Katancic, Matija Petar (1750-1825) [1791]: Fructus autumnales, versio electronica, 948 versus, verborum 7599, ed. Tomo Matic [genus: poesis - ode; poesis - carmen; poesis - elegia; poesis - epigramma; prosa - paratextus; prosa - dedicatio; prosa - praefatio] [numerus verborum] [katancic-mp-fructus.xml].
Si vis in lexico quaerere, verbum elige et clavem 'd' in claviatura preme.
-- 273/369 --
Callem porro pete atque ad Statuas mea;
hinc transi Lugionem et Bathanatium,
sedem Pannoniae, [3] dum steterat, ducis;
Altinum manet ad latus.
25 Isthinc Antianas i, celeri pede
currens, purpureis rura madentia
pertransi Hungarici sanguinis imbribus,
quorum qui meminit, fleat.
Montis praetereas si nemus Aurei
30 sublinquasve Novas, clara [4] Colonia
pubis Romuleae cernitur eminus,
quam Dravi rigat undula.
Non montes [5] tibi plus impediunt iter, [15]
campo sunt patulo floribusque obsito
35 figendi, penitus donec eas, pedes,
misso flumine, Mursiam.
Non heic [6] necte moras (nectito, si libet,
paulisper), tacitum sed nemus inclutae [7]
intra Pannoniae, tum Stravianeos
40 montes ocyor adpete.
Hinc si progrederis, rus Inicernium
occurret; teneras heic [6] violas lege
turgentesque rosas atque hyacinthinos
flores necteve sertulum,
45 cuius pars violas, pars capiat rosas,
pars ramum viridis lauri habeat, velim;
innecte auriculis ipse tenellulos
flores, quos ager ille dat.
Sic bellam [8] teneat dextra corollulam,
50 Falconis capiat laeva scyphum iugi et
Almi; hinc posce lares, quos Pater incolit, [9]
ad rivos Oribae citos.
Katancic, Matija Petar (1750-1825) [1791]: Fructus autumnales, versio electronica, 948 versus, verborum 7599, ed. Tomo Matic [genus: poesis - ode; poesis - carmen; poesis - elegia; poesis - epigramma; prosa - paratextus; prosa - dedicatio; prosa - praefatio] [numerus verborum] [katancic-mp-fructus.xml].
|