Welcome to PhiloLogic |
home | the ARTFL project | download | documentation | sample databases | |
Starck, Wolfgang; 1554/55–1605 (1554/55–1605) [1606], Catharina Tragoedia, versio electronica (), 1973 versus, Ed. Tilg, Stefan [word count] [starck-w-catharina].
Cat: Non lachrimandi finis est? Valete
iam,
Actus II. Scena 2
Agite, o sodales, agite, adeste, ponite Aram rotundam huc Apidi! Ut stet mollius, Ubique flosculos deo substernite! Locate sedem Caesari in partem alterum, In alterum Augustae! Sed hem, praeco advenit, Et Caesar aderit. Ite mecum, adducite Apim deorum maximum, sanctissimum! Pra: In publicum prodibit imperator, ut Api litet hostias paratu regio. Huc, advenae, incolae, mora nulla, accurrite, Iuvate vestris vota votis Caesaris, et dona ferte quisque pro modulo suo, Pecuniosi magna, parvi pauperes! Placet diis, benevola quod mens immolat. Max: Quia tam secundis classis allabens fretis Portum subivit et sine belli obstaculo Tetigimus urbem hanc, magnus olim quam cavo Dominator Asiae struxit Alexander sinu, Par est diis auctoribus tanti boni Grates referre, ut qui dederunt gloriam,
Starck, Wolfgang; 1554/55–1605 (1554/55–1605) [1606], Catharina Tragoedia, versio electronica (), 1973 versus, Ed. Tilg, Stefan [word count] [starck-w-catharina]. |