<?xml version="1.0" encoding="UTF-8"?>
<TEI xmlns="http://www.tei-c.org/ns/1.0">
   <teiHeader>
      <fileDesc xml:id="milasin-f-met">
         <titleStmt>
            <title>Martini Sarcastii Pseudo-Nasonis Ilirici Metamorphosis unica artis poeticae amatoribus et
     osoribus ad novum annum dicata 1843, versio electronica</title>
            <author key="milasin01">
               <name xml:lang="hr">Milašinović, Franjo</name>
               <date>1808-1883</date>
            </author>
            <editor>
               <name>Senia Belamarić</name>
            </editor>
            <respStmt>
               <resp>Hanc editionem electronicam curavit</resp>
               <name>
                  <ref type="viaf" target="6913774">Neven Jovanović</ref>
               </name>
            </respStmt>
         </titleStmt>
         <editionStmt>
            <edition>Prema kasnijem znanstvenom izdanju (2001).
    </edition>
         </editionStmt>
         <extent ana="C">Mg:C 360 versus, verborum 2540</extent>
         <publicationStmt>
            <p>elektronska verzija: Digitalizacija hrvatskih latinista, znanstveni
     projekt na Filozofskom fakultetu Sveučilišta u Zagrebu,
     Hrvatska.  <date when-iso="2008-05">svibanj 2008</date>
            </p>
         </publicationStmt>
         <sourceDesc>
            <bibl type="repo" ana="digital">Digitalna verzija: CroALa</bibl>
            <bibl>
               <title level="a">Martini Sarcastii Pseudo-Nasonis Ilirici Metamorphosis unica artis poeticae amatoribus et
     osoribus ad novum annum dicata 1843</title>
               <author>Franjo Milašinović <date>1808–1883</date>
               </author>
               <author>Senia Belamarić</author>
               <respStmt>
                  <resp>Mentor:</resp> 
                  <name>Dr. sc. Darko Novaković.</name>
               </respStmt>
               <title level="u">Martini Sarcastii pseudo-Nasonis Metamorphosis unica artis poeticae amatoribus et osoribus ad novum annum dicata 1843. Diplomski rad</title>
               <date when-iso="2001-10">listopad 2001</date> 
               <pubPlace>Zagreb</pubPlace>
               <publisher>Filozofski fakultet</publisher>
               <biblScope>p. 11--20</biblScope>
            </bibl>
         </sourceDesc>
      </fileDesc>
  
      <profileDesc>
         <abstract>
            <p/>
         </abstract>
         <settingDesc>
            <p/>
         </settingDesc>
         <particDesc>
            <p/>
         </particDesc>
         <langUsage>
            <language ident="lat" xml:lang="hrv">latinski</language>
         </langUsage>
         <creation>
            <date notAfter="1843-01-01" period="18xx_2_third">ante novum annum 1843</date>
            <placeName>
    Zagreb
    </placeName>
         </creation>
         <textClass>
            <keywords scheme="typus">
               <term>poesis</term>
            </keywords>
            <keywords scheme="aetas">
               <term>Litterae recentiores (1600-1850)</term>
               <term>Saeculum 19 (1801-1850)</term>
               <term>1801-1850</term>
            </keywords>
            <keywords scheme="genre">
               <term>poesis - satura</term>
            </keywords>
         </textClass>
      </profileDesc>
      <revisionDesc>
         <change>
            <name>
               <ref type="viaf" target="6913774">Neven Jovanović</ref>
            </name>
            <name>Luka Špoljarić</name>
            <date>2012-07-22</date>
  Novo, unificirano zaglavlje.
  Nisu sređene bilješke
  </change>
         <change>
            <date>2009-06-29</date>
            <name>
               <ref type="viaf" target="6913774">Neven Jovanović</ref>
            </name>
    TEI zaglavlje uređeno prema PhiloLogic obrascu. 
    
   </change>
   
         <change>
            <name>
               <ref type="viaf" target="6913774">Neven Jovanović</ref>
            </name>
            <date>2008-10-10</date> Prilagodio bilješke PhiloLogic formatu. </change>
         <change>
            <name/>
            <date>2008-05-31T18:18:37</date>
         </change>
   
      </revisionDesc>

  
   </teiHeader>
 

   <text>

      <body>
         <div type="poesis-satura" met="hexameter">
            <head>MARTINI SARCASTII PSEUDO-NASONIS ILIRICI METAMORPHOSIS UNICA ARTIS POETICAE AMATORIBUS ET OSORIBUS<lb/>
 AD NOVUM ANNUM DICATA 1843.<ref type="note" xml:id="rd0e9" target="nd0e9" n="0"/>
            </head>
            <lg>
               <l>Quid celare iuvat, quod agit, quod peccat aperte</l>
               <l>Frons delira hominum risumque iramque movendo?</l>
               <l>Non facile tegitur vesania publica, lato</l>
               <l>Pervulgata foro, lacerans patriam intus et extus. ---</l>
               <l n="5"> Quae manifeste agitur, cur non ea scena canatur? ---</l>
               <l>Quid vetat e stultis satyros finxisse comoedis</l>
               <l>Sicque in ridiculum convertere triste theatrum?</l>
               <l>I! Satyra! Hoc praesta lectoribus, adspice lucem;</l>
               <l>Quae potes, emenda, quae non potes, argue, damna! </l>
            </lg>
            <milestone unit="section"/>
            <lg>
               <l n="10">Notus Alexandri sonipes, celebratus equorum</l>
               <l>Princeps, antiqua descendens arce Draconum,</l>
               <l>Bucephalus,<ref type="note" xml:id="rd0e58" target="nd0e58" n="1"/> praeses Satyrorum est, duxque cohortis</l>
               <l>Caudatae, in gentis funesta opprobria natus;</l>
               <l>Huic comes officii est Asinus de rure Turonum
<ref type="note" xml:id="rd0e67" target="nd0e67" n="2"/>
,</l>
               <l n="15"> Nobilis, ingenio stolidante, sed auribus ingens.</l>
               <l>His se praesidibus Satyrorum copia subdit:</l>
               <l>Scribius,
<ref type="note" xml:id="rd0e79" target="nd0e79" n="3"/>
 et canus Seculaeus,
<ref type="note" xml:id="rd0e82" target="nd0e82" n="4"/>
 et inclytus amplo</l>
               <l>Sitkonius
<ref type="note" xml:id="rd0e88" target="nd0e88" n="5"/>
 gibbo, pariterque simillimus illi</l>
               <l>Curejus,
<ref type="note" xml:id="rd0e94" target="nd0e94" n="6"/>
 secus insignis dromedarius urbis,</l>
               <l n="20"> Buboni Osculius
<ref type="note" xml:id="rd0e100" target="nd0e100" n="7"/>
 similis, Merularius
<ref type="note" xml:id="rd0e103" target="nd0e103" n="8"/>
 urso,</l>
               <l>Hellenius
<ref type="note" xml:id="rd0e109" target="nd0e109" n="9"/>
 capro, strumphax Animicius
<ref type="note" xml:id="rd0e112" target="nd0e112" n="10"/>
hirco;</l>
               <l>Ximicius
<ref type="note" xml:id="rd0e118" target="nd0e118" n="11"/>
 vulpem praesentat corde maligno,</l>
               <l>Effigies Cumisai
<ref type="note" xml:id="rd0e124" target="nd0e124" n="12"/>
 est salpa, ciconia Fabri.
<ref type="note" xml:id="rd0e127" target="nd0e127" n="13"/>
               </l>
               <l>Istos excipiunt alii Catique
<ref type="note" xml:id="rd0e133" target="nd0e133" n="14"/>
Lupique,
<ref type="note" xml:id="rd0e136" target="nd0e136" n="15"/>
               </l>
               <l n="25"> Corpore diversi, sed enim molimine stulti,</l>
               <l>Aris atque focis ingrati, in jura scelesti,</l>
               <l>Nigris plena dolis animalia, et absque cerebro;</l>
               <l>Ast peponum, quos terra nutrit, calvique Doderi 
<ref type="note" xml:id="rd0e151" target="nd0e151" n="16"/>
               </l>
               <l>Dorsum qui lingunt, servum pecus unius omnes,</l>
               <l n="30"> Hi forma simii,
<ref type="note" xml:id="rd0e160" target="nd0e160" n="17"/>
 quodcumque vident, imitantur;</l>
               <l>Aut similes ursis, iniecto in fauce capistro,</l>
               <l>Sic omnes saltant, Doderon ut tympana pulsat. –</l>
               <l>Dimittunt caudas, quoties is cornua tollit, </l>
               <l>Consiliique inopes violentum numen adorant.</l>
               <l n="35"> Quis numeret cunctos? Hi authores dissidiorum</l>
               <l>Prostibulum, fex, colluvies, oracula fundunt</l>
               <l>In Tusculano mendacis Apollinis antro,
<ref type="note" xml:id="rd0e184" target="nd0e184" n="18"/>
               </l>
               <l>Qualia non daemon, non evomat integer orcus;</l>
               <l>Hi patriae lessum Scythica modulantur avena,</l>
               <l n="40"> Admordent, quidquid patrium est; aliena sequuntur</l>
               <l>Obtruduntque, avidi cunctas exscindere linguas,</l>
               <l>Latius ut proprius strepat hoc in colle latratus:</l>
               <l>Sic agit ista ferox humani machina monstri.</l>
               <l>Nunc mihi, Musa, refer causam, quid scilicet istas</l>
               <l n="45"> Impulerit mentes? Quid tantum adferre furorem</l>
               <l>Et rabiem potuit? Sacros violare Penates,</l>
               <l>Palladium Patriae crudeli evertere nisu,</l>
               <l>Prisca novis mutare, et nil agnoscere sanctum? –</l>
               <l>Est animal ingens, cervina pelle superbum,</l>
               <l n="50"> In Scythiae sylvis infausto sidere natum;</l>
               <l>Vixdum conspexit lucem, iam nare sagaci</l>
               <l>Coepit venari praedas, turbare quietem,</l>
               <l>Insolito rugire sono, se flectere in omnes</l>
               <l>Astutae fraudis modulos; adrepere magnis</l>
               <l n="55"> Consiliis patrum; fatales tendere casses;</l>
               <l>Et coecos captare animos; confundere leges</l>
               <l>Antiquas; inter Satyros sibi condere regnum:</l>
               <l>Damius
<ref type="note" xml:id="rd0e250" target="nd0e250" n="19"/>
est illi cognomen; victitat herbis</l>
               <l>Pinguibus, et foliis Pesthani pascitur horti.
<ref type="note" xml:id="rd0e256" target="nd0e256" n="20"/>
               </l>
               <l n="60"> Cum foret insidiis metuendus, pluribus annis</l>
               <l>Carcere constrictus, prout rex Patibulius
<ref type="note" xml:id="rd0e265" target="nd0e265" n="21"/>
haesit,</l>
               <l>Ast modo iam liber custodibus atque catenis,</l>
               <l>Quoslibet in populos ira graviore ferocit:</l>
               <l>Quidquid hiat scythice, Damio duce militat et res</l>
               <l n="65"> Molitur tragicas, - utinam, o! Et certa ruinae</l>
               <l>Fundamenta suae! Genus hoc sese armat in omnes,</l>
               <l>Qui Latii aut Patriae sermonibus ora resolvunt:</l>
               <l>Praecipue iliricis juraverat odia Musis,</l>
               <l>Ut sylvis ululata vagis vox barbara vincat:</l>
               <l n="70"> Delere iliricam statuit cum nomine gentem.</l>
               <l>Ergo ut propositum succedat, nilque maneret</l>
               <l>Intactum, subito furiosus Damius atram</l>
               <l>Tendit ad ustrinam, tum ferri mole sonoram</l>
               <l>Percutit incudem, sonitu omnis sylva remugit:</l>
               <l n="75"> Evigilant Satyri, manibus pedibusque volucres</l>
               <l>Ad regem currunt; horae spatio ruit ingens</l>
               <l>Turba Ministrorum et fabrilia pensa capessit;</l>
               <l>Quos ubi praesentes conspexit Damius, inquit:</l>
               <l>O Socii! Nostrae purissima massa farinae!</l>
               <l n="80"> Novistis, nec enim vestras quidquam effugit aures,</l>
               <l>Quanta struant Iliri nostris obstacula rebus;</l>
               <l>Nescio, quo pleni peregrinae Palladis igne</l>
               <l>Incumbant Musarum ad opus, imprimisque paternae</l>
               <l>Culturam linguae studiis ferventibus urgent,</l>
               <l n="85"> Et libris, et dimissis hic inde novellis</l>
               <l>Adsciscunt socios, sibi eadem gente propinquos.</l>
               <l>Hos removere ratum est? Aut sunt nostra irrita vota,</l>
               <l>Aut hi jungendi nobis; haec prima laboris</l>
               <l>Cura sit, et reliquum, quod ego volo, sponte sequetur:</l>
               <l n="90"> Quare agite, o socii! Prorsus nova pensa laborum</l>
               <l>Imponam vobis hodie, non malleus isthic</l>
               <l>Perstrepet, aut quisquam ferri massam igne resolvet.</l>
               <l>Ecce hic detractas vulpineo corpore pelles</l>
               <l>Accipite, hinc varias deducite forcipe larvas,</l>
               <l n="95"> Ridiculas, stupidas, picea fuligine tetras.</l>
               <l>Mandavi: accelerate manus. Hac veste sodales</l>
               <l>Induam ego fidos, qui nostra negotia curent;</l>
               <l>Tu vero coetus primarie furcifer! (istis </l>
               <l>Corbovium
<ref type="note" xml:id="rd0e382" target="nd0e382" n="22"/>
 alloquitur verbis). Tu protinus ibis</l>
               <l n="100"> Ad Tusculanum mendacis Apollinis antrum,</l>
               <l>Quaeve paro fabricae portabis munera nostrae.</l>
               <l>Dum veneris, primo laetas aperito choreas,</l>
               <l>Allice saltantes, saltantibus injice larvas,</l>
               <l>Consilio stupidos, promissis ambitiosos,</l>
               <l n="105"> Fraudibus incautos, venales aere lucreris,</l>
               <l>Sic mentem eripies illis; te magna sequentur</l>
               <l>Agmina, - ter felix nostris accessio castris!</l>
               <l>Dixit, et appendit cannabini insignia funis</l>
               <l>Corbovio ad collum, quem, ne mandata moretur,</l>
               <l n="110"> Ter, quater in dorsum valido pedis impulit ictu.</l>
               <l>Interea expediunt Satyri mirabile pensum:</l>
               <l>Quotquot habent formas animalia bruta, tot illi</l>
               <l>Larvarum species fecerunt, auribus, ungue,</l>
               <l>Cornubus horrentes, exserto dente minaces,</l>
               <l n="115"> Caudis, caudellis, deformi mystace, barbis,</l>
               <l>Setis et strumis, quavis ratione facetas.</l>
               <l>Damius, ut vidit variis distincta figuris</l>
               <l>Spectra, fero quodam patefecit gaudia risu,</l>
               <l>Inque suas sedes Satyros cum laude remisit:</l>
               <l n="120"> «Sit restis mihi mors, a corvis devorer!»inquit</l>
               <l>«Si non possideo dignos diplomate fabros!»</l>
               <l>Deinde novos adhibet nervos, per Tartara carum</l>
               <l>Corbovium adjurat, longam illi vellicat aurem:</l>
               <l>«I! Defer curvo feliciter omnia dorso,</l>
               <l n="125"> Et memor imperii terras, Acheronta fatiga!»</l>
               <l>Haec dicens solitam petiit pro nocte popinam.</l>
               <l>Corbovius Domini facturus jussa potentis</l>
               <l>Ignito curru ficti susceptus Eliae,</l>
               <l>Fulmine pernicior cunctas praetervolat urbes,</l>
               <l n="130"> Nec secus ac Phaeton quaqua pertransit eundo,</l>
               <l>Heu late scythicis incendit pectora flammis,</l>
               <l>Adquiritque novos socios, sectamque propagat.</l>
               <l>Tandem cum Dravi rapidas enavigat undas,</l>
               <l>Ad designatum pertingit nudipes antrum</l>
               <l n="135"> Et lacer, et stomacho vacuo, miseraque crumena,
<ref type="note" xml:id="rd0e493" target="nd0e493" n="23"/>
               </l>
               <l>Tanta salutatam decuit reverentia terram!</l>
               <l>Vesper erat, densis indulsit luna tenebris</l>
               <l>Nocturnas implere vices, dum civibus alto</l>
               <l>Oppressis somno, Patriae novus advena nostrae</l>
               <l>Nullo teste patens urbis penetrale subivit.</l>
               <l>Principio exonerat gravidantem tergore molem,</l>
               <l>Quove Deus scythius residet sub colle, recondit.</l>
               <l>Est arcana specus, sunt hic labyrinthea tecta,</l>
               <l>Suspicione gravem locus iste exhalat odorem.</l>
               <l>Cura dein fuerat, damnosa in vota benigno</l>
               <l>Sacra parare Deo; quocirca victima furto</l>
               <l>Adlata occiditur, sacramque ad Apollinis aram</l>
               <l>Corbovius
<ref type="note" xml:id="rd0e535" target="nd0e535" n="a"/>
 offertur, foetosaeque ilia porcae:</l>
               <l>Et hinc Corbovius se nomine dixit Eliam.</l>
               <l>Postquam ita muneribus devinxit numen amicum,</l>
               <l>Insertis ori digitis ter fistulat, et ter</l>
               <l>Consocios vocat ad lusus, convivia, saltus.</l>
               <l>Nec mora, certatim concurrunt undique magnis
<ref type="note" xml:id="rd0e559" target="nd0e559" n="b"/>
               </l>
               <l>Et parvi, celebres, inhonori (vera fatebor),</l>
               <l>Ingenio ac opibus miseri, segnes et inepti</l>
               <l>Cuilibet officio, collo tenus aere gravati,</l>
               <l>Solvere difficiles, ad bachanalia prompti.</l>
               <l>Hospitium subeunt humiles, dominoque salutem</l>
               <l>Depromunt, posthaec mirantur, laudeque multa</l>
               <l>Corbovii divina colunt haec otia, eundem</l>
               <l>Diis sibi propitiis missum super aethera tollunt;</l>
               <l>Hic modus, hac veniunt forma. Tum singuli opimis</l>
               <l>Accumbunt mensis, sonat acri musica cornu,</l>
               <l>Pars legit in foliis sortem, pars altera ventrem</l>
               <l>Exsatiat dapibus; scythicas hic fumigat herbas</l>
               <l>Longo sub labiis furno, alter masticat illas;</l>
               <l>Ille viros summos critisat, tertius ille</l>
               <l>Immutat leges regni, subsellia confert:</l>
               <l>Sic varii vario sese recreamine pascunt.</l>
               <l>Festivo interdum teritur nox integra saltu.</l>
               <l>O conventus iners! O res mirabilis! Isti</l>
               <l>Conservatorum Patriae sibi nomen adoptant.</l>
               <l>Mane novo properant ad tristem gaudia finem.</l>
               <l>Dum repetunt oculi somnum, dum tempus abire</l>
               <l>Cogit, Corbovius ferales instruit artes:</l>
               <l>Nempe graves ventos, uno
<ref type="note" xml:id="rd0e634" target="nd0e634" n="c"/>
 pulmone reclusos,</l>
               <l>Attrahit in buccam, dein totis viribus efflat</l>
               <l>Extinguitque faces, et candelabra supinat.</l>
               <l>Mox autem larvas in eodem collo
<ref type="note" xml:id="rd0e649" target="nd0e649" n="d"/>
paratas</l>
               <l n="180"> Imprimit, hospitibus simul haec oracula promit:</l>

               <l>«Aut Damii regnum vestris augete triumphis,</l>
               <l>«Aut nunquam scythii sub Apollinis antra venite,</l>
               <l>«Foedere opus, junctis studiis vis infera cedit.»</l>

               <l>Audivere Dei voces, claramque revexit</l>
               <l n="185"> Plena dies lucem: quid fit? Sub tecta reditur</l>
               <l>Propria – principio rumpuntur viscera risu,</l>
               <l>Deinde metu fugiunt homines, portasque recludunt</l>
               <l>Tectis ne irrepant volitantia spectra domorum.</l>
               <l>Quos vultus! quas informes prospectibus hydras</l>
               <l n="190"> Vidimus! ignivomi terrens paradigma baratri,</l>
               <l>Cornua magna boum, mordaces dente molossi,</l>
               <l>Os apri vehementer hians, faucesque lupinae,</l>
               <l>Hirsuti simii, linguis hostilibus angues,</l>
               <l>Vulpes, foetentesque sues, asinique rudentes,</l>
               <l n="195"> Humanis pedibus gradiuntur in urbe, suamque</l>
               <l>Ignorant formam, hinc est vocis origo «Casino».</l>
               <l>Viderat hoc civis quidam pietate vetusta</l>
               <l>Progrediens ad templa deum, primoque theatri</l>
               <l>Horruit aspectu, dum animum, sensusque relegit</l>
               <l n="200"> Ter cruce signabat frontem, ter et amplius orans</l>
               <l>Felicem mortem. «O tristis», conclamat,» imago!</l>
               <l>Vel stulti regnant, vel habent mortalia finem</l>
               <l>--------------Entia supremum!»-----------------</l>
               <l>Hactenus arcanae versuta exordia causae</l>
               <l n="205"> Omnia dispiciens, gestarum conscia rerum</l>
               <l>Calliope explicuit nobis, nodumque resolvit,</l>
               <l>Quo religata sibi Satyrorum turba cohaeret.</l>
               <l>Vos nunc Iliricae, vos patria numina Musae,</l>
               <l>Famosae Heroum matres, et gloria Martis</l>
               <l n="210"> Et decus aeternum bello memorabilis aevi,</l>
               <l>Sed quoque Palladiae, dum pax regnabat, alumnae,</l>
               <l>Dicite, nam testes fueratis, famaque narrat,</l>
               <l>Susceptae contra Satyros certamina pugnae!</l>
               <l>«Sylvius Aeneas»
<ref type="note" xml:id="rd0e760" target="nd0e760" n="24"/>
(roseo incipit Eucharis
<ref type="note" xml:id="rd0e763" target="nd0e763" n="25"/>
 ore),</l>
               <l n="215"> Sylvius iliricis proles dilecta Camoenis,</l>
               <l>Vir totus Patriae vivens, in commoda linguae</l>
               <l>Pulchra dote refulgescens, rerumque peritus</l>
               <l>Forte laborabat studiosae ad pulpita Musae:</l>
               <l>Multa voluminibus detexit, multa notavit</l>
               <l n="220"> Ut reor <emph>Annales gentis</emph>; festiva repente</l>
               <l>Emicuit lux integro diffusa cubili</l>
               <l>Et matrona gravis stellato lucis amictu</l>
               <l>Constitit ante oculos Sylvii, cui vertice summo</l>
               <l>Arcus erat Lunae, sese renovantis et astrum</l>
               <l n="225"> Desuper aurifluum, veterani symbola regni.</l>
               <l>Sylvius e vultu, visaque ab imagine caram</l>
               <l>Agnovit Patriam: «quae te mihi prospera sistunt</l>
               <l>Omnia conspicuam, O», inquit, «dulcissima Mater!</l>
               <l>O! primum sidus vitae! his ego natus in ulnis!</l>
               <l n="230"> Hoc tenerum suxi pectus! dignare quod optas</l>
               <l>Protinus effari, tua mihi erit sancta voluntas</l>
               <l>Sive mori jubeas, moriar, sive vivere, vivam</l>
               <l>Totus in obsequium, et tantae genetricis amorem.»</l>
               <l>Haec ait, et manibus Divae pius oscula fixit</l>
               <l n="235"> Filius. Illa suum genitum de germine florem</l>
               <l>Leniter oppressit sinui, dein talia fatur:</l>
               <l>«Hoc, fili! quo jam recubas sub pectore, saevus</l>
               <l>Me dolor excruciat, quae diris obruta telis</l>
               <l>Et belli facibus non sensi, haec improba proles,</l>
               <l n="240"> Degeneres haec infligunt mihi vulnera nati.</l>
               <l>Ecce vides, illae fusae per compita larvae</l>
               <l>Et larvis similes animi, mea stirps, mea sunt mors,</l>
               <l>Artifices miseri, in quod pene dehisco, sepulchri</l>
               <l>Exitiique sui, patrum sacra jura fidemque</l>
               <l n="245"> Vendere pro Scythiae suspecta merce laborant,</l>
               <l>Et pudet eloquii materni, et nominis illos</l>
               <l>Ilirici, ut vafrae properent in rete novercae</l>
               <l>Me laniant, matremque negant, me saepe Riphei</l>
               <l>Accusant servile jugum affectare colossi,</l>
               <l n="250"> Et quas non labes, quae non mendacia spargunt,</l>
               <l>Ut flammas odii incendant, ad jurgia fratres</l>
               <l>Ducant, haec peccant recti simulamine zeli.</l>
               <l>Me miseram! quid demerui, quos lacte nutrivi</l>
               <l>Et callido
<ref type="note" xml:id="rd0e889" target="nd0e889" n="e"/>
 fovi amplexu, quos pane refeci</l>
               <l n="255"> Et claris atavis ditavi et honoribus auxi,</l>
               <l>Hi veterem rodunt, qua succrevere, medullam,</l>
               <l>Te quoque, nate! suis adversum rebus inique</l>
               <l>Affligent, mihi cum faveas, liventibus haeres </l>
               <l>Maxima spina oculis ipsorum; sed mihi poenas</l>
               <l n="260"> Progenies ingrata dabit; pars altera major</l>
               <l>Et sane melior natorum gemma meorum</l>
               <l>Vivit adhuc in vindicias et gaudia matris,</l>
               <l>Ista, prout vindex Coelum vult, proelia pro me</l>
               <l>Instruet, et Satyros acri certamine vincet!»</l>
               <l n="265"> Dixerat, et Jovis Austriaci clypeumque aquilamque</l>
               <l>Antetulit manibus, seque hoc munimine texit,</l>
               <l>Dein populi vultum turbae commixta resumpsit.</l>
               <l>Sylvius, augurio Divae stupefactus adhaeret</l>
               <l>Multum anceps, animo spes et formido recursant</l>
               <l n="270"> Et dein ipse forum petit, et, quae apparuit, umbram</l>
               <l>Sollicitis oculis sequitur, matremque requirit,</l>
               <l>Ast, heu! quis strepitus, quae se spectacula pandunt,</l>
               <l>Et plateas opplent rapido collecta tumultu.</l>
               <l>Stat monstrosa acies satyrorum ac infremit armis</l>
               <l n="275"> Praecluditque vias, et fata cruenta minatur.</l>
               <l>Scribius est turbae dux, larva indutus hyenae,</l>
               <l>Excitat ad pugnam, caedemque necemque perorans</l>
               <l>Ipse prior furias iratis manibus efflat:</l>
               <l>«Macte animo, comites! illam sub casside rubra</l>
               <l n="280"> Invisam nobis gentem sine fine ferite,</l>
               <l>Hi Damii regnum larvasque odere, voluntque</l>
               <l>Carniolas isthic cum lege inducere braccas.»</l>
               <l>Haec stolide inque Jovem Austriacum blasphema locutus</l>
               <l>Distribuit nummos majoraque dona spopondit,</l>
               <l n="285"> Primum dissidii fomitem ac incendia belli.</l>
               <l>Ergo congrunit Satyrus grex oreque spumat,</l>
               <l>Et qua parte sedent proceres tentoria figit,</l>
               <l>Occupat et spatia,
<ref type="note" xml:id="rd0e997" target="nd0e997" n="27"/>

 et sellas viridique Quiritum</l>
               <l>Ambulat in mensa, non ulla modestia, nec jus,</l>
               <l n="290"> Nec pudor effrenes retrahit, fera bestia tandem</l>
               <l>Impetit Iliridas coelo regique fideles,</l>
               <l>Nec secus, ac porci nati regione Turonum,
<ref type="note" xml:id="rd0e1012" target="nd0e1012" n="28"/>

               </l>
               <l>Quando vident pulchro venientes agmine cervos,</l>
               <l>Mox asino pastore suo praeeunte feroces</l>
               <l n="295"> Horrendum tollunt murmur: Lucavia tellus
<ref type="note" xml:id="rd0e1024" target="nd0e1024" n="29"/>
               </l>
               <l>Tota vomit rabiem, frendent ac omnia mordent</l>
               <l>Obvia, quae veniunt in fauces: denique in umbras</l>
               <l>Effigies furiunt;
<ref type="note" xml:id="rd0e1036" target="nd0e1036" n="30"/>

 neque sic insania cessat,</l>
               <l>Quin alias aliasque cient in bella cohortes,
<ref type="note" xml:id="rd0e1042" target="nd0e1042" n="31"/>
               </l>
               <l n="300"> Ut sic crescat adhuc asinaria foetidior sus:</l>
               <l>Tali nempe modo Satyri bachantur atroces</l>
               <l>Et quam quisque refert larvam, susdeque sequuntur;</l>
               <l>Interea veniunt generoso stemmate nati</l>
               <l>Purpurea chlamyde insignes et acinace cives,</l>
               <l n="305"> Inclyta posteritas heroum, et sanguis eorum,</l>
               <l>Qui Tataros olim, qui turcica moenia dextris</l>
               <l>Disrupere suis: hi adsunt de jure vetusto</l>
               <l>Concilio patrum socii testesque futuri.</l>
               <l>Ast ubi conspiciunt adversa parte locatas</l>
               <l n="310"> Larvarum species primis consistere sellis,</l>
               <l>Vaginis frameas educere; stringere ferrum</l>
               <l>In caput Iliridum, laesum jamque esse Baracum
<ref type="note" xml:id="rd0e1084" target="nd0e1084" n="32"/>
               </l>
               <l>«Ecce! quid hoc monstri apparet, quo venimus», ajunt,</l>
               <l>«Quis ferat hanc labem, tecto ut jungamur eodem</l>
               <l n="315"> «Nos, ac ista lues? vires intendite, fratres!</l>
               <l>«Non opus est gladio, flagris expellite brutam</l>
               <l>«Pestem! grande nefas, pecudes intrare senatum.»</l>
               <l>Haec dicunt, et suppositis, quam spectra tenebant,</l>
               <l>Evertunt humeris mensam, - prostrata jacebat</l>
               <l n="320"> Unica, sed multis immanis bellua larvis,</l>
               <l>Quae simul ac sensit, pulsari verbere terga,</l>
               <l>Terga celer vertit, quaeve data est janua fugit.</l>
               <l>Tunc patuit, qui semper inest animalibus istis.</l>
               <l>Spiritus addictus Damio, Patriaeque rebellis.</l>
               <l n="325"> Talia famosus dum vidit Scribius heros,</l>
               <l>Qui prius inclusum cornu comprehendere
<ref type="note" xml:id="rd0e1129" target="nd0e1129" n="f"/>
 Martem</l>
               <l>Visus erat, nunc ex acie fugitivus abibat, -</l>
               <l>Nactus Amazonidum tutos sub veste recessus,</l>
               <l>Bucephalus, Stibion,
<ref type="note" xml:id="rd0e1144" target="nd0e1144" n="33"/>
 Doderon, asinusque Turonum</l>
               <l n="330"> Ut pellem salvent, olidas subiere cloacas,</l>
               <l>Quemve locum sentina decet, sentina replevit.</l>
               <l>Altivolus,
<ref type="note" xml:id="rd0e1156" target="nd0e1156" n="34"/>

 magnum quem nutrit insula porcum,</l>
               <l>Intravit foedam, sociusque Pavonius
<ref type="note" xml:id="rd0e1162" target="nd0e1162" n="35"/>

 haram,</l>
               <!-- ?? -->
               <l>Fornaces simii, catique, lupique caminos.</l>
               <l n="335"> At stabulum cum barbatis Latoniger
<ref type="note" xml:id="rd0e1172" target="nd0e1172" n="36"/>
haedis,</l>
               <l>Et proprium quodvis animal quaerebat asylum.</l>
               <l>Keresus
<ref type="note" xml:id="rd0e1181" target="nd0e1181" n="37"/>
 et Tucius
<ref type="note" xml:id="rd0e1184" target="nd0e1184" n="38"/>
 flexit, Tomasusque
<ref type="note" xml:id="rd0e1187" target="nd0e1187" n="39"/>

rubebat</l>
               <l>Cancer vel quaecunque venit meleagris ab Indis,</l>
               <l>Flexit et Augustus
<ref type="note" xml:id="rd0e1196" target="nd0e1196" n="40"/>
 supplex, et fronte tumores</l>
               <l n="340"> Sudabat pingues, caligisque madentibus exit,</l>
               <l>Et cum fortunae
<ref type="note" xml:id="rd0e1205" target="nd0e1205" n="41"/> hospitio mutavit arenam.</l>
               <l>Sic ubi quisquiliis totam purgaverat aulam</l>
               <l>Riserat, et Iliricis cecinit victoria plausum.</l>
               <l>Succesu pugnae totum, quod vivit, ovabat.</l>
               <l n="345"> Solus Corbovius, dux, causaque maxima scenae,</l>
               <l>Corruit in terram exanimis, terramque momordit.</l>
               <l>Eucharis haec vidit, sincereque omnia nobis</l>
               <l>Dixit, et Ilirici Parnassum laeta petivit.</l>
               <l>Dilecti Cives! ut pax refloreat alma,</l>
               <l n="350"> Quod Satyrae scopus est, odiorum tollite causas!</l>
               <l>Ilirica de gente sumus, patriaque Croatae!</l>
               <l>Nemo neget gentem – Patriae sub nomine turpes</l>
               <l>Nemo tegat fraudes, alioquin ludimur extus! –</l>
               <l>Si fraus est intus: structam quis vitet abyssum?</l>
               <l n="355"> Sit cordi patrium nomen, cessetque Casinum;</l>
               <l>Fallax Corbovius Scythiae in deserta recedat,</l>
               <l>Et ferat, unde tulit, signatas stigmate larvas:</l>
               <l>Sic nos junget amor, concordia prisca redibit</l>
               <l>Ac aevum felix Ilira de gente Croatis!</l>
               <l n="360"> Tunc mea laudabunt sapientes carmina curas!</l>
            </lg>
         </div>

      </body>
      <back>
         <div type="notes">
            <head>Notae</head>
            <p>
               <ref xml:id="nd0e9" target="rd0e9" ana="editor" n="0">
  Tekst prilažem prema tiskanom izdanju, bilješke su preuzete od Matića, a numeracija se razlikuje od numeracije u tiskanom primjerku i preuzet je iz rukopisa MP 218 jer jedino u njemu postoji tumač.
 </ref>
                    <ref xml:id="nd0e58" target="rd0e58" ana="auctor" n="1">Comes Alexander Draskovich.</ref>
                    <ref xml:id="nd0e67" target="rd0e67" ana="auctor" n="2">Jozipovich Antonius, comes Turopolitanus.</ref>
                    <ref xml:id="nd0e79" target="rd0e79" ana="auctor" n="3">Piszachich Georgius.</ref>
                    <ref xml:id="nd0e82" target="rd0e82" ana="auctor" n="4">Zerpak, fiscalis.</ref>
                    <ref xml:id="nd0e88" target="rd0e88" ana="auctor" n="5">Sitkay, fiscalis.</ref>
                    <ref xml:id="nd0e94" target="rd0e94" ana="auctor" n="6">Josephus Briglevich, notarius districtualis.</ref>
                    <ref xml:id="nd0e100" target="rd0e100" ana="auctor" n="7">Aurelius Kussevich, archivarius.</ref>
                    <ref xml:id="nd0e103" target="rd0e103" ana="auctor" n="8">Stephanus Koosz, fiscalis.</ref>
                    <ref xml:id="nd0e109" target="rd0e109" ana="auctor" n="9">Carolus Jellachich.</ref>
                    <ref xml:id="nd0e112" target="rd0e112" ana="auctor" n="10">
Ignatius Dussek, comis. prov.</ref>
                    <ref xml:id="nd0e118" target="rd0e118" ana="auctor" n="11">
Nicolaus Mixich, regnor. protonotar.</ref>
                    <ref xml:id="nd0e124" target="rd0e124" ana="auctor" n="12">
Joannes Mikushay, phisices professor.</ref>
                    <ref xml:id="nd0e127" target="rd0e127" ana="auctor" n="13">
 Alexander Kovachich.</ref>
                    <ref xml:id="nd0e133" target="rd0e133" ana="auctor" n="14">
Josephus Machik, linguae h(unga)r(i)<FONT COLOR="#CC3300"><b>cae</b></FONT> p(ro)f(ess)or.</ref>
                    <ref xml:id="nd0e136" target="rd0e136" ana="auctor" n="15">
Daniel Farkass et ambo Vukassovich, canonicus et capitaneus, fratres.</ref>
                    <ref xml:id="nd0e151" target="rd0e151" ana="auctor" n="16">
Comes Joannes Erdoedy.</ref>
                    <ref xml:id="nd0e160" target="rd0e160" ana="auctor" n="17">
Magistratuales co(mi)t(a)tus Varasdinensis.</ref>
                    <ref xml:id="nd0e184" target="rd0e184" ana="auctor" n="18">
Cassino Zagrabiense.</ref>
                    <ref xml:id="nd0e250" target="rd0e250" ana="auctor" n="19">
Ludovicus Kossut, novalista.</ref>
                    <ref xml:id="nd0e256" target="rd0e256" ana="auctor" n="20">
Pesti Hirlap.</ref>
                    <ref xml:id="nd0e265" target="rd0e265" ana="auctor" n="21">
Veshelenyi.</ref>
                    <ref xml:id="nd0e382" target="rd0e382" ana="auctor" n="22">
Itidem Sitkay qua mandatarius Kossutianus, qui se nomine Eliae Corbovich in ejusdem novalibus scripserat.</ref>
                    <ref xml:id="nd0e493" target="rd0e493" ana="auctor" n="23">
Imago Sitkay Zagrabiam comparentis.</ref>
                    <ref xml:id="nd0e535" target="rd0e535" ana="editor" n="a">Rkp. <bibl>Mp 218</bibl>:<q> Corbovis</q>, a <bibl>rkp. R 4057 b i c, R 6189, R 4113</bibl>: <q>Cor bovis.</q>
               </ref>
                    <ref xml:id="nd0e559" target="rd0e559" ana="editor" n="b">Svi rukopisi (osim <bibl>R 4319</bibl>): <q>magni.</q>
               </ref>
                    <ref xml:id="nd0e634" target="rd0e634" ana="editor" n="c">Svi rukopisi (osim <bibl>R 4319</bibl>):<q> imo.</q>
               </ref>
                    <ref xml:id="nd0e649" target="rd0e649" ana="editor" n="d">Svi rukopisi (osim <bibl>R 4319</bibl>): <q>colle.</q>
               </ref>
                    <ref xml:id="nd0e760" target="rd0e760" ana="auctor" n="24">
D. Lyudevitus Gay.</ref>
                    <ref xml:id="nd0e763" target="rd0e763" ana="auctor" n="25">
Musa Illyrica.</ref>
                    <ref xml:id="nd0e889" target="rd0e889" ana="editor" n="e">Svi rukopisi (osim <bibl>R 4319</bibl>): <q>calido.</q>
               </ref>
                    <ref xml:id="nd0e997" target="rd0e997" ana="auctor" n="27">
 In restauratione co(mi)t(a)tus Zagrabiensis.</ref>
                    <ref xml:id="nd0e1012" target="rd0e1012" ana="auctor" n="28">
 Campus Turopolye.</ref>
                    <ref xml:id="nd0e1024" target="rd0e1024" ana="auctor" n="29">
Lucavecz, arx nobilium in Turopolje.</ref>
                    <ref xml:id="nd0e1036" target="rd0e1036" ana="auctor" n="30">
 Effigies denati Antonii Zdenchay, olim comitis Turopolitani, quam in arce sua Lukavecz in pariete pendentem ocassione primae suae congregationis post restaurationem co(mi)t(a)tus Zagrabiensis detraxerunt pedibusque conculcare intentarunt.</ref>
                    <ref xml:id="nd0e1042" target="rd0e1042" ana="auctor" n="31">
 Omnes co(mi)t(a)tus hungarici.</ref>
                    <ref xml:id="nd0e1084" target="rd0e1084" ana="auctor" n="32">
 Baracz, in parte illyrica primus vulneratus,</ref>
                    <ref xml:id="nd0e1129" target="rd0e1129" ana="editor" n="f">Svi rukopisi (osim <bibl>R 4319</bibl>): <q>comprendere.</q>
               </ref>
                    <ref xml:id="nd0e1144" target="rd0e1144" ana="auctor" n="33">
 Stivich</ref>
                    <ref xml:id="nd0e1156" target="rd0e1156" ana="auctor" n="34">
Hohraiter, canonicus Zagrabiensis.} ambo in insula nati</ref>
                    <ref xml:id="nd0e1162" target="rd0e1162" ana="auctor" n="35">
 Pavchecz, canonicus Zagrabiensis.} et ambo magyaromani.</ref>
                    <ref xml:id="nd0e1172" target="rd0e1172" ana="auctor" n="36">
 Josephus Chernolatecz.</ref>
                    <ref xml:id="nd0e1181" target="rd0e1181" ana="auctor" n="37">
 Kereszturi Paulus.</ref>
                    <ref xml:id="nd0e1184" target="rd0e1184" ana="auctor" n="38">
 Tuchich.</ref>
                    <ref xml:id="nd0e1187" target="rd0e1187" ana="auctor" n="39">
 Tomassich.</ref>
                    <ref xml:id="nd0e1196" target="rd0e1196" ana="auctor" n="40">
 Gustavus Osegovich.</ref>
                    <ref xml:id="nd0e1205" target="rd0e1205" ana="auctor" n="41">
 Cavana Fortunae in foro Sti. Marci.</ref>
            </p>                    
         </div>
      </back>
   </text>
</TEI>