Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
-- -- Defluit et Christi legemque fidemque secutos
Participes iubet esse tui. Documenta salutis
Accipimus sequimurque animis in cuncta paratis.
Imp: Et nunc ego Christi cognitam sequor fidem,
Deumque Christum diis reiectis assero.
Christum ut deum semper venerabor et colam.
Cat: O vos felices mecumque in lumen ituros
Aethereum: mecum caelos visetis uterque.
Ite, autem interea haud segnes in vota precesque
Cessate: haud etenim mora erit, breve tempus habet res.
Por: Imus, quodque refers, cupimus. Vale, o inclyta
virgo!
Imp: Vale, o amore virago digna maximo,
Opto tuis perennibus frui amoribus.
Scena II.
Maxentius – Catharina – Primus Senator – Pontifex – Architectus
Vos agedum, mora nulla, illam producite, abite!
Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
|