Crijevic, Ilija (1463-1520) [1484, Dubrovnik]: Carmina e cod. Vat. lat. 1678, versio electronica, 7675 versus, verborum 46525, ed. Darko Novakovic [genus: poesis - elegia; poesis - epigramma; poesis - lyrica; poesis - epica] [numerus verborum] [crijev-i-carm-1678.xml].
Si vis in lexico quaerere, verbum elige et clavem 'd' in claviatura preme.
-- 17v -- Sic modo qui late populos crassatur in omnes,
Trans mare Phryxeum uilia terga dabit.
Mox illum populi trudent abigentque uicissim,
Quilibet et poenas summet ab hoste suo.
Illyriae tellus reparabitur, obruta surget
Et redimet uultus Graecia tota suos.
Nec mea pendendis Epidaurus moesta tributis
Flebit et iniustum fessa reponet onus,
Canitiemque suo sacram de puluere tollet
Libera barbarico Roma secunda iugo.
Vrbis et Eoae lacerata potentia surget,
Altera maiestas orbis et alter apex.
Imperiique uetus senium reuirescet auiti,
Qualis odorato praepes adusta rogo,
Aequalesque dabunt Asia atque Europa triumphos,
Certabuntque pari littora bina iugo.
Sic intersectae iunges diuortia terrae
Quam breuis angusto separat unda freto,
Transcursuque leui consors geminabitur orbis,
Seruiet et nostro culmen utrunque Deo.
Sic facile aduerso de limine proxima uinces,
Et Phrygas et nulla Lydia regna mora,
Assyriosque ultra tendes, Garabacthra, uel Indos,
Sol quibus admotis membra colorat equis.
Quicquid et hęroas armis domuisse uetustos,
Crijevic, Ilija (1463-1520) [1484, Dubrovnik]: Carmina e cod. Vat. lat. 1678, versio electronica, 7675 versus, verborum 46525, ed. Darko Novakovic [genus: poesis - elegia; poesis - epigramma; poesis - lyrica; poesis - epica] [numerus verborum] [crijev-i-carm-1678.xml].
|