Accipiunt, tactusque chalybs Magnefide gemmâ
Stare negat, sydus donec tueatur amicum.
Caelum vota petunt: caelo suspirat in vno
Anxius aeger amor. Nescit, mihi credite, nescit
Quid Superûm domus alma, procul felicibus oris
Plena sibi speranda putat qui gaudia: censet
Aut aliam, nisi mortali quam lumine functis
Inchoat aeterni Solis praesentia, vitam.
78. O mihi fatali desponsa sub arbore coniux,
O aeui melioris ades, Mors, pronuba. Turpi
Te licet exesam macie, nudisque rigentem
Ossibus exiheant pictae mendacia telae;
Bis raptâ venis Helene mihi pulchrior. Ipsa [a] [ERROR: no reftable :] Vide Ouid. in epist. Oenon. ad Paridem.
Quin tibi si geminis ausit comitata Deabus
Se formâ conferre Venus; me judice, palmam
Continuò tibi cum Venus ipsa Deabus
Cesserit. O adsis pulcherrima. Quas ego, tanti
Muneris, extremique potens iam denique voti,
Sic meritae grato persoluam carmine laudes?
Sponte suâ numeri venient (dant gaudia vires
Ingenio) discentque hilares plùs posse Camoenae?
Solis inoccidui tu Phosphorus, vnica mentis
Sollicitae requies, curarum dulce leuamen,
Votorum portus, pacis sinus, anchora fessis
Cursibus, et patrij limen diceris olympi.
Hei mihi quìd cessas, et adhuc pia vota moraris?
Illis lenta veni, toto qui Nestore, toto
Qui procul Euboici te pulueris aggere vellent. [b] [ERROR: no reftable :] Aeuo scilicet Sibylla Euboica, de quo vide Ouidium lib. 14. Metam.
Has illi duxise moras, hanc ferre iubendi
Crudelem veniam. Satient se tristibus annis,
Aspiciantque suos secum canescere luctus.
Inuiso pereat cur munere, cur alienis
Mactetur votis, qui te flagrantibus vsque
Sollicitus studijs vrget, venatur, anhelat:

Vade retro

Vade porro