Philologic Results

(6) Certe siqua alia in re, in hoc negotio correspondentia et communicatione inter reverendissimos dominos praesules opus esse videtur, ut dum illustrissimus generalis uni monasterio visitando adhaeret, aliud vicinum ad eundem digne excipiendum comparare sese possit.

(7) Per multas iam septimanas de rebus congregationis a reverendissimis dominis coabbatibus nec apex aut unum iota in Stambs perscriptum est. (8) Solum reverendissimum dominum Caesariensem[ERROR: no reftable :] reverendissimum ... Caesariensem] Gemeint ist Abt Georg IV. Müller von Kaisheim. excipio, cuius epistulam reverendissimus meus Merano redux ipsa domenica die pentecostes accepit, in qua praeter alia memorabat, si illustrissimus dominus Claudius in adiutorem visitatorii muneris sibi adscisceret abbatem Sanct-Urbanensem vel alium quempiam de factione protestantium, constanter sibi videri contra hunc et illum a reverendissimis trium aliarum provinciarum abbatibus excipiendum fore (intemerata nihilominus et intemeranda illustrissimi domini generalis authoritate) tum intuitu et vigore illius inhibitorii, quod a congregatione episcoporum Romae anno superiore emanatum erat, tum etiam quod a schismate suo nondum resipiscere nec hactenus congregationi nostrae se reconciliare curarint.

(9) In labores reverendae pietatis vestrae nemo quidquam adhuc successit. (10) Unde si a reverendissimo et illustrissimo domino generali nationale capitulum alicubi fors convocari contingeret (quod ego quidem pro meo tenui sentire multo quam consultissimum iudicarem), in caput reverendae pietatis vestrae respiceret munus illud oratoris, quo reverendissimi domini praesules in suo consessu venirent exhortandi, id quod reverendissimus meus reverendae pietati vestrae per me hisce significari iussit, qui et hoc desiderio suo tribui a reverenda pietate vestra percupit, ut cum illustrissimus dominus Cisterciensis archipraesul ad Troiam vestram Salemitanam appulerit, celerrime id domui nostrae Stambsensi notificare satagat aperiendo simul, quinam reverendissimum dominum generalem comites cingant, qua is methodo in visitatione utatur, ac demum, an ulla eidem de cogendo provinciali conventu sit cogitatio. (11) Atque his finio tarditatemque responsionis meae ad vestras binas excusare supersedeo.

275. Stephani an Abt Bernhard Gemelich in Innsbruck [Stams], 30. Mai 1654 Stephani leitet einen Brief an Abt Gemelich weiter, der vor zwei Tagen aus Wertach angekommen ist und wahrscheinlich die Resignation von Christoph Kreuzer enthält. Dieser will sich aus Wertach nach Sonthofen zurückziehen. Gestern kam Joseph von Wolfsthurn in Stams an, der Abt Gemelich herzlich grüßen lässt. Aus München kam eine Nonne an, die den Hl. Johannes verehren und den entsprechenden Feierlichkeiten beiwohnen möchte, was Stephani erlaubte. Stephani will sich auch um die gewünschten Reliquien für den Erzherzog kümmern. Ad reverendissimum dominum abbatem nostrum Oeniponti haerentem, 30. Maii anno 1654. Reverendissime in Christo pater, observandissime domine praesul

(1) Submitto reverendissimae pietati vestrae litteras nudiustertius ex Wertach per proprium ad nos directas, quas ut non aperuerim, non aliud argumentum continere auguror, quam resignationem domini Christophori Kreuzer,[ERROR: no reftable :] Christophori Kreuzer] Zu seiner Einsetzung in Wertach vgl. Primisser cap. 42 § 30 Novus vicarius ad nutum abbatis amovibilis praesentatus est Christophorus Creuzarius Casparo episcopo Adramiteno, Sigismundi archiducis Augustani episcopi suffraganeo, praesentatus est IX Kalendas Octobres. qui beneficium ecclesiae Wertacensis propediem relicturus parochiam Sunthoviensem

Previous page

Next page

Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].