Scena I. Livia imperatrix – Porphyrius – Tribunus – Claudia, Octavia, Melite etc. Pedissequae – Catharina
Miseret profecto, Porphyri, virgunculae,
Quam clausit impius specu Maxentius
Virgisque caedi iussit immitis diu.
Deinde caeco membra clausit carcere
Vacua medelae pharmaco et solatio
Illique crudelis prohibet escam dari.
Vereor, ut illa semiviva langueat
Vel mortua sit, migrans ad aetheris polos.
Por: Caesare digna viro, pulchris, regina, papillis,
Hac vita mihi cara magis, dum vita manebit,
Vise cavis clausam tenebris et carcere caeco,
Atque illam monitis solare atque erige pulchram,
Tale opus arcta meo quanquam circumdata collo

Previous page

Next page

---

Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].

---