LVCAS
Eger. Paralitico prius peccata dimittuntur, deinde morbus, ut scias hoc passum fuisse propter delicta V. Lazarus ulceribus plenus; canes lingebant ulcera eius, sed post hęc ab angelis delatus est in sinum Abrahę XVI.
Ecclesia. Inter ecclesiam et synagogam IIII. Stabulum ad quod implagatus ducitur alligatis plagis infusoque oleo et uino, est Ecclesia quam intrant sanguine Christi redempti et inuncti chrysmate. Iumento imponitur, ut carnalem appetitum supponat rationi X. Martha et Maria est Ecclesia primum sollicita, deinde beatitudinis fruitione quieta, quę non auferetur ab ea X. Domus mea domus orationis est XIX. Perdet colonos istos, et dabit uineam aliis XX. In templo non extendistis manus in me XXII.

IOANNES
Eger. Ecce sanus factus es; iam noli amplius peccare, ne deterius tibi aliquid contingat. Hinc apparet eum propter peccata egrotasse V. Alias non propter hanc causam, ut de cęco nato: Neque hic peccauit, nec parentes eius, ut cęcus nasceretur etc. IX. Item de Lazaro: Infirmitas hęc non est ad mortem, sed pro gloria Dei XI. Exemplum dedi uobis, ut, quemadmodum ego feci, ita et uos faciatis. Si hęc scitis, beati eritis si feceritis ea XIII. Ecclesia. Caueamus, ne in ecclesia Dei fabulis uel risibus uel odiis uel cupiditatibus uacemus: ne improuisus ueniens nos flagellet et de ecclesia sua eiiciat II . Sponsa Ecclesia etc. III. Encenia templi X. Mundus pro Ecclesia, ut Deus erat in Christo mundum reconcilians sibi XV. Mulier cum parit, tristitiam habet, id est Ecclesia dum Deo filios generat, tentationibus affligitur; sed cum peperit, id est superauit tentamenta, iam non meminit pressurę propter/gaudium retributionis perceptę XVI. Quadripartita ms-116v

Vade retro

Vade porro

---

Marulic, Marko (1450-1524) [1480]: Repertorium, versio electronica, Verborum 315700, ed. Branimir Glavicic [genus: prosa oratio - loci communes] [numerus verborum] [marul-mar-repert.xml].

---