Welcome to PhiloLogic |
home | the ARTFL project | download | documentation | sample databases | |
Starck, Wolfgang; 1554/55–1605 (1554/55–1605) [1606], Catharina Tragoedia, versio electronica (), 1973 versus, Ed. Tilg, Stefan [word count] [starck-w-catharina].
Actus V. Scena 4.
O quis malorum me rapit torrens foras! Ardeo furore. Adeste! Abite, coniugis Cadaver huc celeres trahite, ut funus novum Addam nefasti sceleris authorem magam! Pha: Prius expeditam oportuit veneficam. Pac: Caesar, cadaver, quod iacebat littore, Quisquam abstulit loco nec usquam cernitur. Max: Quis daemonum, quis terrigenum hoc ausus nefas? Per solis huius aureum iuro iubar: Peribit ille! Dicite, quis fecit scelus? Ras: Non, imperator, si mihi mortem inferas Possim referre. Sch: Tuam salutem testor, o Caesar, nihil scio. Max: Date, furciferi, date Poenas meritas, date! Quotquot estis perfidi, Statim iugulabo. Sic mea iussa spernitis?
Starck, Wolfgang; 1554/55–1605 (1554/55–1605) [1606], Catharina Tragoedia, versio electronica (), 1973 versus, Ed. Tilg, Stefan [word count] [starck-w-catharina]. |