
commendans, ex Stambs 25. Septembris etc.
491. Stephani an Abt Augustinus Haas in Mais
[Stams], 2. Oktober 1666
Der vom Alter bereits gekennzeichnete Thomas von Schauenstein hat angefragt, ob er
für 2400 Gulden im Kloster Stams verpflegt werden kann. Stephani hat die Sache vor
den Konvent gebracht, der der Aufnahme unbedingt zustimmt. Im Rahmen des letzten
Aderlasses hat der Arzt Thomas von Schauenstein gesehen, und auch er glaubt nicht,
dass er noch lange leben werde. Wie auch immer, sollte man sich dieses Geld nicht
entgehen lassen. Monatliche Zahlungen der Familie sowie spätere Begräbniskosten sind
außerdem zu berücksichtigen.
Ad abbatem in vindemiis constitutum, 2. Octobris 1666.
Reverendissime in Christo pater, observandissime domine domine
(1) Circa ineundum contractum alimentationis praenobilis domini Thomae de
Schauuwenstain seniores et saniores de conventu una cum officialibus in consilium,
ut iussus eram, vocavi perceptisque singulatia eorum votis ac suffragiis unanimis
omnium et concors sensus fuit (cui et ego adstipulor) oblatam 2400 florenorum
pensionem omnimodis acceptandam esse, utpote in evidens monasterii emolumentum
cessuram, siquidem (praeter alias rationes pluras) indicia in praedicto nobili
domino iam quasi aperta praenuntiant ipsum haud diu incolam fore super terram,
quippe cuius interna vitalium partium harmonia iam graviter sit destructa ac ruinae
totali vicinior. (2) Et sane medicus noster cum nuper phlebotomiae nostrorum
interesset, viso Thoma coniecturavit et in aurem aliis dixit illum propediem iam
parturire phthisin. (3) Sed quidquid sit de eius vita breviore vel longiore, quae in
manu Dei est, censeo istam contrahendi occasionem minime repudiandam esse, tum quod
tota provisionis summa in pari et quidem aurea moneta monasterio numeranda
spondeatur, tum
Stephani, Benedikt; 1613–1672 (1613–1672) [ 1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [ word count] [ stephani-b-copiae].
|