Starck, Wolfgang; 1554/55–1605 (1554/55–1605) [1606], Catharina Tragoedia, versio electronica (), 1973 versus, Ed. Tilg, Stefan [word count] [starck-w-catharina].
-- -- Actus I. Scena 5
Chorus Angelorum
Omn: O, nimis felix Catharina, gaude,
His tibi clausum reseras Olympum,
His tibi claudis, reprobis patentem
Clavibus Orcum.
Ang.1: Quae lingua, quae vox praedicet
Benignitatem in pauperes,
Haec una virtus est deo
Prae ceteris gratissima.
Ang.2: Haec una virtus coelites
Hominesque nectit invicem.
Ang.3: Haec una virtus sidera
Mercatur et vendit solum.
Ang.4: Te iure liberalitas,
Monumenta sacra encomiis
Ornant, celebrant, efferunt.
Ang.5: Iuvabit ergo paucula
E pluribus decerpere.
Ang.6: Sic fiet, ut mortalium
256 Petimus Syenem] B 662. 260] B 566.
275–78] Sapphicum. 279–94] quatern. iamb.
Corda incalescant frigida
Flagrentque amore in pauperes.
Ang.1: Foeneratur domino, qui miseretur pauperis et
vicissitudinem suam reddet ei. Prov. 19.
Ang.2: Eleemosyna a morte liberat, et ipsa est,
quae purgat peccata et facit invenire misericordiam et vitam aeternam. Tob.
12.
Ang.3: Quicunque potum dederit uni ex minimis istis
calicem aquae frigidae tantum in nomine discipuli, non perdet mercedem suam.
Matth. 6.
Starck, Wolfgang; 1554/55–1605 (1554/55–1605) [1606], Catharina Tragoedia, versio electronica (), 1973 versus, Ed. Tilg, Stefan [word count] [starck-w-catharina].
|