Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F166r -- (1) Postridie Kalendarum Iunii Ingolstadio ad me destinatas quarto post die
salvas accepi, sicut et priores illas tuas mense Aprili, non tamen a manibus
Matthiae Freitag, qui nemini in monasterio nostro visus est, litteris tuis in Silz
depositis coenobium Stambsense praetergressus. (2) Reciprocas nunc dare cogor, non
ut tuae epistulae respondeam vel desiderio satisfaciam, sed quia necessitas non
vulgaris me compellit.
(3) Scripseram tibi iam tertium, ut pro vita et incolumitate reverendissimi domini
abbatis nostri[ERROR: no reftable :]
reverendissimi ... nostri] Gemeint ist Abt Bernhard
Gemelich. fervidis ad Deum precibus instares. (4) Nunc vero est,
cur idem tibi iterum iterumque contentis vocibus occinam, quando de eiusdem
temporali salute iam paene est conclamatum. (5) Postquam enim ille iam inde a mense
Ianuario infirmitatibus cum aliarum partium vitalium, tum praecipue stomachi varie
exagitatus fuit, demum sub sacras ferias pentecostes inopinata metamorphosi hydrops
se prodere coepit, quae eundem et a pristino suo vigore deiecit et sibi prorsus
absimilem reddidit. (6) Videres nunc in eo graviter tumefactum ventrem, tempora
collapsa, faciem Hippocraticam[ERROR: no reftable :] Hippocraticam] Hypocraticam hs.
(qualem scilicet ex Galieno habere solent hydropici) genas exhaustas,
colorem vultus fusco-pallidum, ex angusto pectore vocem semifractam, verbo, omnia
letho quam saluti viciniora. (7) Iam igitur, siqua amoris in te filialis est
affectio, vires suas exerat et pro tam necessario capite in profundendis precibus
omnes nervos intendat. (8) Finio, quia metus et maeror calamum stringit ac me
prolixiorem esse non sinit.
388. Stephani an Bruder Tobias Zigl, Student in Ingolstadt
Stams, 22. Juni 1660
Abt Gemelich geht es immer noch schlecht. Inzwischen ist er in die Obhut der Ärzte in
Innsbruck überstellt worden. Johannes Stocker soll nun endlich die 25 Gulden von
seinem Direktor erhalten, der dazu keinen Brief von Abt Gemelich mehr bekommen wird.
Zigl soll Stocker ermutigen, nun in Stams einzutreten und auch andere dazu
anzuregen. Zigl soll auch die beiden Rhetorikstudenten, die unter seiner Obhut
stehen, dazu anregen. Stephani verspricht Zigl, dass er in Ingolstadt bleiben und
sein Studium absolvieren darf. Ihm fehlen dazu nur mehr zwei Fächer: Gnadenlehre und
die Lehre der Fleischwerdung Jesu.
Stephani, Benedikt; 1613–1672 (1613–1672) [ 1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [ word count] [ stephani-b-copiae].
|