et stomachi ex diffuso felle amaricationem, ad quam fastidium omnis cibi ac ipsius etiam vini consecutum est. (2) Aliquot dies tenuit haec infirmitas, cum aeger medicum scripto consuluit, a quo varia in remedium ordinata accepit. (3) Biduo autem post ego eundem personaliter accersiri curavi, ex cuius iudicio et assertione didici febri continua seu maligna laborare infirmum, cui depellendae diversa pharmaca praescripsit, quorum usum aegrotus etiamnum continuat interdicto sibi penitus vino et duabus venis in bracchio et sub lingua incisis. (4) Est modo in statu convalescentiae, viribus tamen membrorum adhuc admodum debilis.

(5) Dominum Schleirmacher[ERROR: no reftable :] Schleiermacher] Gemeint ist der Arzt Gerhard Schleiermacher aus Innsbruck. in Stambs usque comitatus est pharmacopola Winklerus, experiundi potissimum gratia, quid de filio suo Francisco ageretur, quem ego puerum cum frugi apud nos haud futurum scirem, persuasi post multam sermocinationem dicto eius parenti, ut a monasterio nostro domum suam revocaretur, quod et factum undecimo die Octobris, quo in consortio Severini Swaikhoferi Oenipontum aqua vehente repetiit, sicque et fratri Alberico [ERROR: no reftable :] fratri Alberico] Gemeint ist Bruder Albericus Manincor. subtractus fomes tentationum et reliquae iuventuti scholarium occasio seductionis adempta.

(6) Spiritus proterviae, quo fratrem Theodoricum[ERROR: no reftable :] Theodoricum] Gemeint ist Bruder Theodor von Preisach. in priore mea epistula tumuisse nuntiavi, tandem deferbuit et ad meliorem genium iuvenis rediit, non tam suomet interno motu quam extrinseco impulsu cognati sui generosi domini Wagner, qui ante dies plus minus 12 ad nos divertens et a me super statu fratris Theodorici luculenter informatus tantos huic adhortationum ac suasionum arietes admovit, ut demum eiusdem animum expugnarit eoque perduxerit, ut isdem frater Theodericus et praetacto domino cognato suo stipulata manu promitteret se deinceps studia culturum atque etiam mores mutaturum in melius, et postera die a me privatim omnium verborum, quae proterve et insolenter antehac effutiisset, veniam deprecaretur.

(7) Frater Andreas conversus noster licentiam patriam et consanguineos suos, quam toties petitam nec a

Previous page

Next page