Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F140v -- rari satis non possum istorum hominum malitiosam rusticitatem, qui
cum nihil magis formidare deberent, quam ne pastore orbati perceptione
sacramentorum, pastu divini verbi aliisque ecclesiae emolumentis carere cogerentur,
ispi e contrario curionem suum nullis, vel leviculis de causis, penitus non servato
ordine iuris et aequitatis sine antegressis ullis admonitionibus statim deiectum ac
depositum cupiant, nempe genio suo rustico non satis gratum et arridentem. (3) Qui
si hactenus cum iudice Zeilero et aliis quibusdam sua in caupona dilapidasset, nae
ille optimus atque intimus eorum amicus foret, nunc vero cum is forum et popinas
devitet atque intra aedis canonicae parietes, ut virum ecclesiacum apprime decet,
sese contineat, exosus malevolis ac invisus redditur eumque velut lapidem
offensionis excutere imprudentissime moliuntur. (4) Quare rebus ita constitutis
admodum reverendam et spectabilem dominationem vestram hisce peramice requisitam
cupio, quatenus praefatum dominum Iacobum contra malesanas suarum ovium
machinationes officii sui auctoritate et manutentione tueri adhuc porro dignetur vel
certe, si et ipsa spectabilis dominatio vestra in illo dignum aliquid reprehensione
aut etiam amotione deprehenderit, rerum statu mihi ceu directo collatori mature
perscripto et insinuato, inducias saltem ad usque purificationis festum prorogare
velit, dum fructus et proventus annuos facere possit suos, ne, quod ipse seminavit,
alii metant non meriti. (5) Atque hisce admodum reverendae et spectabili dominationi
vestrae omnem utriusque hominis prosperitatem ex animo precor. (6) Dabam ex
monasterio meo Stambsensi non ad pluteum, sed ex grabato die 13. Iunii anno
1658.
344. Stephani an Abt Georg IV. Müller von Kaisheim
[Stams], 13. August 1658
Stephani wollte den jungen Stamser Mönchen eine philosophische und theologische
Ausbildung im Mutterkloster ermöglichen. Nun aber wurde der Lektor nach Belgien
zurückgerufen, wo er Professor in Leuven werden soll. Einer oder zwei seiner Schüler
soll nun in Ingolstadt weiter ausgebildet werden. Dabei sollen sie wieder in
Kaisheim bei den anderen Zisterziensern Quartier nehmen. Stephani möchte wissen, ob
die Kurse für Kanonisches Recht und Theologie zugleich belegt werden können und wie
der Lehrplan aussieht. Die genannten Brüder haben schon einige Vorkenntnisse,
weswegen eine Wiederholung des Stoffes sinnlos erscheint. Weiters möchte Stephani
wissen, wieviel der Aufenthalt in Kaisheim kosten wird. Da in Stams gerade
Bauarbeiten stattfinden, möchte er im Voraus bezahlen, damit die Handwerker nicht
das Gesparte aufbrauchen. Der Abt möchte es bald wissen, da er bald zum Landtag in
Hall abreisen muss.
Ad reverendissimum praesulem Caesariensem Georgium 13. Augusti anno 1658.
Copiosissimam salutem et aurea tempora
Reverendissime in Christo pater, amplissime domine praesul
Stephani, Benedikt; 1613–1672 (1613–1672) [ 1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [ word count] [ stephani-b-copiae].
|