Quàm miros Fortuna sibi componere gaudet
Rebus in humanis ludos? Adversa secundis
Auspicium quoties fecere, ruinaque felix
In gremium lapsos sortis proiecit amicae?
Hostili medium transactus vulnere pectus
Nil se iam Superis debere Pheraeus Iason [a] [ERROR: no reftable :] Plut. de capienda ex hostibus util. et Val. lib. I. cap. 8.
Crediderat: vomicam tamen in Vitalibus altè
Haerentem explicuit mucro, fidusque, salutem,
Quam non attulerat Paeon, ferus attulit hostis.
Quis non exitio hybernas fore duceret arvis
Seminibusque niues? Atquì noua ducitur inde
Ad sobolem virtus: formandis foetibus aptus
Dum calor, et viuax naturae spiritus intrò
Cogitur, ac teneris radicibus insinuat se,
Perficiens, quae laeta suo dein tempore pubes
Exiliat, varijsque annum proventibus ornet.
Quid moror? Ipsa etiam morbis prodesse venena,
Multa mouens hominum in dubijs solertia rebus
Comperit. Exemplo est aconiti inamabile germen:
Luminibus quo vix aegris praesentius vllum, [b] [ERROR: no reftable :] Plin. lib. 27. cap. 3. Maiores oculorum medicamentis aconitum misceri saluberrime promulgauere: aperta professione, malum quidem nullum esse sine aliquo Bono.
Importuna premant liquidos si Nubila visus,
Auxilium venit, offusasque eliminat vmbras.
23. Atque hoc, perspicuâ, Graiae imortale Mineruae
Lumen, Epictetus signavit imagine: rebus
Dum medijs geminas hinc, illinc addidit ansas: [c] [ERROR: no reftable :] Cap. 58. Enchir.
Dextram vnam, sine fraude licet qua apprendere; laeuá
Ast aliam, nulli vnde queant impunè teneri.
Nimirum sociae ingenijs discordibus ansae
Oppositas rerum vires, effectaque partim
Commoda, Mortales partim laedentia signant.
24. Quocirca id reliquum, ratio id planissima dictat,
Infidi capulo vt lateris solerter omisso,

Vade retro

Vade porro