Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F141r -- (1) Intentionis meae quidem erat religiosis iuvenibus monasterii mei eam
parare ac providere commoditatem, qua intra domesticos parietes et sub claustralis
disciplinae circo tam philosophicis quam theologicis studiis sese possent excolere.
(2) Verum quia conductum a me lectorem Hybernum, cum necdum solidum annum
praelectionibus theologicis insudasset, superiorum suorum auctoritas anno praeterito
ad partes Belgicas[ERROR: no reftable :] ad partes Belgicas] Vgl.
>Primisser cap. 42 § 44 Dum Stamsio item hoc anno vale dixit
theologiae professor noster Eugenius Callamanus, a superioribus suis in
Belgium evocatus mense Augusto. mihi et meis nimis
intempestive avocaverat, futurum Lovanii professorem praeter voluntatem nostram
docendi pariter ac discendi filum, cum vix ordiretur, succisum est. (3) At quia ex
praedictis iunioribus nostris unus aut alter capacioris ingenii est et forte ad
erudiendum olim etiam alios habilior, propositum mihi est de illis unum saltem, si
non binos, sub proxime venturam studiorum renovationem ad nobilissimum illum
theosophiae cursum prosequendum et consummandum Ingolstadianae universitati
committere, cum aliis Cisterciensibus alumnis in curia vestra Caesariensi
sustentandos et regendos.
(4) Quem in finem duo edoceri percuperem, alterum, an Ingolstadii per dispositionem
temporum liceat canonico iuri simul ac theologiae auscultare, an vero utrumque
studium habeat horam simultaneam, item quaenam post divi Lucae
[ERROR: no reftable :] divi Lucae]
18. Oktober. in theologica tam ante quam pomeridiana
lectione tractandae forent materiae. (5) Cum nam praememorati fratres mei domi iam
aliquot tractatus percurrerint, notitiam de sacramentis, de legibus, de vitiis et
peccatis, superfluum ducerem eandem materiam bis calamo tam operoso excipere. (6)
Alterum, quid singula capita in praefata reverendissimae pietatis vestrae domo
Ingolstadiensi hebdomadatim pendere habeant pro annona cum pastus tum potus et
quousque sumptus annuus de via ordinaria, communiter ac circiter soleat procurrere.
(7) Cum nam destructo veteri dormitorio novae fabricae ac instau
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|
