1115 Praeliaque et duros superavit marte labores,
Imperiis rex ipse suis quos ferre coactum
Multos mandarat Pelias, per caerula vexit
A patre abductam rediens ad moenia Iolci
Aesonides nutu divum, thalamoque recepit
1120 Florentem blandeque tuentem. ibi Iasone foeta
Medeum peperit, quem celso montis in antro
Phillyrides aluit Chiron, ceu fata iubebant.
At proles Nerei dio sata sanguine nympha,
Pulcra quidem Psamathe tibi protulit, Aeace, Phocum;
1125 Sed tibi pressa Thetis plantas argentea, Peleu,
Sternentemque viros, animosque leonis habentem
Indomiti, clademque Phrygum, produxit Achillem.
Aeneam in riguis nemorosae vallibus Idae

antea Diomedes dicebatur. Multi alii Medeae et Iasonis fuere filii, quos mater crudelissime interfecit. Vide Diod. Sic. et Bannierium.

1123 At proles Nerei etc. Psamathe Nerei filia Phocum peperit Aeaco, Thetis Peleo Achillem, quas ego Nymphas esse arbitror duas puellas deprehensas in aliquo fluvio sese lavantes, ibique compressas ab Aeaco et Peleo. Quum vero prolem ediderunt, fuisse hanc in fano aliquo Neptuni aut Nereidum delubro depositam, et verum matrum nonien occultatum. Vana tantum religio malorum suadere potuit.

1128 Aeneam in riguis etc. Quod de Phoco et Achille diximus, dicendum pariter de Aenea, cuius quum mater ignoraretur formaque csset omnibus admirationi a Venere ortus iactabatur, mendacio antiquissimis illis temporibus frequenter ad prolem cohonestandam usurpato. Vide inter homericos Hymnum in Venerem, quem admodum