Praestantius longe dabitur, quam liqueris.
Iam iam sequar, praecede, beata, fortiter!
Macharius: Occumbe fortiter, imperatrix optima!
Propter deum vitam quia perdis, invenis.
Nihil vereare! Vale, o deo charissima!
Tibi benedicat rex superum omnipotens deus.
Imp: Vale, et deum optimum atque maximum, precor,
Pro me ut precere, Machari, pater optime!
Eubulus: O ter beata sponsa Christi, iam vale!
Imp: Eubule, vale, commendo me precibus tuis!
Philaletes: O sempiternis digna laudibus, vale!
Imp: Vale, Philaletes optime et ornatissime!
Pantaleon: O digna amore et honore maximo, vale!
Non frigido tibi corde vale extremum precor.
Imp: O Pantaleon merito redamande mihi, vale!

Previous page

Next page