doctrina praeditus, non penitus floccifaciat.

(7) In serie eligentium patrem Edmundum[ERROR: no reftable :] patrem Edmundum] Gemeint ist Pater Edmundus Quaranta. praeterivi, quoniam is nulli alteri nisi sibimet ipsi votum tulit, allegans primo promissionem a reverendissima pietate vestra sibi factam de succedendo post fatum patris Ioannis, deinde spem de recuperanda omnimodis valetudinem sua in terra Maisensi. (8) Ceterum ego sicut eundem ad parochi vices salva conscientia promovere non possem, ita si reverendissimae pietati vestrae placeret, cum mutandi aeris et recolligendi exterioris hominis gratia, ad tempus aliquod dumtaxat, ad canonicam Maisensem evocare nihilo contrairem, cum dubitandum non sit hoc temporis in ipso multum melancholiae dominari.

(9) Circa Paulum[ERROR: no reftable :] Paulum] Gemeint ist Bruder Paulus Spiesegger. novitium nostrum hactenus res anceps et intricata est ad de futuris eius progressibus tenue augurium. (10) Fuit is ante 14 plus minus dies ob iniunctam a moderatore paenitentiam instigante maligno et propria inconstantia plus quam muliebri sufflante ita tentatus, ut non modo oboedientiam in subeunda poena excusserit, verum etiam postera luce mox a matutinis discessum atque dimissionem a magistro flagitarit, a quo tamen brevi ac facile in viam reductus et praestita satisfactione humiliatus, nunc aliud se nihil desiderare dictitat, quam gratiam inter nos stabiliendi. (11) Quid vero mentis sit circa dispositionem temporalium suorum, propria manu ut exprimeret, iussi atque per inclusam cartulam communico. (12) Quibus reverendissimam pietatem vestram submisse salutans, ut in Maisensi ecclesia, vere coenobii nostri margarita, cuncta prospere fluant, Deum impense exoro.