Scena V. Octavianus – Porphyrius – Macharius – Octavia, Melite, Claudia, Drusilla Puellae
Ah, Regina, iaces! Heu, nunc ubi splendidus ille
Frontis honos? Heu, illa decens pia frontis imago?
Sed non degeneri et pudibundo vulnere caesa es,
Stellantis pro rege poli quae senseris ensem.
Por: Quaenam haec ferocitas, immanitas, crudelitas!
Tori iugalis comparem spreta fide
Iussit necari et bestiis escam dari?
Ah quis ferat? Nolit velit, stat commori
Potius necatae, quam volucribus feris
Corpus lacerandum linquere. O dirum nefas! –
Quid hic puellae funeri astatis sacro?
Oct: Lugemus ambae, flemus, heu, dominae necem.
Dru: Crudeliter illa perempta iacet ter amabilis.
Clau: O luctus, o dolor, o stupenda immanitas!
Mel:

Previous page

Next page