Pontanus, Jakob; 1542-1626 (1542-1626) [1580], Ludus de instauratione studiorum, versio electronica (), 591 versus, Ed. Tilg, Stefan [word count] [pontanus-j-ludus].
-- -- Vellunt barbam, vellunt capillum
atrociter,
In faciem grassantur pugnis. Ac:
Perversitas!
Ro: Posthaec solo affligunt et miserandum in
modum
Sputis et colaphis vultum deformant pium.
Ac: Crudele facinus! Ro: Genibus pectus opprimunt,
Et ventrem et tergum concidunt durissime.
Magister opem clamat, nos subito accurrimus:
Depellimus vulturios a cadavere,
Fugientes nudis insequimur mucronibus.
Fortuna sinistra nobis, illis dextera,
Cruentos parricidas servavit. Ac: Age dic
Quo penetraverunt? He: In domum hanc e
proximo.
Ac: Ingrediar, investigabo latrunculos!
Omnes seras secludam, omnes frangam fores,
Nullus erit quem non perscrutabor angulus.
Ubicunque latuerint, scelestos extraham.
Sequentur me revinctis post terga manibus
In obscurissimum et foedissimum specum.
Ibi illis pro benefactis mercedem dabo.
Valete! Ro: Vale, et quod dixisti re
perfice!
Ac: Omnino. Heus vos Lorarii, funes
promite!
Lo: En funes! – Ro:
Hoc hodie operis processit mihi
Tibique Helleni. Quidnam ultra desideras?
He: Mihi optime est si fuerit illis
pessime.
Id quod futurum tanto crediderim magis
Quia novi huius severitatem iudicis
In vindicandis sceleribus, quorum illud est
Sacerrimum et quavis poena dignissimum,
Pontanus, Jakob; 1542-1626 (1542-1626) [1580], Ludus de instauratione studiorum, versio electronica (), 591 versus, Ed. Tilg, Stefan [word count] [pontanus-j-ludus].
|