Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
-- -- Obsequiis, nec enim id patitur tua forma nec aetas.
Cat: O utinam taceas, Caesar: stat corde
voluntas
Iussa dei praeferre tuis. –
Max: O virgo superba!
Durior es ferro, nam blandimenta minasque
Despicis et surda perstas immobilis aure.
Tu populo spolias urbem, tu coniuge regem
Militibusque ducem, duce Cyrenensia regna.
Et miseremur adhuc? Et te servare parati,
Mitibus alloquimur verbis? Genus aspice quanta
Romanum pietate valet! Mitesce parumper!
Si servire pudet, mecum regnabis. Habeto
Coniugis extinctae thalamos! Romana videbis
Moenia, et incedes Latiam regina per urbem.
Accipe – largimur sine bello et sanguine – regnum!
Quae potiora petis? –
Cat: Iam tandem desine, Caesar!
Desine plura! Nefas iterum me nubere. Christo
Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
|