coenandum ossa illi quidam ut cani iactabant. At ille propius accedens iuxta illos mingebat ut canis 57.

Crates, cum Nicodromum cytharedum iritasset, cęsus in faciem est. Cartulam itaque imponens fronti inscripsit: Nicodromus fecit 61.

Cleantes conuitiorum patiens a condiscipulis et a Sositheo poeta 78.

Ollę uestigium in cinere confundendum, id est iniurię obliuiscendum 82.

Iniuria per se malum non est, uerum in suspicionis metu id malum positum est etc. 110.

Imprudens. Solon, ut reipublicę prosit, stultitiam simulat 7.

/ Diogenes Platone de ideis disserente et nominante mensalitatem et cyathitatem: Equidem, inquit, o Plato, mensam et cyathum uideo, mensalitatem uero cyathitatemque non uideo. Et ille: Recte, inquit. Quibus enim cyathus mensaque conspicitur, oculos habes, quo autem mensalitas et cyathitas intelligitur, animam non habes 58.

Monimus[ERROR: no reftable :], mensarii cuiusdam famulus, amentiam simulat. Dimittitur, fit Diogenis discipulus 61.

Cleantes obtuso tardoque ingenio fuit, sed studii assiduitate uicit ingenii tarditatem 78.

Chrysippus in potationibus agebat quietem, crura tantum agitans, ita ut ancilla diceret Chrysippi sola inebriari crura 79.

Anaxarchus se ne id quidem scire dicebat, quod nihil sciret 94.

Iustitię tria genera: circa deos, circa homines, circa defunctos 36.

Aristoteles iustitiam dicebat uirtutem animi cuique secundum merita distribuentem 47.

Stateram non transiliendam 82.

Iustus a perturbatione remotissimus, iniustus uero perturbatione plenus est 110.

Ignis. Heraclitus ex igne cuncta constare dixit in illumque resolui 89.

Infernus. Bion dicebat eos qui essent in inferno magis fuisse cruciandos, si integris quam si perforatis uasis aquas ferrent. Facilem esse dicebat ad infernum uiam. Clausis enim oculis illuc iri 43.

Pythagoram descendisse ad inferos atque Hesiodi animam columnę ęreę uinculis adstrictam stridentemque uidisse, Homeri autem ex arbore pendentem et a serpentibus possessam, pro his quę de diis dixere 82.