Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
-- -- Phi.1: Caesar, magne opibus, regnis, prudentia et armis,
Vincimur a Christo, Christi transimus ad aras.
Da promtam victis veniam! Terrere minando
Non potes. Illabi manifestum in pectora numen
Sensimus et rutilare sacro caput illius igne
Vidimus et labi flammas ex ore loquentis.
Iam valeant, valeant veterum portenta deorum!
Rel.Phi: Credimus in Christum. Valeant portenta
deorum!
Max: O stolidi, o asini, o pestes, portenta,
diabli!
An non haec illa est? An non haec illa puella,
Quam temnebatis, cum stulto hanc pectore vocem
Rupistis (neque enim promissa indicta silebo):
„An ut in puellam disputemus garrulam,
Tantis philosophis opus erat? Promittimus
Victoriam. Discipulus huc novissimus
Noster vocandus erat et indoctissimus.“
Ecce puella, sophi, promissa superba reposco.
Ergo sophus nostris illuserit advena regnis?
Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
|