Gradic, Stjepan (1613. — 1683.) [1672]: Ad Venerem Titiani artificio pictam, versio electronica, 530 verborum, versus 86, ed. Neven Jovanovic [genus: poesis - elegia] [numerus verborum] [gradic-s-vener.xml].
Si vis in lexico quaerere, verbum elige et clavem 'd' in claviatura preme.
-- 388 --
An nescis teneris illum dare jura puellis,
Juncta Palatino quas alit ora jugo?
Macerat has curis, jucundumque improbus arcet,
Ne miserarum aetas florida ver agitet.
Nam tetricae studiis secreta in Valle Minervae
Per lanae exercet dura ministeria.
Et radiis cogit, rigidoque assuescere penso,
Staminaque assidua ferre, columque manu;
Ne segnis mores corrumpat inertia, neve
Mens vacet ad lusus desidiosa tuos.
His animis, his ingeniis (scis ipsa) necesse est,
Nec dulcis Bacchus, nec sit amica Venus.
Ergo hominem nunquam (si quid mihi credis) amabis,
Participemque tui nectaris esse voles.
Quin age, et ingrato te protinus eripe tecto,
Et sine cum Musis illum habitare suis.
Gradic, Stjepan (1613. — 1683.) [1672]: Ad Venerem Titiani artificio pictam, versio electronica, 530 verborum, versus 86, ed. Neven Jovanovic [genus: poesis - elegia] [numerus verborum] [gradic-s-vener.xml].
|