Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
metuo, ne damnosior sit futura quam utilior, in locis praesertim omnino planis. (12) Profecto tantam molem nivium vix memini in monasterio nostro aliquando vidisse. (13) Iudicis nostri hymenaea quando celebranda sint, sicuti non indago, ita etiamnum ignoro. (14) Alias non dubito dominum de Wolfsthurn ante octiduum ipsi intimasse reditum reverendissimae paternitatis vestrae ad dominicam sexagesimae omnino esse incertum, ut proinde bonis avibus ad suas nuptias praevolare posset. (15) Atque hisce pauculis reverendissimae pietati vestrae me commendo.
482. Stephani an Prior Benedikt Hein aus Kaisheim
Stams, 23. Februar 1666
Stephani möchte seinen Amtskollegen in Kaisheim über das augenblickliche Verhalten
des Kaisheimers Bruder Gottfried, der in Stams weilt, informieren. Er ist gesund,
sowohl Tiroler Wein als auch Tiroler Klima behagen ihm, sodass er fleißig studieren
kann. Er möchte bald zum Priester geweiht werden, weil er gehört hat, dass zwei
Stamser zu diesem Zweck bald nach Brixen geschickt werden. Darum bittet er selbst
Prior Hein in dem beigelegten Brief.
(1) Quia vix dubitare possum, quin admodum reverenda pietas sua scire aveat, qui nunc
temporis sese habeat in novo incolatu frater Godefridus vester, committere nolui,
quin pauculis eandem lineis desuper certiorem redderem. (2) Usus ille hactenus apud
nos fuit prospera semper valetudine, nihil quidquam infirmitatis perpessus,
conducentibus ipsi tam nostrate vino, quam etiam aëre Tyrolensi, unde in studiis
litterarum impiger est nec minus in choro diligens. (3) Una tantum cura ipsum
lancinat, ut brevi in domo Dei ad aram sacrificium omnipotenti litare valeat. (4)
Quia etenim nuper inaudierat,
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |