Babulak, Oton (1808 - 1838) [1834, Osijek]: Ode honoribus Josephi Matzek, versio electronica, Verborum 593, ed. Nikola Matasovic [genus: poesis - ode] [numerus verborum] [babulak-o-ode-matzek.xml].
Si vis in lexico quaerere, verbum elige et clavem 'd' in claviatura preme.
-- 5 --
Ergo cur sacri tacitus, Camoenae!
Sic chorus Pindi maneat? novenae
Celsa cur magnum modulamne non dant
Carmen ad Astra?
Vos latet, quantis deceat nitere
Plausibus primam redeuntis Anni
Floridam lucem, rutilante stella
Suavis Eois?
Sacra JOSEPHI celebrantur isthic,
Sacra, dum dico, recoluntur almi,
Concinunt, laetosque dies celebrant
Tempora verna.
Ergo vocalem cytharam canendo
Turba Musarum propera levare,
Dulcibus mulcens animos, fugansque
Tetrica corda.
Docta JOSEPHO celebra Thalia
Svave concentu melos, atque carmen
Dulce curarum relevamen adde
Comica Clio.
Grata panduris resonemus omnes
Festa JOSEPHI, celebremus Eius
Nominis laudem, redolendo thura
Pectoris igne.
Babulak, Oton (1808 - 1838) [1834, Osijek]: Ode honoribus Josephi Matzek, versio electronica, Verborum 593, ed. Nikola Matasovic [genus: poesis - ode] [numerus verborum] [babulak-o-ode-matzek.xml].
|
