Paskalic, LudovikCamillo, GiulioMolza, Francesco MariaVolpe, Giovanni Antonio (c. 1500–1551; c. 1480–1544; 18. 6. 1489 – 28. 2. 1544; 1515–1558) [1551]: Carmina, versio electronica, 2642 versus, verborum 17191, ed. Sanja Peric Gavrancic [genus: poesis - elegia; poesis - sylva; poesis - epigramma] [numerus verborum] [paskalic-l-c.xml].
Si vis in lexico quaerere, verbum elige et clavem 'd' in claviatura preme.
<?xml version="1.0" encoding="UTF-8"?>
<TEI xmlns="http://www.tei-c.org/ns/1.0">
<teiHeader>
<fileDesc xml:id="paskalic-l-c">
<titleStmt>
<title>Carmina, versio electronica</title>
<author>Auctores varii: </author>
<author key="paskal01">
<name xml:lang="hr">Paskalić, Ludovik</name>
<date>c. 1500–1551</date>
</author>
<author>
<name xml:lang="it">Camillo, Giulio</name>, <date>c. 1480–1544</date>
</author>
<author>
<name>Molza, Francesco Maria</name>, Modena, <date>18. 6. 1489 – 28. 2. 1544</date>
</author>
<author xml:lang="it">
<name>Volpe, Giovanni Antonio</name>, <date>1515–1558</date>
</author>
<editor>Sanja Perić Gavrančić</editor>
<respStmt>
<resp>Hanc editionem electronicam curavit</resp>
<name>
<ref type="viaf" target="6913774">Neven Jovanović</ref>
</name>
</respStmt>
</titleStmt>
<editionStmt>
<edition> Digitalizat modernoga znanstvenog izdanja (2001). </edition>
</editionStmt>
<extent ana="D">Mg:D 2642 versus, verborum 17191</extent>
<publicationStmt>
<p>elektronska verzija: Digitalizacija hrvatskih latinista, znanstveni projekt na
Filozofskom fakultetu Sveučilišta u Zagrebu, Hrvatska. <date when="2010-03">ožujka
2010</date>.</p>
</publicationStmt>
<sourceDesc>
<bibl type="repo" ana="digital">Digitalna verzija: CroALa</bibl>
<bibl>Paskalić, Ludovik: Ludouici Pascalis, Iulii Camilli, Molsae, et aliorum illustrium
poetarum carmina, ad illustriss. et doctiss. marchionem Auriae Bernardinum Bonifatium
per Ludouicum Dulcium nunc primum in lucem aedita. Venetiis: apud Gabrielem Iolitum
et fratres De Ferrariis (1551)</bibl>
</sourceDesc>
</fileDesc>
<profileDesc>
<abstract>
<p/>
</abstract>
<settingDesc>
<p/>
</settingDesc>
<particDesc>
<p/>
</particDesc>
<langUsage>
<language ident="lat" xml:lang="hrv">latinski</language>
</langUsage>
<creation>
<date notAfter="1551" period="15xx_2_third">ante 1551.</date>
</creation>
<textClass>
<keywords scheme="typus">
<term>poesis</term>
</keywords>
<keywords scheme="aetas">
<term>Litterae renatae (1400-1600)</term>
<term>Saeculum 16 (1501-1600)</term>
<term>1501-1550</term>
</keywords>
<keywords scheme="genre">
<term>poesis - elegia</term>
<term>poesis - sylva</term>
<term>poesis - epigramma</term>
</keywords>
</textClass>
</profileDesc>
<revisionDesc>
<change>
<name>
<ref type="viaf" target="6913774">Neven Jovanović</ref>
</name>
<name>Luka Špoljarić</name>
<date>2012-07-14</date> Novo, unificirano zaglavlje. </change>
<change> Dotjerao zaglavlje čitajući PhiloLogic mkbiblio. Obrojčao pjesme. Premjestio finis
na kraju knjige u closer. <name>
<ref type="viaf" target="6913774">Neven Jovanović</ref>
</name>
<date>2010-12-11</date>
</change>
<change> XML označavanje, zaglavlje <name>
<ref type="viaf" target="6913774">Neven Jovanović</ref>
</name>
<date>2010-03-07</date>
</change>
<change> Početni prijepis <name>Sanja Perić Gavrančić</name>
</change>
</revisionDesc>
</teiHeader>
<text type="poesis">
<front>
<!-- sredio naslovnicu -->
<titlePage>
<titlePart>LUDOVICI<lb/>
PASCALIS</titlePart>
<titlePart>IULII CAMILLI, MOLSAE,</titlePart>
<titlePart>ET ALIORUM ILLUSTRIUM<lb/>
POETARUM CARMINA,</titlePart>
<titlePart>AD ILLUSTRISS. ET DOCTISS.<lb/>
Marchionem Auriae <lb/>
BERNARDINUM BONIFATIUM</titlePart>
<docEdition>per Ludovicum Dulcium
nunc primum in
lucem edita</docEdition>
<docImprint>CUM PRIVILEGIO
VENETIIS APUD GABRIELEM
IOLITUM ET FRATRES
DE FERRARIIS
<date when="1551">MDLI</date>
</docImprint>
</titlePage>
</front>
<body>
<div type="liber" n="1">
<head>LUDOVICI / PASCHALIS / ELEGIARUM / LIBER PRIMUS</head>
<div type="poesis-elegia" xml:id="pasch1.1" met="elegiacum">
<head>AD MARIANUM BIZANTIUM</head>
<l n="1.1.1">DUM TE SOLLICITAE lites componere turbae,</l>
<l n="1.1.2"> Et iuvat in medio dicere iura foro;</l>
<l n="1.1.3">Me vero urbanis vacuum Bizantice curis</l>
<l n="1.1.4"> Rura tenent, studiis commodiora meis.</l>
<l n="1.1.5">Hic ver perpetuum rapidique sub igne Leonis</l>
<l n="1.1.6"> Nutrit odoriferas terra benigna Rosas;</l>
<l n="1.1.7">Mille nitent variis depicta coloribus arva</l>
<l n="1.1.8"> Floribus, et tenero gramine vernat humus.</l>
<l n="1.1.9">Hic sunt arbutei foetus, hic mitia poma,</l>
<l n="1.1.10">Lucidaque in gravidis vitibus uva nitet.</l>
<l n="1.1.11">Hic nobis foetae praebent lac dulce capellae,</l>
<l n="1.1.12">Suppeditantque sui pocula mellis apes;</l>
<l n="1.1.13">Et foecunda seges, et pleno copia cornu</l>
<l n="1.1.14"> Aurea Dictaei secula reddit avi.</l>
<l n="1.1.15">Pauper et angusti cultor studiosus agelli</l>
<l n="1.1.16"> Ceruleas vitam Naiadas inter ago:</l>
<l n="1.1.17">Securos capio, quum nox venit humida, somnos,</l>
<l n="1.1.18">Et satis est humili quaelibet herba toro.</l>
<l n="1.1.19">At matutinum, quum Lucifer exerit astrum,</l>
<l n="1.1.20"> Et toto nitidus panditur orbe dies;</l>
<l n="1.1.21">Nunc iuvat in densis disponere raetia ramis,</l>
<l n="1.1.22"> In quibus incautae praecipitentur aves.</l>
<l n="1.1.23">Nunc lepores per saxa sequor vulpesque fugaces;</l>
<l n="1.1.24">Et iubeo celeres voce subire canes.</l>
<l n="1.1.25">Ite alacres, properate alacres, urgete trementem,</l>
<l n="1.1.26">Effugeat vestros ne fera visa pedes.</l>
<l n="1.1.27">Fulmineos alii quaerant in montibus apros,</l>
<l n="1.1.28">Et cupiant rigidas perdomuisse feras:</l>
<l n="1.1.29">Haec me praeda iuvat, haec sunt mihi gaudia cordi;</l>
<l n="1.1.30"> Conveniunt animo non fera facta meo.</l>
<l n="1.1.31">Quum vero in medio Phoebus spatiatur Olympo,</l>
<l n="1.1.32"> Pascitur et sparsum longa per arva pecus;</l>
<l n="1.1.33">Tunc ego frondiferae sub quaelibet arboris umbra</l>
<l n="1.1.34"> Decipio lentos carminis arte dies.</l>
<l n="1.1.35">Hic; mihi dum veteres animo repetuntur amores,</l>
<l n="1.1.36"> Et Lyra dat querulos pollice tacta sonos;</l>
<l n="1.1.37">Credo equidem nostros intellexisse dolores, </l>
<l n="1.1.38">Sic mecum raucae dulce quaeruntur aves.</l>
<l n="1.1.39">Solanturque meas arguto carmine curas</l>
<l n="1.1.40"> Turtur, et infaustum quae gemit Ales Itym.</l>
<l n="1.1.41">Et coniux placida cantantem Chloridos aura</l>
<l n="1.1.42"> Ductus ab occiduis leniter afflat aquis.</l>
<l n="1.1.43">Talia in Elysiis memorantur gaudia campis,</l>
<l n="1.1.44">Vatibus antiquis si datur ulla fides.</l>
<l n="1.1.45">Hinc modo sublimes animo profectus in auras</l>
<l n="1.1.46"> Protinus Aonii montis ad antra feror.</l>
<l n="1.1.47">Illic Gorgonei florenti in margine fontis</l>
<l n="1.1.48"> Ludunt perpetuis numina docta choris.</l>
<l n="1.1.49">Inter Amadryades, et Oreades, atque Napaeas</l>
<l n="1.1.50">Stant Satyri, celeri turba notanda pede,</l>
<l n="1.1.51">Sylvani, Faunique agiles, Dryadesque puellae,</l>
<l n="1.1.52">Mixtaque Naiadibus flumina cana suis: </l>
<l n="1.1.53">Extremumque agmen Chorae longo ordine ducens,</l>
<l n="1.1.54">Explicat Aonii turba novenna iugi.</l>
<l n="1.1.55">Hos inter medios cantat formosus Apollo,</l>
<l n="1.1.56">Increpat aurata Calliopaea Lyra.</l>
<l n="1.1.57">Pan deus Arcadiae gracili modulatur avena, </l>
<l n="1.1.58"> Ad sonitum reliquo subsiliente choro.</l>
<l n="1.1.59">Parte alia umbroso cantat secretus in antro</l>
<l n="1.1.60"> Tityrus, Ausonii gloria prima soli:</l>
<l n="1.1.61">Et dum septenna modulatur harundine Thyrsis, </l>
<l n="1.1.62"> Pastorum ludos Alphesiboeus agit.</l>
<l n="1.1.63">In medio saltat coetu formosus Amyntas,</l>
<l n="1.1.64"> Nec cessat Lycidas, nec Coridonis amor.</l>
<l n="1.1.65">Exultant circum montes, atque ardua saxa,</l>
<l n="1.1.66">Et nihil in sacro vertice triste sonat.</l>
<l n="1.1.67">Sic Mariane meae tranquilla per ocia vitae</l>
<l n="1.1.68"> Labuntur celeri tempora tarda pede.</l>
<l n="1.1.69">Haec ego pace tua, praeponam (quantulacunque</l>
<l n="1.1.70">Sunt bona) divitiis aurifer Herme tuis.</l>
<l n="1.1.71">O possim tales inter deducere lusus,</l>
<l n="1.1.72">Quae superant vitae tempora cuncta meae.</l>
<l n="1.1.73">His ego nam studiis contingam nomine coelum,</l>
<l n="1.1.74"> Famaque post cineres nostra perennis erit.</l>
</div>
<div type="poesis-elegia" xml:id="pasch1.2" met="elegiacum">
<head>AD SYLVIAM</head>
<l n="1.2.1">Ducebam Facilem in sylvis sine crimine vitam,</l>
<l n="1.2.2">Verbosi fugiens iurgia vana fori.</l>
<l n="1.2.3">Illic sepositis demissus ad ocia curis</l>
<l n="1.2.4">Pectore depuleram tristia cuncta meo.</l>
<l n="1.2.5">Interdum molli claudebam languida somno </l>
<l n="1.2.6"> Lumina, vicinae murmure captus aquae; </l>
<l n="1.2.7">Et modo muscoso cantabam abiectus in antro,</l>
<l n="1.2.8"> Increpitans querulae pollice filla lyrae.</l>
<l n="1.2.9">Ah quoties, aliqua canerem dum solus in umbra,</l>
<l n="1.2.10"> et daret argutos dulcis avena sonos;</l>
<l n="1.2.11">Agrestes vidi captos dulcedine Divos</l>
<l n="1.2.12"> Ducere confusos lata per arva choros.</l>
<l n="1.2.13">Ah quoties viride sensi ingeminare Napaeas</l>
<l n="1.2.14"> Excepta alterno carmina nostra sono:</l>
<l n="1.2.15">Et modo dissimili lectas de flore corollas, </l>
<l n="1.2.16"> Aptabamque meis mollia serta comis;</l>
<l n="1.2.17">Errantesque inter nymphas spatiabar, et ipse</l>
<l n="1.2.18">Decipiens variis tempora tarda iocis;</l>
<l n="1.2.19">Et tranquilla mihi spirabant fata, nec umquam</l>
<l n="1.2.20"> Nostra cupidineus usserat ossa calor:</l>
<l n="1.2.21">Quum formosa suis me Sylvia coepit ocellis,</l>
<l n="1.2.22"> Pressit et insolito libera colla iugo;</l>
<l n="1.2.23">Non mihi iam sylvae, non sunt mihi moenia cordi,</l>
<l n="1.2.24"> Nec capiunt oculos florida prata meos.</l>
<l n="1.2.25">Non facit ad nostras agrestis fistula curas,</l>
<l n="1.2.26"> Iuncta nec argutae consona verba lyrae.</l>
<l n="1.2.27">Sola meos etenim praedata es Sylvia sensus, </l>
<l n="1.2.28"> Maxima nec sine te regna tenere velim.</l>
<l n="1.2.29">At, tua dum cupidis complectar colla lacertis,</l>
<l n="1.2.30">Tristia non renuam quaeque et acerba pati.</l>
<l n="1.2.31">Si me longinquos iubeas transcurrere ad Indos,</l>
<l n="1.2.32"> Et ibi ab Eoo munera ferre mari:</l>
<l n="1.2.33">Seu potius Lybicas me miseris inter harenas,</l>
<l n="1.2.34">Quas movet assidui vis furiosa Noti;</l>
<l n="1.2.35">Da modo te facilem, fiet quodcunque iubebis,</l>
<l n="1.2.36">Conatusque meos ipse iuvabit Amor.</l>
<l n="1.2.37">Tu mea spes sola es, tu lux mea, denique vitae</l>
<l n="1.2.38">Ardorisque mei Terminus unus erit.</l>
<l n="1.2.39">Et nisi letheis veniunt oblivia in undis,</l>
<l n="1.2.40"> Post obitum stygias te sequar inter aquas,</l>
<l n="1.2.41">Qua terret miseras latratu Cerberus umbras,</l>
<l n="1.2.42"> Dum quatit anguineas per tria colla iubas;</l>
<l n="1.2.43">Et Tytii saevus habitans sub pectore Vultur</l>
<l n="1.2.44">Assiduum rabio distrahit ore iecur.</l>
<l n="1.2.45">Impius Ixion radiis laceratur acutis,</l>
<l n="1.2.46"> Inque caput celeri volvitur usque rota.</l>
<l n="1.2.47">Bellides et cribro toties frustrantur inani,</l>
<l n="1.2.48"> Eternumque loquax Sysiphus urget onus.</l>
<l n="1.2.49">Et sitit in mediis infelix Tantalus undis,</l>
<l n="1.2.50"> Et frustra refugas appetit ore dapes.</l>
<l n="1.2.51">Has inter furias, inter tormenta nocentum,</l>
<l n="1.2.52">Te sequar haud dubia per loca mesta via.</l>
<l n="1.2.53">Spes dabit in tenebris lumen, Venus aurea vires,</l>
<l n="1.2.54"> Audacem faciet me meus unus Amor.</l>
<l n="1.2.55">Inveniam Elysii circum vaga flumina campi</l>
<l n="1.2.56">Carpentem niveas te mea vita rosas</l>
<l n="1.2.57">Heroas inter, formosasque Heroinas</l>
<l n="1.2.58">Attonitas formae nobilitate tuae.</l>
<l n="1.2.59">Illic transactae repetentes tempora vitae,</l>
<l n="1.2.60"> Tempora praecipiti praeteritura fuga,</l>
<l n="1.2.61">Flebimus, haud ullo quod fit reparabilis aevo,</l>
<l n="1.2.62"> Si qua dies vitae fluxerit huius iners.</l>
<l n="1.2.63">Dum licet hic igitur charos iungamus amores;</l>
<l n="1.2.64"> Nullaque, neve tibi, post funera, segniter olim</l>
<l n="1.2.65">Temporis elapsi fit meminisse dolor.</l>
</div>
<div type="poesis-elegia" xml:id="pasch1.3" met="elegiacum">
<head>AD MARIUM BRUTUM</head>
<l n="1.3.1">DUM MEA Pegasei versatur in aggere fontis,</l>
<l n="1.3.2"> Et vacat Aoniis prima iuventa choris:</l>
<l n="1.3.3">Nec se se gravibus potis est accingere curis,</l>
<l n="1.3.4"> Quam semel immiti compede vinxit Amor.</l>
<l n="1.3.5">Tu vero, Euganea qua lapsus ab arce Timavus</l>
<l n="1.3.6"> Fundit in Illyricos ora novenna sinus,</l>
<l n="1.3.7">Incolis antiquam Troiani Anthenoris urbem,</l>
<l n="1.3.8"> Atque Synopaeis moenia iacta viris,</l>
<l n="1.3.9">Ardua Cecropii tractans precaepta Solonis,</l>
<l n="1.3.10"> Et volvens animo grandia Iura tuo.</l>
<l n="1.3.11">Ecquid adhuc inter tantarum pondera rerum</l>
<l n="1.3.12"> Paschalis memorem te facit esse tui?</l>
<l n="1.3.13">Si penitus veteris non es oblitus amici,</l>
<l n="1.3.14"> Nec tua lethaeus pectora torpor habet, </l>
<l n="1.3.15">Qualiacunque libens nostrae cape munera Musae,</l>
<l n="1.3.16"> Quae tibi sint animi pignora certa mei.</l>
<l n="1.3.17">Et quamquam maiora tuo sub pectore versas,</l>
<l n="1.3.18"> Sunt tamen haec studiis non aliena tuis,</l>
<l n="1.3.19">Nam modo castaliis nemo est te notior antris,</l>
<l n="1.3.20"> Nemo Caballino largius amne bibit</l>
<l n="1.3.21">Atque (ita sim felix) quoties tua docta revolvo</l>
<l n="1.3.22"> Carmina (iudicio est gratia si qua meo,)</l>
<l n="1.3.23">Scripta cothurnati videor versare Maronis,</l>
<l n="1.3.24"> Aut Colophoniaci nobile Vatis opus.</l>
<l n="1.3.25">Quis tua scripta neget culto certare Tibullo?</l>
<l n="1.3.26"> Cumque Phyletaeis vivere digna modis;</l>
<l n="1.3.27">Quae te florentis sub tempora prima Iuventae</l>
<l n="1.3.28"> Flebilibus numeris scribere iussit Amor.</l>
<l n="1.3.29">Perge igitur (sint aequa tuis modo numina factis)</l>
<l n="1.3.30"> Accipies meritis praemia digna tuis.</l>
<l n="1.3.31">Vidimus a prima praesagia multa iuventa,</l>
<l n="1.3.32"> Et iam tunc laudis nuncia signa tuae.</l>
<l n="1.3.33">Novimus ingenium, nec dum patientibus annis</l>
<l n="1.3.34"> Aemula Nelaeo verba diserta Seni.</l>
<l n="1.3.35">Quis te mellifluis referantem pectora dictis</l>
<l n="1.3.36"> Doctius Arpino non putet ore loqui?</l>
<l n="1.3.37">Iam Romana suas in te facundia vires,</l>
<l n="1.3.38"> Et priscum reparat Attica lingua decus.</l>
<l n="1.3.39">Non ignota tibi Chrysippi inventa, nec ullus</l>
<l n="1.3.40"> In tam difficili qui latet arte locus.</l>
<l n="1.3.41">Sacra Stagirei tibi sunt tentata Magistri,</l>
<l n="1.3.42"> Quae numquam pauper qui colit, esse potest.</l>
<l n="1.3.43">Felix cui licuit spretis vulgaribus ausis</l>
<l n="1.3.44"> Ante diem studiis invigilare bonis.</l>
<l n="1.3.45">Nunc alii veterum titulis censentur avorum:</l>
<l n="1.3.46"> Sed tua iam veteres Gloria vicit Avos.</l>
<l n="1.3.47">Sed iam tempus adest patriis te reddere terris, </l>
<l n="1.3.48">Summaque iam Patriae solvere vota tuae.</l>
<l n="1.3.49">Absentem quae saepe suum suspirat Alumnum,</l>
<l n="1.3.50">Teque dolet tantas ducere Brute moras.</l>
<l n="1.3.51">Tolle moras igitur, nostrasque revertere in oras:</l>
<l n="1.3.52"> Sic tua felices coepta sequantur aves.</l>
<l n="1.3.53">Ut vaga te reduci verrentem coerula remo</l>
<l n="1.3.54">Accipiat placidis Hadria mitis aquis.</l>
<l n="1.3.55">Ludant connexis circum tua rostra choreis</l>
<l n="1.3.56"> Quotquot coeruleos continet unda Deos.</l>
<l n="1.3.57">Et tonet inflata Triton Super equora Concha,</l>
<l n="1.3.58"> Ad sonitum virides subsiliantque Dei.</l>
<l n="1.3.59">Et vectus curru per inanes Iuppiter auras</l>
<l n="1.3.60"> Aequora prospectu mulceat alta suo.</l>
<l n="1.3.61">Nulla micent toto contraria sydera coelo.</l>
<l n="1.3.62">Nec madidus pluvias concitet auster aquas. </l>
<l n="1.3.63">Laeta sed immensum foveat concordia pontum,</l>
<l n="1.3.64"> Spiret ab occiduo Chloridos aura Polo;</l>
<l n="1.3.65">Et tua foelices comitentur carbasa venti,</l>
<l n="1.3.66"> Incolumis Patrio dum referare solo.</l>
</div>
<div type="poesis-elegia" xml:id="pasch1.4" met="elegiacum">
<head>DE NATALI DIE</head>
<l n="1.4.1">Iamque meae quintum vitae claudentia lustrum</l>
<l n="1.4.2"> Natalis redeunt annua sacra mei.</l>
<l n="1.4.3">Salve sancta dies multos mihi culta per annos,</l>
<l n="1.4.4"> Nunc quoque selectos inter agenda iocos.</l>
<l n="1.4.5">Non ego te Lybicis Nomadum captivus in oris,</l>
<l n="1.4.6"> Quum premeret nostros arcta cathena pedes,</l>
<l n="1.4.7">Non colui; tibi nanque dedi pia thura, tulique,</l>
<l n="1.4.8"> Ante Deos casta munera parva manu,</l>
<l n="1.4.9">Nec tamen asuetas potui tibi ducere pompas;</l>
<l n="1.4.10"> Irati nobis sic voluere Dei.</l>
<l n="1.4.11">Ah gravis illa dies, qua vincula dura coactus,</l>
<l n="1.4.12"> Tortaque Barbarica verbera ferre manu.</l>
<l n="1.4.13">Illius quoties mihi tempestatis imago</l>
<l n="1.4.14"> Se se offert, animo tristis imago meo;</l>
<l n="1.4.15">Tunc mihi per totos sudor difunditur artus,</l>
<l n="1.4.16"> Arrectaeque rigent per caput omne comae.</l>
<l n="1.4.17">Sed miserata meos clementia numina casus, </l>
<l n="1.4.18"> Me cito de tantis eripuere malis.</l>
<l n="1.4.19">Nunc Diis auspicibus patriis iam redditus oris</l>
<l n="1.4.20">Persolvam superis munera vota choris.</l>
<l n="1.4.21">Nunc et Apollineae cingant mea tempora frondes,</l>
<l n="1.4.22"> Implicet et madidum festa corolla caput,</l>
<l n="1.4.23">Impulsaeque meo vocales police chordae</l>
<l n="1.4.24"> Testentur dulci gaudia nostra sono.</l>
<l n="1.4.25">Iam super accensas urantur olentia flammas</l>
<l n="1.4.26"> Cinama, et a rubro thura petita mari.</l>
<l n="1.4.27">Pancheisque sacrae placentur odoribus arae,</l>
<l n="1.4.28"> Et prece coelestes propitientur Heri.</l>
<l n="1.4.29">Et mollis cumulus Costi, et redolentis Amomi</l>
<l n="1.4.30"> Ante Deos suavi spiret odore lares.</l>
<l n="1.4.31">Antiqui salvete lares, salvete penates:</l>
<l n="1.4.32"> O semper votis numina culta meis.</l>
<l n="1.4.33">Infantem si me teneris aluistis ab annis, </l>
<l n="1.4.34"> Quum lusi vestros parvulus ante pedes:</l>
<l n="1.4.35">Si vos rite colo, placidas advertite mentes,</l>
<l n="1.4.36"> Et facili nostras excipite aure preces;</l>
<l n="1.4.37">Et quaecunque meas auditis Numina voces,</l>
<l n="1.4.38">Este precor votis non aliena meis,</l>
<l n="1.4.39">Ut mihi, dum fragilem liceat producere vitam,</l>
<l n="1.4.40"> In patria liceat vivere posse mea;</l>
<l n="1.4.41">Et procul a populi fastu, atque forensibus auris,</l>
<l n="1.4.42"> Ocia privata degere tuta domo;</l>
<l n="1.4.43">Nostraque sint nullis obnoxia pectora curis,</l>
<l n="1.4.44">Dum mea cum violis mens volet atque rosis;</l>
<l n="1.4.45">Inque sinu Dominae placidas deducere noctes,</l>
<l n="1.4.46">Et non difficili detur amore frui;</l>
<l n="1.4.47">Natalemque meum multos celebrare per annos,</l>
<l n="1.4.48">Undique foelices quem comitentur aves,</l>
<l n="1.4.49">Audiat, et pressis Erycina aspiret ocellis,</l>
<l n="1.4.50"> Et mea purpureus vota secundet Amor.</l>
</div>
<div type="poesis-elegia" xml:id="pasch1.5" met="elegiacum">
<head>AD IOANNEM BONAM.</head>
<l n="1.5.1">Me tenet Hadriaco circum pulsata profundo</l>
<l n="1.5.2"> Terra gelu, et rigida nunc adoperta nive.</l>
<l n="1.5.3">Hic inter glacies atque horrida frigora brumae</l>
<l n="1.5.4"> Uror, ut Assyrio sub Iove nudus Arabs:</l>
<l n="1.5.5">Uror ego, ut coelsum quum Syrius exerit astrum,</l>
<l n="1.5.6"> Uritur, Eoa quem rigat Indus aqua:</l>
<l n="1.5.7">Uror ego, Aethnaeis ferrum velut uritur antris,</l>
<l n="1.5.8">Mulciber irato quum struit arma Iovi:</l>
<l n="1.5.9">Uror ego, ut liquido perfusa bitumina lampas,</l>
<l n="1.5.10"> Flavaque supposito flagrat ut igne seges:</l>
<l n="1.5.11">Uror ego, et vivos iam iam conversus in ignes</l>
<l n="1.5.12">Accendo afflatu frigida saxa meo.</l>
<l n="1.5.13">Si mea florentem tangant suspiria sylvam,</l>
<l n="1.5.14"> Excutiet tremulas sylva perusta comas.</l>
<l n="1.5.15">Si mea Caucaseos adeant suspiria montes,</l>
<l n="1.5.16"> Ardebunt Scythicae per iuga summa nives.</l>
<l n="1.5.17">Solveret hic Oebri glacies, hic solveret Istri</l>
<l n="1.5.18"> Frigore concretas plurimus ardor aquas.</l>
<l n="1.5.19">Ite procul dulces, miserumque relinquite amici,</l>
<l n="1.5.20">Ne cadat in vestros haec mea flamma sinus.</l>
<l n="1.5.21">At vos tergeminae mea rumpite pensa sorores,</l>
<l n="1.5.22"> Arbitrium vitae est quas penes omne meae.</l>
<l n="1.5.23">Nam quid ego invisam cupiam producere vitam?</l>
<l n="1.5.24"> Si non ulla meis luctibus hora vacat:</l>
<l n="1.5.25">Si non ulla meae veniunt solatia menti,</l>
<l n="1.5.26"> Sed resonat gemitu noxque diesque meo?</l>
<l n="1.5.27">Quum nox atra venis, veniunt suspiria tecum,</l>
<l n="1.5.28"> Et mala, quae saevus plurima mittit amor.</l>
<l n="1.5.29">Non mea iucundo declinat lumina somno,</l>
<l n="1.5.30"> Nec venit (heu misero) noctis amica quies:</l>
<l n="1.5.31">Seu dolor, et lachrymae, tristesque ante omnia curae</l>
<l n="1.5.32"> Exagitant animum per freta vasta meum:</l>
<l n="1.5.33">Nec faciunt nostri finem cum nocte dolores,</l>
<l n="1.5.34">Sed magis est stimulo noctis acerba dies.</l>
<l n="1.5.35">Quicquid ago, ad solitas rapitur mens anxia curas,</l>
<l n="1.5.36"> Et nihil est, quod iam me, nisi flere iuvet.</l>
<l n="1.5.37">Iam mihi nec risus, nec sunt mihi gaudia cordi:</l>
<l n="1.5.38">Conveniunt animo tristia cuncta meo.</l>
<l n="1.5.39">Nec iuvat assiduis coelum lassare querelis,</l>
<l n="1.5.40"> Despiciunt nostras numina surda preces.</l>
<l n="1.5.41">Nulla animo requies, nulla est spes certa salutis:</l>
<l n="1.5.42"> Quam foret in tantis mors mihi grata malis.</l>
<l n="1.5.43">Sola meos etenim potis est finire labores,</l>
<l n="1.5.44"> Et requiem tantis mors dare sola malis.</l>
<l n="1.5.45">Forsitan et mortem frustra imploravit inanis</l>
<l n="1.5.46"> Spes mea; quum nullam mors dare possit opem.</l>
<l n="1.5.47">Forsitan et nobis idem post funera sensus</l>
<l n="1.5.48">Permanet, extremam qui fuit ante diem;</l>
<l n="1.5.49">Scilicet, aeternos ut cogar ferre dolores,</l>
<l n="1.5.50"> Nullaque fit lachrymis ultima meta meis.</l>
<l n="1.5.51">At tu, quem placida respexit fronte Cupido,</l>
<l n="1.5.52"> Cui dat Amor faciles per sua regna vias;</l>
<l n="1.5.53">Bonna, iubar patriae, iuvenum pulcherrime, sed qui</l>
<l n="1.5.54">Ingenii superas dotibus, oris opes;</l>
<l n="1.5.55">Dum legis haec nostras testantia carmina flammas,</l>
<l n="1.5.56"> Exemplo poteris cautus amare meo.</l>
</div>
<div type="poesis-elegia" xml:id="pasch1.6" met="elegiacum">
<head>AD EUNDEM</head>
<l n="1.6.1">Quae mihi misisti dulcissima carmina, nostris</l>
<l n="1.6.2"> Solamen tribuunt non mediocre malis;</l>
<l n="1.6.3">Carmina quae Coo possint certare Phyletae,</l>
<l n="1.6.4">Carmina, quae moriens vix imitetur Olor.</l>
<l n="1.6.5">Certa ego sim demens, dum nostros arguis ignes,</l>
<l n="1.6.6">Si querar, aut si te dicere vera negem.</l>
<l n="1.6.7">Vera mones fateor, et cuncta salubria: sed me</l>
<l n="1.6.8"> Alterius nutu vivere cogit amor.</l>
<l n="1.6.9">Qui valet, heu facile sitienti consulit aegro,</l>
<l n="1.6.10">Abstineat gelidis ut patienter aquis.</l>
<l n="1.6.11">Tu quoque, quem nondum violenta Cupidinis ira</l>
<l n="1.6.12">Ussit, et intactum vulnere pectus habes;</l>
<l n="1.6.13">Alterius facile damnas incendia, nec te</l>
<l n="1.6.14"> Usus, ut indoleas ad mala nostra, facit.</l>
<l n="1.6.15">Omnis amans, tenerae quem torquet cura puellae,</l>
<l n="1.6.16"> Id quod amat nimium, vellet amare minus;</l>
<l n="1.6.17">Vellet ut ille ferus sensim decresceret ardor,</l>
<l n="1.6.18">Et levius fieri vellet amoris onus:</l>
<l n="1.6.19">Sed contra assiduo depugnat Marte Cupido</l>
<l n="1.6.20"> Quoque magis retrahis te, magis ille premit.</l>
<l n="1.6.21">Non tamen accipias ita, quae modo scribimus, ut me</l>
<l n="1.6.22"> Legitimi immemorem Bonna reare tori.</l>
<l n="1.6.23">Forsitan et casti me dulcis cura cubilis</l>
<l n="1.6.24"> Decoquit, et nimio cogit amore mori:</l>
<l n="1.6.25">Sed tu dum lachrymas, mea dum suspiria sentis,</l>
<l n="1.6.26">Non amor est, dices, sed furor iste tuus.</l>
<l n="1.6.27">Si, quod amas, securus habes, votoque potiris;</l>
<l n="1.6.28"> Cur gemis? et lachrymis turpiter ora rigas?</l>
<l n="1.6.29">Flere decet miserum, qui spe frustratur amantem,</l>
<l n="1.6.30"> Nec potis est longas ferre in amore moras.</l>
<l n="1.6.31">Haec tua. sed contra, quae nos adducimus, audi;</l>
<l n="1.6.32"> Et super addictis haec potiora tene.</l>
<l n="1.6.33">Innumeri, quorum sunt nota poemata vates,</l>
<l n="1.6.34"> Quos sacer aeterni nominis urit amor;</l>
<l n="1.6.35">Fingere multa solent, et veris iungere falsa, </l>
<l n="1.6.36"> Illicet ut varium pulchrius extet opus.</l>
<l n="1.6.37">Credulus es, si vera putas cecinisse Tibullum,</l>
<l n="1.6.38"> Dum cupit in gelidis montibus esse lapis.</l>
<l n="1.6.39">Credulus es, si vera putas cecinisse Poetas,</l>
<l n="1.6.40"> Quos legis assidua garrulitate queri.</l>
<l n="1.6.41">Credulus es, si grandiloquis et lege solutis</l>
<l n="1.6.42"> Vatibus indubiam credis inesse fidem.</l>
<l n="1.6.43">Me quoque, qui vatum veneror vestigia, saepe</l>
<l n="1.6.44"> Cogit Apollineus fingere multa calor;</l>
<l n="1.6.45">Et nunc tam duros tibi sum mentitus amores,</l>
<l n="1.6.46"> Quos legis in scriptis Bonna diserte meis.</l>
<l n="1.6.47">Quandoquidem audieram, blandam coepisse Dionem</l>
<l n="1.6.48"> In tua nescio quos damna movere dolos;</l>
<l n="1.6.49">Scilicet, ut facerent te nostra incendia cautum,</l>
<l n="1.6.50"> Incautus placidis ne caperere dolis.</l>
</div>
<div type="poesis-elegia" xml:id="pasch1.7" met="elegiacum">
<head>AD CAMILLUM DRACONEM AEGROTANTEM</head>
<l n="1.7.1">Quod nunc immerita torqueris febre, molestum</l>
<l n="1.7.2"> Pascali nimis est culte Camille tuo.</l>
<l n="1.7.3">Et certe, si vel precibus, vel viribus ullis,</l>
<l n="1.7.4"> Arte tibi aut aliqua ferre valeret opem;</l>
<l n="1.7.5">Pro te non fugeret quaecunque pericla subire,</l>
<l n="1.7.6"> Dum tibi prima foret restituenda salus.</l>
<l n="1.7.7">Et nunc caelicolas pro te languente fatigat,</l>
<l n="1.7.8"> Nam pia caelicolas vota precesque movent.</l>
<l n="1.7.9">Huc ades e summo gratae tibi vertice Cyrrhae</l>
<l n="1.7.10"> Phaebe pater, medicae prime repertor opis;</l>
<l n="1.7.11">Ferque salutiferas tecum, quas noveris herbas:</l>
<l n="1.7.12"> Dignus hic auxilio est quem tueare tuo.</l>
<l n="1.7.13">Solus hic in vario terraeque marisque tumultu</l>
<l n="1.7.14">Promptus in officio perstitit usque tuo.</l>
<l n="1.7.15">Dumque alii gladios, et Martia munia tractant,</l>
<l n="1.7.16"> Ingentes aliis accumulantur opes;</l>
<l n="1.7.17">Delectat Sylius alios venatus in altis,</l>
<l n="1.7.18">Ast alios culti cura fatigat agri;</l>
<l n="1.7.19">Hic vacat Aonidum studiis foelicibus, et te</l>
<l n="1.7.20">Et tua securus sacra beata colit.</l>
<l n="1.7.21">Dignus hic est igitur (si te tua sacra colentis</l>
<l n="1.7.22"> Cura movet) docta cui medeare manu;</l>
<l n="1.7.23">Qui tibi perpetuas grates pro munere habebit,</l>
<l n="1.7.24"> Offeret et templis thura Sabaea tuis.</l>
<l n="1.7.25">Ast ego mille super gratissima carmina pangam;</l>
<l n="1.7.26"> Si modo Phoebe tuam senserit eger opem.</l>
</div>
<div type="poesis-elegia" xml:id="pasch1.8" met="elegiacum">
<head>DE MONILI DOMINAE</head>
<l n="1.8.1">In quibus Indus aquis? quo te tulit amne Britannus,</l>
<l n="1.8.2"> Quod cingis Dominae colla monile meae?</l>
<l n="1.8.3">Certe ego crediderim coeli in regionibus ortum</l>
<l n="1.8.4"> Inde per aereas huc cecidisse vias:</l>
<l n="1.8.5">Nam, quae potus alit, quae tellus gignit, et Aer,</l>
<l n="1.8.6">Illa ego non tanto munere digna putem;</l>
<l n="1.8.7">Quam tua sors foelix, et sorte beatior omni</l>
<l n="1.8.8"> Dum toties nivea te tenet ipsa manu;</l>
<l n="1.8.9">Aut, dum foecundo spatiaris Amoris in horto,</l>
<l n="1.8.10">Et legis in mediis Aurea mala rosis;</l>
<l n="1.8.11">Et modo formosis das oscula mille papillis,</l>
<l n="1.8.12"> Osculaque interdum mutua mille refers;</l>
<l n="1.8.13">Oscula, quae tristis non possit carpere livor;</l>
<l n="1.8.14"> Oscula mortales apta beare viros.</l>
<l n="1.8.15">O mihi si liceat varias assumere formas,</l>
<l n="1.8.16"> Et mea in innumeros vertere mebra modos;</l>
<l n="1.8.17">Non ego raucus olor, non alta fronte iuvencus,</l>
<l n="1.8.18"> Sed fieri Domine posse, Monile, velim.</l>
</div>
<div type="poesis-elegia" xml:id="pasch1.9" met="elegiacum">
<head>MARTINALES LUSUS</head>
<l n="1.9.1">Iam Martinalis redeunt solennia pompae,</l>
<l n="1.9.2"> Festaque non tacito praetereunda pede.</l>
<l n="1.9.3">Haec celebrat praesens pro Saturnalibus aetas,</l>
<l n="1.9.4"> Ut nihil antiquis invideamus avis.</l>
<l n="1.9.5">Disscurunt iuvenes passim, celeresque puellae</l>
<l n="1.9.6"> Per medios urbis, sedula turba, vias:</l>
<l n="1.9.7">Atque ferunt referuntque cito vaga munera cursu,</l>
<l n="1.9.8"> Munera, quae certi pondus amoris habent.</l>
<l n="1.9.9">Laetitia, cantuque sonant loca cuncta, virumque</l>
<l n="1.9.10"> Excipiunt hylares, sydera celsa sonos:</l>
<l n="1.9.11">Ducuntur variae per compita lata choreae,</l>
<l n="1.9.12"> Saltat amatori iuncta puella suo:</l>
<l n="1.9.13">Impiger in medio populi fervore Cupido,</l>
<l n="1.9.14"> Molliter accensas vibrat in ora faces.</l>
<l n="1.9.15">Interea multi tepefacta calore Lyei</l>
<l n="1.9.16"> Fertur inornatis ebria turba choris,</l>
<l n="1.9.17">Qualiter, Ogigio rapitur quum protinus oestro,</l>
<l n="1.9.18"> Saltat in alternos concita Bacca pedes.</l>
<l n="1.9.19">Haud aliter nostram rapitur vesana per urbem</l>
<l n="1.9.20"> Illa tumens multi turba calore meri.</l>
<l n="1.9.21">Cernuntur loeti mediis sub noctibus ignes,</l>
<l n="1.9.22">Accensaeque micant per latus omne faces:</l>
<l n="1.9.23">Pulsa tremit pedibus tellus, clamoribus aether,</l>
<l n="1.9.24"> Ingeminant laetos concava tecta sonos.</l>
<l n="1.9.25">Non tuba, non litui, non illic tympana desunt,</l>
<l n="1.9.26"> Non Aegiptiacis sistra verenda Deis.</l>
<l n="1.9.27">Haud secus Ideis resonabant aera sub antris,</l>
<l n="1.9.28">Quae puerum morti surripuere Iovem.</l>
<l n="1.9.29">Perque domos passim convivia laeta parantur,</l>
<l n="1.9.30"> Sternitur Attalicis mensa beata toris,</l>
<l n="1.9.31">Libantur veteri carchesia fervida Baccho,</l>
<l n="1.9.32"> Nec mala fumosum dilluit unda merum.</l>
<l n="1.9.33">Tunc circum pleni calices inde vagantur,</l>
<l n="1.9.34"> Et castus toto pellitur orbe pudor, </l>
<l n="1.9.35">Per risum, atque iocum, et cantus nox ducitur omnis,</l>
<l n="1.9.36">Oblectat madidos alea iacta viros;</l>
<l n="1.9.37">Sive coloratae Getulo murice chartae,</l>
<l n="1.9.38"> Quamque tenent gemini picta tabella Duces.</l>
<l n="1.9.39">At levior teneras exercet cura puellas</l>
<l n="1.9.40">Ludicra per teretes mille reperta nuces.</l>
<l n="1.9.41">Hos inter lusus, haec inter festa, latenter</l>
<l n="1.9.42"> Nox abit, et roseis astra fugantur equis.</l>
</div>
<div type="poesis-elegia" xml:id="pasch1.10" met="elegiacum">
<head>MARTINALIA</head>
<l n="1.10.1">Nunc mihi, dum positis colo Martinalia curis,</l>
<l n="1.10.2"> Suggerat Ambrosias docta ministra dapes;</l>
<l n="1.10.3">Et Bithynniaco maiora Toreumata Baccho</l>
<l n="1.10.4"> Impleat, et celeri det mihi plena manu. </l>
<l n="1.10.5">Nunc o Libetrides, nunc o mea numina Musae,</l>
<l n="1.10.6">Ocius ad nostras sumite plectra preces:</l>
<l n="1.10.7">Nunc Aganippaeas pertundite pectine chordas, </l>
<l n="1.10.8">Et mihi mellifluos fundite voce sonos.</l>
<l n="1.10.9">Nil hic triste sonet, penitus sint omnia laeta,</l>
<l n="1.10.10"> Conveniant animo carmina vestra meo.</l>
<l n="1.10.11">Torva procul duri valeat censura Catonis,</l>
<l n="1.10.12"> Quaeque Cleantaea lumina nube latent:</l>
<l n="1.10.13">Vos quoque sollicitae procul hunc discedite curae;</l>
<l n="1.10.14">Hic iocus, et risus, mollis et adsit amor.</l>
<l n="1.10.15">Non pudor est viridi crines praecingere serto,</l>
<l n="1.10.16"> Nec festa annoso luce calere mero.</l>
<l n="1.10.17">Nunc decet et pressis impellere cymbala palmis,</l>
<l n="1.10.18"> Et testudineae plectra movere Lyrae:</l>
<l n="1.10.19">Nunc etiam charos mistum decet inter amicos</l>
<l n="1.10.20"> Ducere continuos nocte dieque choros:</l>
<l n="1.10.21">Nunc decet et laetos ad sydera tollere cantus,</l>
<l n="1.10.22"> Et dare laetitiae consona verba meae.</l>
<l n="1.10.23">Surge anime, et tantis, quantum licet, utere donis,</l>
<l n="1.10.24"> Dum vacat ad faciles blanda iuventa iocos.</l>
<l n="1.10.25">Nam cito de nostro spargentur vertice cani,</l>
<l n="1.10.26"> Nec poterunt tremuli membra levare pedes.</l>
<l n="1.10.27">Non dabitur laetas cantu traducere noctes,</l>
<l n="1.10.28"> Fallere nec variis tempora tarda iocis.</l>
<l n="1.10.29">At tu clara dies, nullisque obducta tenebris,</l>
<l n="1.10.30"> Saepe mihi culta es, saepe colenda redi.</l>
</div>
<div type="poesis-elegia" xml:id="pasch1.11" met="elegiacum">
<head>DE ROSA ARGENTEA</head>
<l n="1.11.1">Dic Rosa, quae spinas caput exeris inter acutas,</l>
<l n="1.11.2"> Corytiosque tuo vincis odore crocos,</l>
<l n="1.11.3">Cur te Phoebei nequent violare calores,</l>
<l n="1.11.4"> Quum micat Icarii stella proterva Canis:</l>
<l n="1.11.5">Cur neque ventosae laedunt te frigora brumae,</l>
<l n="1.11.6"> Tros puer assiduo quum super imbre pluit.</l>
<l n="1.11.7">Hunc mihi non tribuit tantum natura decorem,</l>
<l n="1.11.8">Inque comas nullum ius habet illa meas:</l>
<l n="1.11.9">Hunc florem, has spinas, tenui contexuit auro</l>
<l n="1.11.10">Egregia Dominae ducta sed arte manus.</l>
<l n="1.11.11">Addidit argentum, necnon mollissima serum</l>
<l n="1.11.12"> Vellera, quae varius tinxerat ante color.</l>
<l n="1.11.13">His simul intetxtis Arabos infudit odores,</l>
<l n="1.11.14">Et mihi naturae munera cuncta dedit:</l>
<l n="1.11.15">Hoc etiam praestat; quia, quod creat illa, repente</l>
<l n="1.11.16">Effluit, at longus hic erit artis honor.</l>
<l n="1.11.17">Nil mirum, natura nova si vincitur arte</l>
<l n="1.11.18"> Illius, in qua se vicerat ipsa prius.</l>
<l n="1.11.19">At tu dulce mei me, floscule munus amoris,</l>
<l n="1.11.20">Fac memorem Dominae nocte, dieque meae.</l>
</div>
<div type="poesis-elegia" xml:id="pasch1.12" met="elegiacum">
<head>DE SYLVIA</head>
<l n="1.12.1">Dum mihi se facilem nuper mea Sylvia praebet,</l>
<l n="1.12.2"> Implicat et niveas per mea colla manus;</l>
<l n="1.12.3">Mutuaque apprehensis coniungimus oscula labris,</l>
<l n="1.12.4"> Oscula, quae Paphiae vix imitentur Aves;</l>
<l n="1.12.5">Obstupuere mei mira dulcedine sensus,</l>
<l n="1.12.6"> Nec stetit in proprio spiritus ipse loco:</l>
<l n="1.12.7">Immo libens summum pervenit ad usque labellum,</l>
<l n="1.12.8"> Sed parat tacita proripere inde fuga</l>
<l n="1.12.9">Scilicet ut dominae iucundo exceptus ab ore</l>
<l n="1.12.10">Largius optato posset amore frui.</l>
<l n="1.12.11">Interea parilem vim lux mea sensit amoris,</l>
<l n="1.12.12"> Seque anima visa est destituente mori.</l>
<l n="1.12.13">Mira fides, mea dum properat, festinat et illa,</l>
<l n="1.12.14"> Illa anima est animae mista repente meae.</l>
<l n="1.12.15">Sic mistus pariter geminus concrevit in unum</l>
<l n="1.12.16"> Spiritus, atque unus pectora bina colit.</l>
<l n="1.12.17">Ex illo par affectus, par sensus utrique est.</l>
<l n="1.12.18"> Sumque ego pars melior illius, illa mei.</l>
</div>
<div type="poesis-elegia" xml:id="pasch1.13" met="elegiacum">
<head>AD LUNAM </head>
<l n="1.13.1">O Dea, quae puro nitidum caput exeris ortu,</l>
<l n="1.13.2"> Totaque fraterno plena nitore micas:</l>
<l n="1.13.3">Sic tuus in medias sua lumina proferat umbras</l>
<l n="1.13.4"> Frater, et occiduas tardius intret aquas;</l>
<l n="1.13.5">Ut dum Luna tuos nondum ciet Hesperus ignes,</l>
<l n="1.13.6"> Tu cupido foveas Endimiona sinu:</l>
<l n="1.13.7">Nunc age nocturnos in lucem extende iugales,</l>
<l n="1.13.8">Inque vicem nitidi munera fratris obi.</l>
<l n="1.13.9">Ne modo, dum charos gremio complector amores,</l>
<l n="1.13.10"> Delitias retegat lux inimica meas:</l>
<l n="1.13.11">Et, quia adhuc priscis te suspicor ignibus uri</l>
<l n="1.13.12"> Haec ego non verear te Dea teste loqui,</l>
<l n="1.13.13">Ire quod aeternum vellem (nisi fata vetarent)</l>
<l n="1.13.14">Et sine te noctes, et sine fratre dies;</l>
<l n="1.13.15">Scilicet obscuris ut saecula cuncta tenebris,</l>
<l n="1.13.16">Atque una assidua nocte sepulta forent.</l>
<l n="1.13.17">Sic ego perpetuo fruerer securus amore,</l>
<l n="1.13.18"> Tuque tuo posses Endimione frui.</l>
</div>
</div>
<div type="liber" n="2">
<head>EIUSDEM ELEGIARUM / LIBER SECUNDUS</head>
<div type="poesis-elegia" xml:id="pasch2.1" met="elegiacum">
<head>AD AMICOS</head>
<l n="2.1.1">Vos mihi nunc veteres paulisper adeste sodales,</l>
<l n="2.1.2"> Dum feror in longas per freta vasta vias:</l>
<l n="2.1.3">Quos mihi adhuc teneris aeterno foedere ab annis</l>
<l n="2.1.4"> Una semel iunxit tempus in omne fides;</l>
<l n="2.1.5">Abstrahor a vobis, et vix mihi cognita fama</l>
<l n="2.1.6"> Sponte sequor veteris Gnosia regna Iovis,</l>
<l n="2.1.7">Quo mea me fortuna vocat: vos omine laeto,</l>
<l n="2.1.8"> Laeta mihi, et nostrae dicite verba viae.</l>
<l n="2.1.9">Iungite complexus, et nostri pignus amoris,</l>
<l n="2.1.10"> Accipite haec lachrymis oscula mista meis.</l>
<l n="2.1.11">Este mei memores, nec vos via longa moretur,</l>
<l n="2.1.12"> Et quo non poterunt membra, sequatur amor.</l>
<l n="2.1.13">Et vos Illirides sylvae, montesque valete,</l>
<l n="2.1.14">Cunctaque carminibus flumina nota meis.</l>
<l n="2.1.15">Iam valeant Patriique lares, patriique penates;</l>
<l n="2.1.16">Et loca, quae studiis culta fuere meis.</l>
<l n="2.1.17">At vos coelicolae faciles in carbasa ventos</l>
<l n="2.1.18"> Mittite, Dictaea dum potiamur humo:</l>
<l n="2.1.19">Et, quum tempus erit, pelago mea vela remenso</l>
<l n="2.1.20"> Ad patrios referant numina vestra sinus.</l>
<l n="2.1.21">Sed iam quisquis adest, mihi vota faventia fundat,</l>
<l n="2.1.22"> Ultima dum nostra solvitur ora manu.</l>
</div>
<div type="poesis-elegia" xml:id="pasch2.2" met="elegiacum">
<head>AD EUGENIUM BUCCHIUM</head>
<l n="2.2.1">Ille tuae cultor virtutis, et inter amicos</l>
<l n="2.2.2"> Paschalis veteres qui fuit, estque tuos,</l>
<l n="2.2.3">Hanc (si fata sinent) cito perferet ipse salutem,</l>
<l n="2.2.4"> Quam modo Gnosiaco mittit ab orbe tibi.</l>
<l n="2.2.5">Me tenent ignotis tellus Saturnia campis</l>
<l n="2.2.6"> Hic, ubi perpetuas sustinet Ida nives;</l>
<l n="2.2.7">Ida, Iovem celsis quae iam servavit in antris,</l>
<l n="2.2.8">Exitium nato patre parante suo;</l>
<l n="2.2.9">Ubera cui mites admorunt blanda capellae,</l>
<l n="2.2.10"> Dulciaque Aereii munera mellis apes;</l>
<l n="2.2.11">Et Nymphae violas, et cornua plena tulerunt,</l>
<l n="2.2.12"> Curetum sonitu dum strepit omne nemus;</l>
<l n="2.2.13">Multaque adhuc veterum superant vestigia rerum,</l>
<l n="2.2.14"> Nam Ionis in summo vidimus antra iugo.</l>
<l n="2.2.15">Vidimus obscuras, quas struxit Dedalus aedes,</l>
<l n="2.2.16">Caecaque semiviro tecta habitata bovi.</l>
<l n="2.2.17">Vidimus et muros, ruinosaque saxa iacere</l>
<l n="2.2.18"> Hic, ubi Gnosiacae iam locus urbis erat.</l>
<l n="2.2.19">Et centum populis ubi Minos iura ferebat,</l>
<l n="2.2.20"> Nunc versant validi rastra, et aratra boves.</l>
<l n="2.2.21">Non tamen est tanti nobis, tot regna, tot urbes</l>
<l n="2.2.22"> Mirari, et veterum tot monumenta Ducum,</l>
<l n="2.2.23">Ut non plus mihi sit Patrii iuga nuda Leontis,</l>
<l n="2.2.24"> Bithynnique humiles cernere fontis aquas,</l>
<l n="2.2.25">Et te dulcis amice meo gratissime cordi</l>
<l n="2.2.26"> Aspicere, atque tuo comminus ore frui:</l>
<l n="2.2.27">Nam, licet extremos fortuna releget in ortus</l>
<l n="2.2.28">Me, vel ad auriferas, quas bibit Indus, aquas;</l>
<l n="2.2.29">Seu me Parrhasiam procul hinc propellat ad Arcton, </l>
<l n="2.2.30">Bruma ubi semestri nocte sepulta iacet;</l>
<l n="2.2.31">Sive Caledonios me cogat adire Britannos,</l>
<l n="2.2.32"> Seu quascunque meas iusserit esse vias:</l>
<l n="2.2.33">Semper ero, velut ante tuus; nec terra, fretumque</l>
<l n="2.2.34"> Immemorem faciet, nec via longa tui.</l>
<l n="2.2.35">Et, quanquam variis disiungimur aequoris oris,</l>
<l n="2.2.36"> Et teneant medias mille pericla vias;</l>
<l n="2.2.37">Non tamen illa tuae potuit pietatis imago,</l>
<l n="2.2.38"> Quod semel est animo, cedere, fixa meo.</l>
<l n="2.2.39">Quicquid ab assuetis nobis datur artibus oci,</l>
<l n="2.2.40">Illud amicitiae tradimus omne tuae;</l>
<l n="2.2.41">Et modo transactae tecum solatia vitae,</l>
<l n="2.2.42"> Et iuvat antiquos volvere mente iocos;</l>
<l n="2.2.43">Et te, quem praesens nequeo, tamen alloquor absens,</l>
<l n="2.2.44">Omnis in Eugenio stat mea cura meo;</l>
<l n="2.2.45">Et modo scripta tua repetitur Epistola dextra,</l>
<l n="2.2.46">Qua nihil hic nobis gratius esse potest.</l>
<l n="2.2.47">Hanc semel atque iterum, hanc terque quaterque revolvo;</l>
<l n="2.2.48"> Quoquoe magis relego, hoc magis usque placet.</l>
<l n="2.2.49">Gratia magna tibi, mihi tu solatia praebes,</l>
<l n="2.2.50"> Unica tu mentis pax, requiesque meae.</l>
<l n="2.2.51">Tu licet in gelidae degentem vallibus Idae,</l>
<l n="2.2.52"> In medio patriae me tamen esse facis.</l>
<l n="2.2.53">Dii maris et coeli patriis me reddite terris;</l>
<l n="2.2.54"> Excipiunt humiles numina si qua prece;</l>
<l n="2.2.55">Reddite me charae matri, charaeque sorori,</l>
<l n="2.2.56"> Quae pia pro nostra vota salute ferunt.</l>
<l n="2.2.57">O modo dilectos liceat mihi cernere amicos:</l>
<l n="2.2.58"> Ultima lux vitae sit licet illa meae.</l>
</div>
<div type="poesis-elegia" xml:id="pasch2.3" met="elegiacum">
<head>AD MARIANUM BIZANTIUM </head>
<l n="2.3.1">O Longe ante alios mihi semper habende sodales, </l>
<l n="2.3.2"> Atque animi melior pars Mariane mei;</l>
<l n="2.3.3">Cui me, quod nulli possint dissolvere casus,</l>
<l n="2.3.4"> Mutuus aeterno foedere iunxit Amor:</l>
<l n="2.3.5">Forsitan hos inter terraeque marisque tumultus</l>
<l n="2.3.6"> Scire tuus cuperes, quid Ludovicus agat;</l>
<l n="2.3.7">Quem modo Gnosiacae celsis sub montibus Idae</l>
<l n="2.3.8"> Pendentem dubia mente Rethymna tenet.</l>
<l n="2.3.9">Vivo, nec ulla tui mihi praeterit immemor hora,</l>
<l n="2.3.10"> Meque tibi curae non minus esse puto:</l>
<l n="2.3.11">Attamen hic vitam per mille pericula duco,</l>
<l n="2.3.12">Et timeo varios nocte dieque metus:</l>
<l n="2.3.13">Hic etenim mediae contempto frigore brumae,</l>
<l n="2.3.14"> Barbarus Aegaeas obsidet hostis aquas.</l>
<l n="2.3.15">Huic cessit Scyros: cessit perterrita Naxos,</l>
<l n="2.3.16"> Et quondam niveo marmore clara Paros,</l>
<l n="2.3.17">Et , quae Myrmidonas sacrae de stipite quercus</l>
<l n="2.3.18"> Progenuit, comites fortis Achille tuos,</l>
<l n="2.3.19">Innumeraequae aliae, quas longum est dicere terrae,</l>
<l n="2.3.20">Quas pater immensis Aegeus ambit aquis.</l>
<l n="2.3.21">Tum late Aegaeae domitis cultoribus undae</l>
<l n="2.3.22">Iam parat in nostros vertere signa lares.</l>
<l n="2.3.23">Quid nobis animi, quae nam sit cura, relinquo</l>
<l n="2.3.24"> Arbitrio statuas ut Mariane tuo.</l>
<l n="2.3.25">Hic nos quotidie facta atque infecta canendo,</l>
<l n="2.3.26"> Territat innumeris nuncia fama modis.</l>
<l n="2.3.27">Conteritur muris, et circumquaque struendis</l>
<l n="2.3.28"> Aggeribus, magna sedulitate dies.</l>
<l n="2.3.29">Nox vero excubiis hac illa in parte locandis,</l>
<l n="2.3.30"> Et plena est vario quaelibet hora metu.</l>
<l n="2.3.31">At quanquam me tot cinxit fortuna periclis,</l>
<l n="2.3.32"> Cultor amicitiae sum tamen usque tuae;</l>
<l n="2.3.33">Et, quid te pariles vereor perferre labores,</l>
<l n="2.3.34"> Adversos doleo te quoque habere Deos.</l>
<l n="2.3.35">Tu quoque sume parem de me Bizantice curam,</l>
<l n="2.3.36"> Noster ut aeterno tempore vivat amor;</l>
<l n="2.3.37">Et me, pausillum tibi quum superaverit oci,</l>
<l n="2.3.38"> De statu certum fac Mariane tuo.</l>
</div>
<div type="poesis-elegia" xml:id="pasch2.4" met="elegiacum">
<head>IN CAROLI CAESARIS PANNONICAM EXPEDITIONEM</head>
<l n="2.4.1">Postquam prisca novis mutata est moribus aetas,</l>
<l n="2.4.2"> Pressaque non solito vomere terra fuit;</l>
<l n="2.4.3">Vectaque inaccessas Pinus montana per undas,</l>
<l n="2.4.4"> Ausa fuit rapidis credere vela notis;</l>
<l n="2.4.5">Aurea lethifero libertas obruta ferro</l>
<l n="2.4.6"> Corruit, indignum ferre coacta iugum;</l>
<l n="2.4.7">Incessitque animis regnandi saeva libido,</l>
<l n="2.4.8"> Quae secum fraudes, que mala cuncta tulit.</l>
<l n="2.4.9">Impulit haec natos miseros iugulare parentes,</l>
<l n="2.4.10"> Impiaque in fratres fratribus arma dedit.</l>
<l n="2.4.11">Haec docuit rigidos ferro proscindere montes,</l>
<l n="2.4.12"> Haec bellatores trans freta duxit equos:</l>
<l n="2.4.13">Haec eadem Ismariis* ........excivit ab oris,</l>
<l n="2.4.14"> Ut nunc occiduas sollicitaret opes;</l>
<l n="2.4.15">Nec satis esse putat, populos quod vicit heoos,</l>
<l n="2.4.16">Et sibi quod Lybici serviat ora maris;</l>
<l n="2.4.17">Quodque tot Europae domitas sibi vendicet urbes,</l>
<l n="2.4.18"> Totque suo videat subdita regna iugo:</l>
<l n="2.4.19">Sed nova bella parat, neque limite, terminat ullo</l>
<l n="2.4.20"> Imperii fines quos velit esse sui,</l>
<l n="2.4.21">Non tamen ante suos meditatur sistere cursus,</l>
<l n="2.4.22"> Fingat ad auriferum quam sua signa Tagum,</l>
<l n="2.4.23">Ipse sibi has metas, immo haec sibi somnia fingit,</l>
<l n="2.4.24"> Et nihil adversi Caesaris arma timet.</l>
<l n="2.4.25">Verum longe alias versabit pectore curas,</l>
<l n="2.4.26"> Proxima quum geminae signa videbit Avis.</l>
<l n="2.4.27">Contrahit interea populos terraque marique,</l>
<l n="2.4.28"> Ducat ut innumeras ad nova bella manus.</l>
<l n="2.4.29">Prima suas misit tellus Memphitica puppes,</l>
<l n="2.4.30">Quam pater ignotis Nilus inundat aquis.</l>
<l n="2.4.31">Venit Idumaeis miles numerosus ab oris,</l>
<l n="2.4.32"> Et Syrus, et patrii dives odoris Arabs,</l>
<l n="2.4.33">Phoenices, Tyriique , et thuriferi Nabathaei,</l>
<l n="2.4.34">Quique colunt Rubro littora iuncta mari.</l>
<l n="2.4.35">Tum Cilicum venere rates, quos Pyramus, et quos </l>
<l n="2.4.36"> Ceruleus gelido flumine Cydnus arat.</l>
<l n="2.4.37">Non illic Tauri, non illic cultor Amani,</l>
<l n="2.4.38">Nec parvi domitor ruris Isaurus abest.</l>
<l n="2.4.39">Conveniunt quicunque tuos Pamphylia saltus,</l>
<l n="2.4.40">Quique Lycaoniae pinguia rura colunt,</l>
<l n="2.4.41">Quaque Chimeraeo perfusa est sanguine tellus</l>
<l n="2.4.42">Venit, ab Actaeo gens Oriunda Lyco,</l>
<l n="2.4.43">Et qui marmorei censentur mole Sepulchri,</l>
<l n="2.4.44"> Coguntur patrios linquere Cares agros.</l>
<l n="2.4.45">Nec minus, Aerei celebrat quos fama Colossi,</l>
<l n="2.4.46">Atque alit a priscis Nauticus usus avis,</l>
<l n="2.4.47">Mons quoque deseritur, cui plurima contigit olim</l>
<l n="2.4.48"> Dulcia noctivagae furta videre Deae,</l>
<l n="2.4.49">Linquntur quae Meander vagus implicat, et quae</l>
<l n="2.4.50"> Lambit Oloriferis prata Cayster aquis,</l>
<l n="2.4.51">Quae secat aurifera dives Pactolus arena,</l>
<l n="2.4.52"> Quaeque rigat pariles dum vehit Hermus opes:</l>
<l n="2.4.53">Tunc et Apollineae veniunt ad iussa Celenae,</l>
<l n="2.4.54"> Et late Aoniis Pergama nota choris.</l>
<l n="2.4.55">Linquuntur Mysorum agri cultoribus, et quae</l>
<l n="2.4.56"> Alcides raptum per loca flevit Hylam,</l>
<l n="2.4.57">Et gens, quae gelidum circum iacet Hellespontum,</l>
<l n="2.4.58">Quamque Propontiaca Bosphorus arctat aqua,</l>
<l n="2.4.59">Subdita Buxifero linquuntur rura Cythoro,</l>
<l n="2.4.60"> Et quae virginei fluminis unda rigat,</l>
<l n="2.4.61">Quaeque fluentisona prospectat ab arce Carambis,</l>
<l n="2.4.62"> Quaeque secat Croeso non bene tactus Halys.</l>
<l n="2.4.63">Et quam Thermodoon, et quam Lycus alluit, et quae</l>
<l n="2.4.64"> Tincta Promethaeo sanguine terra fuit.</l>
<l n="2.4.65">Coguntur populi, quos rippa tangit utraque</l>
<l n="2.4.66"> Phasis, Iasonae vellere clarus ovis,</l>
<l n="2.4.67">Quos diffusa palus lambit Maeotica, quosque</l>
<l n="2.4.68"> Tangit, in Euxinas dum cadit Ister aquas.</l>
<l n="2.4.69">Deseritur Rodope, glacialis linquitur Emus,</l>
<l n="2.4.70"> Strimon idem subiit, et celer Haebrus onus,</l>
<l n="2.4.71">Quique tuos dum percurrit Pharsalia campos,</l>
<l n="2.4.72"> Appidanus veterum detegit ossa Ducum,</l>
<l n="2.4.73">Et quae iam medios victricia signa per Indos</l>
<l n="2.4.74"> Transtulit exigua Pella phalange potens,</l>
<l n="2.4.75">Cogitur et paribus succumbere Grecia fatis,</l>
<l n="2.4.76"> Ipsa sui proprium nil nisi nomen habens.</l>
<l n="2.4.77">Cogitur Epyrus, atque altior Illyris ora</l>
<l n="2.4.78">Mittere delectos ad fera bella viros,</l>
<l n="2.4.79">Praeterea innumeri, quorum diversa referre</l>
<l n="2.4.80"> Nomina, non modici temporis esset opus.</l>
<l n="2.4.81">Undique conveniunt claram Constantis ad urbem:</l>
<l n="2.4.82"> Vix capit effusas Thracia tota manus.</l>
<l n="2.4.83">Non tot Achemeniae miserunt millia Susae,</l>
<l n="2.4.84">Clara quibus Marathon nobilitanda foret,</l>
<l n="2.4.85">Nec tot deduxit, qui demens ponte soluto</l>
<l n="2.4.86"> Hellespontiacae stigmata inussit aquae.</l>
<l n="2.4.87">Secum haec pannonicas*..... traxit in oras,</l>
<l n="2.4.88"> Et sibi coelicolas vix putat esse pares.</l>
<l n="2.4.89">Nec minus innumeras emisit in aequora classes,</l>
<l n="2.4.90"> A quibus occiduae dirripiantur opes,</l>
<l n="2.4.91">Quot neque Amyclaeis Atrides solvit ab oris,</l>
<l n="2.4.92">Quum tulit ultrices Pergama ad alta faces;</l>
<l n="2.4.93">Nec divina suis Salamis conspexit in undis,</l>
<l n="2.4.94"> Barbarus Euboicas quum cruor auxit aquas.</l>
<l n="2.4.95">Fama novi motus totum diffusa per orbem</l>
<l n="2.4.96"> Solis ad occiduas ex oriente domos,</l>
<l n="2.4.97">Terruerat populos; iam iamque extrema timentes</l>
<l n="2.4.98"> Fundebat humiles sydera ad alta preces:</l>
<l n="2.4.99">Quum subito Hispanis invictus Caesar ab oris</l>
<l n="2.4.100">Extulit intrepida signa superba manu;</l>
<l n="2.4.101">Et late occiduas diffundens iussa per urbes</l>
<l n="2.4.102"> Cogere belligeras coepit in arma manus.</l>
<l n="2.4.103">Venit ab Herculeis Hispania prima columnis</l>
<l n="2.4.104"> Dives, et armigeris inclyta terra viris,</l>
<l n="2.4.105">Coguntur populi, qua Buria praeterit, et quos</l>
<l n="2.4.106">Munda vetus Latio sanguine tincta tulit,</l>
<l n="2.4.107">Et Tagus, auriferis placidus qua defluit undis,</l>
<l n="2.4.108">Ad nova ventigenae iussa parantur Equi.</l>
<l n="2.4.109">Linquuntur, quae pulcher Anas loca permeat, et quae</l>
<l n="2.4.110"> Bethis oliviferos alluit inter agros.</l>
<l n="2.4.111">Dat nova Carthago, dat prisca Valentia nomen,</l>
<l n="2.4.112">Et loca quot Sicoris, et quot Iberus alit.</l>
<l n="2.4.113">His spatiosa suas addidit Germania vires</l>
<l n="2.4.114"> Mitis, et antiquae nil feritatis habens:</l>
<l n="2.4.115">Aeque armis aeque illa viris, atque ubere glebae</l>
<l n="2.4.116"> Nobilis: et magno Caesare digna parens.</l>
<l n="2.4.117">Nec minus invictos Oenotria cogit alumnos</l>
<l n="2.4.118">Terra virum, et veterum fruge beata ducum;</l>
<l n="2.4.119">Alpibus, et gemino circim vallata profundo</l>
<l n="2.4.120"> Dignaque quae terris imperet, atque mari.</l>
<l n="2.4.121">Haec secum infestos Caesar deduxit in hostes</l>
<l n="2.4.122"> Agmina Barbaricis non capienda dolis,</l>
<l n="2.4.123">Clara armis, tum virtute, atque ingentibus ausis</l>
<l n="2.4.124"> Inclyta, et immoto vincere sueta pede,</l>
<l n="2.4.125">Protinus hostiles tantae virtutis ad aures</l>
<l n="2.4.126">Non mendax cursu praepete fama volat,</l>
<l n="2.4.127">Degeneresque animos, infestaque tela timentes,</l>
<l n="2.4.128"> Impulit infami vertere terga fuga.</l>
<l n="2.4.129">Ipse videbatur mutato *.....amictu</l>
<l n="2.4.130"> Turpiter ante alios sollicitare gradum,</l>
<l n="2.4.131">Arreptum nec iter noctes ve dies ve remisit,</l>
<l n="2.4.132"> Donec ad Hellaeae littora venit aquae,</l>
<l n="2.4.133">Ad dum perculsos Caesar perquireret Hostes,</l>
<l n="2.4.134"> Nescius hanc turpem praeripuisse fugam,</l>
<l n="2.4.135">Caesaris occiduis properabat Classis ab oris,</l>
<l n="2.4.136">Iamque per Ionios dat sua vela sinus,</l>
<l n="2.4.137">Hispani hic aderant Proceres; hic Thusca iuventus,</l>
<l n="2.4.138"> Hic maris Ausonii quos habet ora duces;</l>
<l n="2.4.139">Quosque Rhodos Siculo misit praetenta Pachyno</l>
<l n="2.4.140">Incola Carpathii quae fuit ante maris.</l>
<l n="2.4.141">Hic Siculae; ligurumque rates, clarissima bello</l>
<l n="2.4.142"> Nomina, Barbaricis nobilitata malis.</l>
<l n="2.4.143">Ut primum Ionias fulserunt signa per undas</l>
<l n="2.4.144"> Caesaris, Ismariae terga dedere rates,</l>
<l n="2.4.145">Victa metu patrias Rhodopeia classis in oras</l>
<l n="2.4.146"> Hellaei refugit intima claustra freti;</l>
<l n="2.4.147">At, quae Caesareo sulcat sub nomine pontum,</l>
<l n="2.4.148"> Victrix Barbaricos depopulatur agros,</l>
<l n="2.4.149">Et late hostiles sine vindice dirripit urbes,</l>
<l n="2.4.150">Cogit et Hesperio subdere colla iugo.</l>
<l n="2.4.151">Interea dum Caesareus victricia Ductor</l>
<l n="2.4.152"> Figit in edomitis mille trophaea locis;</l>
<l n="2.4.153">Parte alia par laude virum, par navibus, effert</l>
<l n="2.4.154"> Alter ab Hadriaco dux sua signa sinus</l>
<l n="2.4.155">Non ut bella gerat, non ut per vulnera metas</l>
<l n="2.4.156"> Latius imperii proferat ille sui.</l>
<l n="2.4.157">Sat putat esse sibi sua iura antiqua tueri,</l>
<l n="2.4.158"> Obviaque hostili stringere tela dolo.</l>
<l n="2.4.159">Hic decus Italiae Venetae coiere carinae:</l>
<l n="2.4.160">Clarius his toto Sol videt orbe nihil.</l>
<l n="2.4.161">Hic impaccata deducti e stirpe Liburni,</l>
<l n="2.4.162"> Hic sunt Dalmatici (Martia corda) Duces.</l>
<l n="2.4.163">His vires Corcyras suas: sua rostra Zacynthos</l>
<l n="2.4.164"> Addidit his celeres Gnosia terra rates.</l>
<l n="2.4.165">Addidit et sua vela Paphos, atque alta Cithera,</l>
<l n="2.4.166"> Utraque iam Siculae nomina grata Deae.</l>
<l n="2.4.167">Omnes auricomi comitantur signa Leonis</l>
<l n="2.4.168"> Iam pridem Patriae vincere docta suae,</l>
<l n="2.4.169">Illum inter tantos terraeque marisque tumultus</l>
<l n="2.4.170"> Pax iuvat, et nullo parta cruore quies:</l>
<l n="2.4.171">Contentusuqe suo, toties quum vincere possit,</l>
<l n="2.4.172"> Dulcia tranquillae munera pacis amat.</l>
<l n="2.4.173">Et modo sydereos pennis sublatus ad axes</l>
<l n="2.4.174">Cancrum inter medius Erigonemque nitet:</l>
<l n="2.4.175">Saepe per umbrosas librans vestigia sylvas</l>
<l n="2.4.176"> Magnanimo pavidas territat ore feras:</l>
<l n="2.4.177">Nunc super aequoreas demissus cernitur undas, </l>
<l n="2.4.178">Et magno Hadriacas corpore obumbrat aqua;</l>
<l n="2.4.179">Infestosque procul nostris a finibus hostes</l>
<l n="2.4.180">Submovet, hostiles nec timet ille minas.</l>
<l n="2.4.181">Salve invicte Leo, Venetique perenne Senatus</l>
<l n="2.4.182">Lumen, et immensi sydus, et aura maris.</l>
<l n="2.4.183">Per te parta quies, nostris Mars exulat oris, </l>
<l n="2.4.184"> Et procul a terris stant mala cuncta tuis:</l>
<l n="2.4.185">Per te deposito laetum paeana timore</l>
<l n="2.4.186">Et canimus festis carmina iuncta choris.</l>
<l n="2.4.187">Sint aliis caedes, et tristia praelia cordi;</l>
<l n="2.4.188">Hic colitur pietas, hic pietatis amor.</l>
<l n="2.4.189">Hic secura quies, placidisque obnoxia curis</l>
<l n="2.4.190">Pax viget, et summo Gratia lapsa polo</l>
<l n="2.4.191">Hic passim festis fulgent delubra corymbis,</l>
<l n="2.4.192">Accensisque adolent thura Sabaea focis;</l>
<l n="2.4.193">Et tibi pro meritis meriti redduntur honores,</l>
<l n="2.4.194"> Qui tribuis populis talia dona tuis.</l>
<l n="2.4.195">Ergo ades, et placida alarum quem protegis umbra,</l>
<l n="2.4.196"> Suscipe iam populi vota precesque tui;</l>
<l n="2.4.197">Ut dum te colimus, tuaque annua sacra, queamus</l>
<l n="2.4.198"> Praeside te laetos semper habere dies.</l>
</div>
<div type="poesis-elegia" xml:id="pasch2.5" met="elegiacum">
<head>AD MARCUM GRIMANNUM CLASSIS PONTIFICIAE PRAEFECTUM.</head>
<l n="2.5.1">Hunc mihi Pierides gratum praestate laborem,</l>
<l n="2.5.2"> Ut nihil hic querulum, nil mihi triste sonet, </l>
<l n="2.5.3">Et lauri virides, et odori cingite flores,</l>
<l n="2.5.4"> Et violae, et variae tempora nostra rosae,</l>
<l n="2.5.5">Dum referam, quae pauca meus mihi dictat Apollo</l>
<l n="2.5.6"> Carmina, laetitia non aliena mea.</l>
<l n="2.5.7">Ecquis enim taceat, quae gaudia percipit? ecquis</l>
<l n="2.5.8"> Possit laetitiam dissimulare suam?</l>
<l n="2.5.9">Quum videat trepidis ut classis Barbara signis</l>
<l n="2.5.10">Ambracio lateat victa timore sinu.</l>
<l n="2.5.11">Hinc vero Euganeum trepidanti instare Leonem,</l>
<l n="2.5.12"> Clavigerumque poli pone subire Senem; </l>
<l n="2.5.13">Et volucrem geminas gestantem fronte coronas, </l>
<l n="2.5.14"> Ardua Cesareas quae nitet ante rates,</l>
<l n="2.5.15">Quos nuper sancto iunxerunt foedere Divi,</l>
<l n="2.5.16"> Foedere, Barbaricae quo minuentur opes;</l>
<l n="2.5.17">Quo cadet Ismarii rabies antiqua Tiranni,</l>
<l n="2.5.18"> Et feret Hesperium Barbara terra iugum.</l>
<l n="2.5.19">Non ego vana cano, sed mens praesaga futuri</l>
<l n="2.5.20"> Certius Euboica vaticinatur Anu;</l>
<l n="2.5.21">Sunt etenim, quorum sequimur vestigia vates,</l>
<l n="2.5.22"> Pectore qui credant numen habere suo;</l>
<l n="2.5.23">Et nos illud agit, venturaque dicere fata</l>
<l n="2.5.24"> Numen, et e multis pauca referre iubet.</l>
<l n="2.5.25">Tempus enim, iam tempus adest, quo Barbara tellus</l>
<l n="2.5.26"> Submittet tumidum sub iuga nostra caput.</l>
<l n="2.5.27">Cernere erit domitum leges mutare Niphatem,</l>
<l n="2.5.28"> Et dare iam victas ultima Bactra manus.</l>
<l n="2.5.29">Spargentur totum victricia signa per orbem,</l>
<l n="2.5.30">Discolor Eoas qua bibit Indes auqas,</l>
<l n="2.5.31">Et qua, dum Titan aequalibus aestuat horis, </l>
<l n="2.5.32"> Assiduo medius uritur igne dies;</l>
<l n="2.5.33">Quique latus Lybiae longe procurrit in austrum</l>
<l n="2.5.34"> Signiferi extrema de regione poli;</l>
<l n="2.5.35">Quaque mari nostro, quam cernimus, occidit Arctos.</l>
<l n="2.5.36"> Alteraque opposito sydera ab axe micant;</l>
<l n="2.5.37">Et qua regna novi priscis incognita mundi</l>
<l n="2.5.38">Abluit occiduis maxima Thetys aquis.</l>
<l n="2.5.39">Haec est terra Deum, mediis ubi fluctibus aurum</l>
<l n="2.5.40">Nascitur, et variis copia plena bonis.</l>
<l n="2.5.41">Non illic fastu, non ambitione laborant:</l>
<l n="2.5.42"> Quaeritur aut ullo res aliena dolo.</l>
<l n="2.5.43">Non illic saevo miscentur bella tumultu,</l>
<l n="2.5.44">Nec limes latos dirrimit ullus agros.</l>
<l n="2.5.45">Omina sunt passim cunctis communia; cunctis</l>
<l n="2.5.46"> Unus amicitiae, pacis et ardor inest.</l>
<l n="2.5.47">Qui pietate prior, qui relligione supestat,</l>
<l n="2.5.48"> Ille tenet merita regia sceptra manu,</l>
<l n="2.5.49">Has quoque perdomitas nostro sub stemmate gentes</l>
<l n="2.5.50"> Cernemus patrii caedere iure soli:</l>
<l n="2.5.51">Cernemus Scythicos glaciali e littore Reges</l>
<l n="2.5.52"> Ire cathenata post fera terga manu.</l>
<l n="2.5.53">Accipiet nostras gens quae tot saecula, leges,</l>
<l n="2.5.54"> Fertur Hiperboreis vivere clausa iugis.</l>
<l n="2.5.55">CHRISTI Sancta fides cunctas spargetur in oras,</l>
<l n="2.5.56"> Quas vagus ignivomis Phoebus oberrat equis:</l>
<l n="2.5.57">Unus Pastor erit, uno qui claudet ovili</l>
<l n="2.5.58"> Innumeros CHRISTI sub pietate greges.</l>
<l n="2.5.59">Haec ego non humili cantu (Dii vota secundent)</l>
<l n="2.5.60"> Maeonioque canam facta superba sono:</l>
<l n="2.5.61">Nec mihi tunc Musae tribuent in carmina vires,</l>
<l n="2.5.62"> Maius at in nostro pectore numen erit:</l>
<l n="2.5.63">Numen erit Caesar; Caesar mihi carminis author;</l>
<l n="2.5.64"> Caesar erit cymbae rector, et aura meae;</l>
<l n="2.5.65">Caesaris innumeros referam post bella triumphos,</l>
<l n="2.5.66">Partaqu foelici mille trophea manu;</l>
<l n="2.5.67">Et quodcunque mihi studii vitaeque supersit,</l>
<l n="2.5.68"> Laudibus invicti Caesaris omne dabo.</l>
<l n="2.5.69">Nec te preaeteream mundi sancitssime Pastor,</l>
<l n="2.5.70"> Qui coeli errantes ad iuga ducis oves.</l>
<l n="2.5.71">Notescet pietas per me tua magna per orbem,</l>
<l n="2.5.72"> Et tibi commisi plurima cura gregis;</l>
<l n="2.5.73">Hinc referam Venetae praeconia debita gentis,</l>
<l n="2.5.74"> Qua nihil in terris iustius esse potest:</l>
<l n="2.5.75">Illius innumeras percurram carmine laudes,</l>
<l n="2.5.76"> Et mihi sub Veneto nomine surget opus;</l>
<l n="2.5.77">Quod repleat ventura novo, nova gloria bello,</l>
<l n="2.5.78"> Quaeque fuit veterum parta labore Ducum.</l>
<l n="2.5.79">At vos qui tantae veritatis molis habenas</l>
<l n="2.5.80"> Quem Leo, Caesareae quem decus urget Avis.</l>
<l n="2.5.81">Tuque adeo ante alios splendor Grimanne tuorum,</l>
<l n="2.5.82"> Cui bene clavigeri est credita cura senis;</l>
<l n="2.5.83">Cuius honorata tellus stupet Itala fama,</l>
<l n="2.5.84"> Et tremit insolito Barbara terra metu;</l>
<l n="2.5.85">Quo duce ad extremos penetrare vidimus ortus,</l>
<l n="2.5.86"> Victrices Latias, et dare iura, manus:</l>
<l n="2.5.87">Ille quidem vidit, qui te hoc dignavit honore,</l>
<l n="2.5.88"> Nullus ad hoc munus quod magis aptus erat:</l>
<l n="2.5.89">Nec magis est tibi partus honor Grimanne decori,</l>
<l n="2.5.90">Cinctaque temporibus infula sacra tuis;</l>
<l n="2.5.91">Quodque tuae tenuit series clarissima gentis</l>
<l n="2.5.92"> Praecipuum Veneta semper in urbe locum:</l>
<l n="2.5.93">Quam, quod te tanto dignum cognovit honore,</l>
<l n="2.5.94"> Qui tenet in nostra relligione caput.</l>
<l n="2.5.95">Sed quid plura moror ? iam carbasa poscit in altum,</l>
<l n="2.5.96"> Lenis ab occiduo quae venit aura polo.</l>
<l n="2.5.97">Ite alacres, properate alacres: nil vestra retardet</l>
<l n="2.5.98"> Signa, nihil vestrum triste moretur iter.</l>
<l n="2.5.99">Ite Deis ducibus; nam vos fortuna sequetur,</l>
<l n="2.5.100"> Et faciet tutas fasque piumque vias;</l>
<l n="2.5.101">Et tandem celeri veniet victoria passu,</l>
<l n="2.5.102"> Cuius in aeternum fama superstes eat.</l>
</div>
<div type="poesis-elegia" xml:id="pasch2.6" met="elegiacum">
<head>AD VENETAE CLASSIS PRAEFECTUM VINCENTIUM CAPELLUM.</head>
<l n="2.6.1">Dic agedum nostri solatrix Musa laboris,</l>
<l n="2.6.2"> Curarum atque animi conscia sola mei.</l>
<l n="2.6.3">Cur modo tot varios emittunt arva colores,</l>
<l n="2.6.4"> Quum referat gelidos Illias urna dies?</l>
<l n="2.6.5">Aut cur pallentes fundunt violaria flores?</l>
<l n="2.6.6"> Vendicat et vernas cur sibi bruma vices?</l>
<l n="2.6.7">An mutata novas coeperunt sydera sedes?</l>
<l n="2.6.8"> Iamque erit Hydrocous hic; ubi Taurus erat?</l>
<l n="2.6.9">An vero quod adhuc verni potuere tepores,</l>
<l n="2.6.10"> Nunc poterit tristi frigore segnis hyems?</l>
<l n="2.6.11">Quicquid id est, certe nostris ostendere saeclis</l>
<l n="2.6.12"> Nescio quid magnum fata, novumque parant.</l>
<l n="2.6.13">Haec ego. At argutas pertentans pollice chordas</l>
<l n="2.6.14">Reddidit hoc tenui murmure Musa sonos.</l>
<l n="2.6.15">Non aeterna novos mutarunt sydera cursus,</l>
<l n="2.6.16"> Occupat qut Tyriae Tros puer astra ferae:</l>
<l n="2.6.17">Nec sibi purpurei florentia tempora veris</l>
<l n="2.6.18"> Vendicat hirsutis horrida bruma comis.</l>
<l n="2.6.19">Sed, si scire cupis tantae novitatis origo</l>
<l n="2.6.20"> Unde sit; haec memori pectore verba tene.</l>
<l n="2.6.21">Aspicis Ascrivias haec lintea tensa per undas,</l>
<l n="2.6.22"> Lintea Cecropiae numine tuta Deae.</l>
<l n="2.6.23">Illic Euganeis vehitur digressus ab oris</l>
<l n="2.6.24">Splendor, et Hadriacae fama Capellus aquae;</l>
<l n="2.6.25">Creditur aligeri cui maxima cura Leonis,</l>
<l n="2.6.26"> Munere quo nullus dignior alter erat.</l>
<l n="2.6.27">Gratantur Nimphae, superi gratantur eunti,</l>
<l n="2.6.28"> Signaque laetitiae dant manifesta suae.</l>
<l n="2.6.29">Haeret in Idalio defixus Iupiter astro,</l>
<l n="2.6.30"> Continet et reliquos sub sua iura Deos.</l>
<l n="2.6.31">Cesserunt Hiades, torvus concessit Orion,</l>
<l n="2.6.32"> Quiquie hebes algenti volvitur Orbe senex.</l>
<l n="2.6.33">Aspice Amyclaei processit Castoris astrum,</l>
<l n="2.6.34"> Astrum quo tumidi concidit ira maris;</l>
<l n="2.6.35">Et ferus Hippotades aeterno carcere clausit </l>
<l n="2.6.36"> Flammiferum Boream, nubiferumque Notum;</l>
<l n="2.6.37">Et tantum occiduis laxavit vincula ventis,</l>
<l n="2.6.38"> Lentis ut aequoreas aura foveret aquas;</l>
<l n="2.6.39">Neptunusque pater, Nereique exercitus omnis</l>
<l n="2.6.40"> Propellunt celeres in vada tuta rates:</l>
<l n="2.6.41">Alcyones placidos condunt per littora nidos,</l>
<l n="2.6.42"> Et tranquilla suae tempora pacis agunt.</l>
<l n="2.6.43">Haec inter variis certantia numina donis</l>
<l n="2.6.44"> Venit ab occiduo Chloris odora polo;</l>
<l n="2.6.45">Quodque potest, violas venienti, et lilia fundit,</l>
<l n="2.6.46"> Parcior huic reliquis ne foret una Deis.</l>
<l n="2.6.47">Sed quo nota tibi sint omnia, percipe causas,</l>
<l n="2.6.48">Cur videat placidi munera veris hyems.</l>
<l n="2.6.49">Illius hoc Natura parens indulget honori:</l>
<l n="2.6.50">Officiumque leve non leve pondus habet.</l>
<l n="2.6.51">Namque, velut verni brumae sub tempora flores </l>
<l n="2.6.52"> Distinguunt pictis frigida prata comis;</l>
<l n="2.6.53">Illius hoc nostro sic virtus floruit aevo,</l>
<l n="2.6.54">Deterius certe quo nihil esse potest.</l>
<l n="2.6.55">Hoc duce erunt Veneti victricia signa Leonis</l>
<l n="2.6.56"> Fixa per eoas, occiduasque domos;</l>
<l n="2.6.57">Et Venetum cunctas implebit gloria gentes,</l>
<l n="2.6.58"> Quas celer aereis Cynthius ambit equis.</l>
<l n="2.6.59">Sic ubi disseruit motis per inania pennis,</l>
<l n="2.6.60"> Aonium petiit Calliopaea nemus.</l>
<l n="2.6.61">At tu, quem tanto superi dignantur honore,</l>
<l n="2.6.62">Cui violas gelida pro nive fundit hyems;</l>
<l n="2.6.63">Perge age magnanimis iam tandem accingere factis,</l>
<l n="2.6.64"> Sentiat ut vires Barbara turba tuas,</l>
<l n="2.6.65">Teque proba verum Phrygia de stirpe nepotem,</l>
<l n="2.6.66"> Autoremque tui sanguinis esse Capim.</l>
</div>
<div type="poesis-elegia" xml:id="pasch2.7" met="elegiacum">
<head>F. CLEMENTI DE RAGNINA.</head>
<l n="2.7.1">O qui fers triplicem proavito in stemmate Arachnen,</l>
<l n="2.7.2"> Cunque tuo iunctum stemmate nomen habes;</l>
<l n="2.7.3">Insignis proavis, quos gloria iunxit Olympo,</l>
<l n="2.7.4"> Nec minus et patriae nobilitate tuae;</l>
<l n="2.7.5">Quae super Illyricas longe caput extulit urbes,</l>
<l n="2.7.6"> Quas circum placidis Hadria lambit aquis:</l>
<l n="2.7.7">Pertulit ad nostras non mendax nuntius aures</l>
<l n="2.7.8"> Te virtute tuum iam superasse genus;</l>
<l n="2.7.9">Et longe ante alios morum probitate fideque,</l>
<l n="2.7.10"> Et reliquis animi dotibus ire viros.</l>
<l n="2.7.11">Additur his doctas aetas esculta per artes,</l>
<l n="2.7.12"> Mirus et augendae relligionis Amor;</l>
<l n="2.7.13">Quod tua Dalmaticas testantur nota per urbes</l>
<l n="2.7.14"> Scripta, salutiferi dogmate plena Dei;</l>
<l n="2.7.15">In quibus immensae redolent pietatis odores,</l>
<l n="2.7.16"> Nec nisi dulcedo, nec nisi candor inest:</l>
<l n="2.7.17">Puraque simplicitas, nullo fucata lepore</l>
<l n="2.7.18"> Detegit arcanis tegmina cuncta locis.</l>
<l n="2.7.19">Ergo age, quae nostras volitant tua scripta per oras</l>
<l n="2.7.20"> Non minus ad geminos digna volare polos,</l>
<l n="2.7.21">Mitte manu. quid tam communia vota moraris? </l>
<l n="2.7.22"> Sentiat Illiricos Itala terra sonos:</l>
<l n="2.7.23">Et, quod nostra tuo toties audivit ab ore,</l>
<l n="2.7.24"> Audiat in libris, et probet illa tuis.</l>
<l n="2.7.25">Multa etenim capies neglectae praemia laudis.</l>
<l n="2.7.26"> Sit meliore licet spes tua fulta loco:</l>
<l n="2.7.27">Non tamen usque adeo volucris praeconia famae </l>
<l n="2.7.28"> Neglige, quae mortis solvere iura potest.</l>
<l n="2.7.29">Praeterea accedet tibi, tota mente quod optas,</l>
<l n="2.7.30"> Unius et trini gratia larga Dei;</l>
<l n="2.7.31">Quae tibi post fluxae transacta pericula vitae</l>
<l n="2.7.32">Regna super nubes, et super astra dabit.</l>
</div>
<div type="poesis-elegia" xml:id="pasch2.8" met="elegiacum">
<head>IN OPUS F. DOMINICI BUCCHII AENCOMION</head>
<l n="2.8.1">Qui legis arcano conscripta volumina sensu,</l>
<l n="2.8.2"> Dogma salutiferi quae cecinere Dei:</l>
<l n="2.8.3">In quibus humanis coeli doctrina figuris</l>
<l n="2.8.4"> Traditur, illoto non adeunda pede;</l>
<l n="2.8.5">Cuius percipiunt oracula mistica soli,</l>
<l n="2.8.6"> Quos patris aetheri desuper afflat Amor:</l>
<l n="2.8.7">Hunc tibi sume Ducem, quem si comitabere, certo</l>
<l n="2.8.8"> Certior , incertas per gradiere vias.</l>
<l n="2.8.9">Nec te decipient, qui blandis oblita verbis</l>
<l n="2.8.10"> Plurima sub modico felle venena tegunt.</l>
<l n="2.8.11">Sirenas referunt cantus dulcedine quondam</l>
<l n="2.8.12"> Fallere Dulychias sic voluisse rates.</l>
<l n="2.8.13">Hic tibi erit cautus contra Sirenas Ulixes,</l>
<l n="2.8.14">Nec fallenda tuis auribus arma dabit:</l>
<l n="2.8.15">Quodque fuit patribus deserta per arva vetustis</l>
<l n="2.8.16"> Ignea de summo lapsa columna polo;</l>
<l n="2.8.17">Quod fuit eois divinum Regibus astrum,</l>
<l n="2.8.18">Munera qui nato prima tulere Deo;</l>
<l n="2.8.19">Hoc tibi divinae legis praecepta volenti</l>
<l n="2.8.20"> Discere (si credas) hic liber unus erit.</l>
</div>
</div>
<div type="liber" n="3">
<head>EIUSDEM ELEGIARUM LIBER TERTIUS</head>
<div type="poesis-elegia" xml:id="pasch3.1" met="elegiacum">
<head>IN REDITU EX CRAETA</head>
<l n="3.1.1">Contigimus metam: superis iam sacra ferantur,</l>
<l n="3.1.2"> Et patrios ornent florida serta Deos:</l>
<l n="3.1.3">Exorata meis venerunt tempora votis,</l>
<l n="3.1.4"> Et requiem curis impositura meis.</l>
<l n="3.1.5">Antiquae tandem mihi linquere littora Craetae</l>
<l n="3.1.6">Fas erit, et patrios ad remeare lares.</l>
<l n="3.1.7">Iam mihi nescio quid laetum sub corde resultat,</l>
<l n="3.1.8">Et reficit sensus gratior aura meos.</l>
<l n="3.1.9">Iam videor patriae colles discernere terrae,</l>
<l n="3.1.10"> Et notos celeri puppe subire sinus:</l>
<l n="3.1.11">Iam videor patriis retinacula tradere saxis,</l>
<l n="3.1.12"> Et subito e summa desiluisse rate.</l>
<l n="3.1.13">Ecce mihi veteres, gratissima turba, sodales</l>
<l n="3.1.14">Obvia , ubi exceptos implicat alga pedes.</l>
<l n="3.1.15">Qui posset nitidi radiantia sydera coeli,</l>
<l n="3.1.16"> Ioniique undas enumerare maris;</l>
<l n="3.1.17">Ille et amicorum posset numerare meorum</l>
<l n="3.1.18"> Oscula saepe meis fixa refixa genis.</l>
<l n="3.1.19">Quando erit illa dies meritis dignissima tantis,</l>
<l n="3.1.20"> Quam mihi candidior signet Olore lapis?</l>
<l n="3.1.21">Qua fruar his, quae nunc, mihi spes praesaga futuri</l>
<l n="3.1.22"> Nunciat, et fausta vaticinatur ave?</l>
<l n="3.1.23">Qua tandem e pelago nostro gratissima cordi</l>
<l n="3.1.24"> Aspiciam montes Illiris ora tuos?</l>
<l n="3.1.25">Atque illos, quorum vivos sub pectore vultus,</l>
<l n="3.1.26"> Conditaque in medio nomina corde fero?</l>
<l n="3.1.27">Aspicere, et gratas audire, et reddere voces</l>
<l n="3.1.28"> Detur, et exactas enumerare vias?</l>
<l n="3.1.29">O quoties, quae sint gentes, quae nomina quaerent,</l>
<l n="3.1.30">Quos veteres ritus Craeta, habeat ve novos.</l>
<l n="3.1.31">Si qua etiam priscae superant vestigia famae:</l>
<l n="3.1.32"> Quid modo quae magnum iam tulit Ida Iovem.</l>
<l n="3.1.33">Quid centum vario celebratae carmine gentes,</l>
<l n="3.1.34"> Caecaque Dedaleo structa labore Domus:</l>
<l n="3.1.35">Multa super Craeta querent, super aequore multa,</l>
<l n="3.1.36"> Quae fuerint nostrae per freta tanta viae.</l>
<l n="3.1.37">Ast ego cuncta suo referam memor ordine; pauca</l>
<l n="3.1.38"> Esse super veterum nunc monumenta virum.</l>
<l n="3.1.39">Scilicet in cineres solvit cariosa vetustas</l>
<l n="3.1.40">Omnia, quae priscis scripta leguntur avis.</l>
<l n="3.1.41">Nec centum populi, nec quae Rhadamantus habebat</l>
<l n="3.1.42">Regna, suae quicquam nobilitatis habent.</l>
<l n="3.1.43">Vidimus antra super scabro pendentia topho,</l>
<l n="3.1.44"> Caecaque vix rabidis tecta colenda feris;</l>
<l n="3.1.45">Intersepta rubis, putrique informia limo,</l>
<l n="3.1.46"> Semiurum memorant quae tenuisse Bovem.</l>
<l n="3.1.47">Vidimus excelsae cunctis in montibus Idae</l>
<l n="3.1.48">Praeter inaccessas iam nihil esse nives.</l>
<l n="3.1.49">Nunc genus acre virum, pictisque insigne pharetris,</l>
<l n="3.1.50">Plurima cui cordi gloria Martis inest.</l>
<l n="3.1.51">Pone libens referam, laetis spirantibus auris,</l>
<l n="3.1.52"> Liquimus ut celeri Gnosia saxa rate,</l>
<l n="3.1.53">Utque Cythereas primum superavimus oras,</l>
<l n="3.1.54">Dum cadit a dextra Saeva Malaea manu;</l>
<l n="3.1.55">Tenariosque sinus, ubi summo in vertice fumant</l>
<l n="3.1.56"> Infera Dulychio pervia claustra Duci,</l>
<l n="3.1.57">Et Pelopis terras, et te nemorosa Zachynthos,</l>
<l n="3.1.58"> Et Samon, atque Ithacem Nestoreamque Pylon;</l>
<l n="3.1.59">Et qua praeruptis se Neritos ardua saxis</l>
<l n="3.1.60"> Tollit, et Ambracio littora clausa mari,</l>
<l n="3.1.61">Epyrique latus, coeloque Ceraunia iuncta,</l>
<l n="3.1.62"> Alcynoique novo regna superba situ;</l>
<l n="3.1.63">Utque per Hadriacum tandem penetravimus aequor,</l>
<l n="3.1.64"> Conditur Ascrivio quo maris unda sinu,</l>
<l n="3.1.65">Haec, et plura meis a me referentur amicis,</l>
<l n="3.1.66"> Dummodo sint nostrae fata secunda viae.</l>
<l n="3.1.67">Talia, dum meditor, placido mea carbasa vento</l>
<l n="3.1.68"> Plena trahunt celerem per freta vasta ratem:</l>
<l n="3.1.69">Iamque propinquamus terrae. Da tuta Palemon</l>
<l n="3.1.70"> Littora, Da placidos coerule Glauce sinus.</l>
<l n="3.1.71">At vos humanos semper miserata labores</l>
<l n="3.1.72">Ferte pedem votis Numina magna meis;</l>
<l n="3.1.73">Ut tandem patriae contingam littora terrae,</l>
<l n="3.1.74">Et fidos redeam salvus ut ante lares.</l>
</div>
<div type="poesis-elegia" xml:id="pasch3.2" met="elegiacum">
<head>AD AMNEM GURDUM</head>
<l n="3.2.1">Dic mihi: sic vitreis nunquam desertus ab undis</l>
<l n="3.2.2"> Semper eas solita Gurde per arva via:</l>
<l n="3.2.3">Sic molles crescant circum tua flumina flores,</l>
<l n="3.2.4"> Et Phoebea tuas Arbor obumbret aquas:</l>
<l n="3.2.5">Nec fera te rapidis exhauriat ignibus aestas,</l>
<l n="3.2.6"> Augeat aut densa frigida bruma nive:</l>
<l n="3.2.7">Sed te consueto labentem leniter alveo,</l>
<l n="3.2.8"> Excipiat placido Doris amara sinu.</l>
<l n="3.2.9">Dic age, nuda tuis dum lux mea ludit in undis,</l>
<l n="3.2.10"> Aut summo niveos abluit amne pedes;</l>
<l n="3.2.11">Num tua concipiunt insuetas flumina flammas?</l>
<l n="3.2.12"> Tu quoque num gelidas ureris inter aquas?</l>
<l n="3.2.13">Nec tibi turpe putas, si te quoque vicerit unum,</l>
<l n="3.2.14">Quae posset magnos vincere forma Deos?</l>
<l n="3.2.15">Ecce iterum veteres vernant in corde dolores,</l>
<l n="3.2.16"> Et subeunt animo dulcia visa meo.</l>
<l n="3.2.17">O ego ne tali violassem lumina visu,</l>
<l n="3.2.18"> Qui dedit erumnis semina prima meis.</l>
<l n="3.2.19">Quam mallem aeternis oculos claussisse tenebris,</l>
<l n="3.2.20">Inque meos caeca ducere nocte dies.</l>
<l n="3.2.21">Non ego tot lachrymas, tot cogerer usque querelas</l>
<l n="3.2.22"> Fundere, nec vanas tot sine fine preces.</l>
<l n="3.2.23">Non ego tam tristes versarem pectore curas,</l>
<l n="3.2.24"> Ureret haec animam nec fera flamma meam.</l>
<l n="3.2.25">Sed quid ego haec repeto? repetam tamen omnia demens,</l>
<l n="3.2.26"> Ut meus ex Dominae crescat honore dolor.</l>
<l n="3.2.27">Qualis in eoo color est perfusus olympo</l>
<l n="3.2.28">Humida phoebeis quum Dea cedit equis;</l>
<l n="3.2.29">Qualis in opposita coeli regione videtur,</l>
<l n="3.2.30">Quum subit occiduas Phaebus Atlantis aquas,</l>
<l n="3.2.31">Aut qualem fractis promit de nubibus Iris,</l>
<l n="3.2.32"> Illius in toto corpore talis erat.</l>
<l n="3.2.33">Me frons illa nitens miserum decepit, et illa</l>
<l n="3.2.34"> Aemula puniceis rubra labella rosis;:</l>
<l n="3.2.35">Me levis incessus, placidique modestia gressus</l>
<l n="3.2.36">Perdidit, et dulci lingua referta favo.</l>
<l n="3.2.37">Me coma flava, suis quam praeferet ipsa capillis,</l>
<l n="3.2.38"> Si modo non renuat dicere vera, Venus.</l>
<l n="3.2.39">Me niveae coepere manus, et pectus eburnum,</l>
<l n="3.2.40"> Binaque supremum lumina amoris opus.</l>
<l n="3.2.41">Denique tota meos predata est Sylvia sensus;</l>
<l n="3.2.42"> Cui nihil in toto corpore turpe fuit.</l>
<l n="3.2.43">Suspicor antiquos mendacia fingere vates,</l>
<l n="3.2.44"> Quum referunt veterum furta tot illa Deum:</l>
<l n="3.2.45">Nam neque Laeda foret, neque dignor ulla priorum,</l>
<l n="3.2.46"> Esset ut in thalamis Iupiter usque tuis.</l>
<l n="3.2.47">Ut Ganimedis avis: ut Taurus, et aureus imber,</l>
<l n="3.2.48"> Ut niveus fieres, haec meruisset, Olor. </l>
<l n="3.2.49">Nec cantata tribus formosa Corinna libellis,</l>
<l n="3.2.50"> Nec nimius Galli flava Lycoris amor.</l>
<l n="3.2.51">Lesbia nec docti versus celebrata Catulli,</l>
<l n="3.2.52"> Lydia nec latia facta beata lyra,</l>
<l n="3.2.53">Nec Nemesis culti, nec Delia cura Tibulli,</l>
<l n="3.2.54"> Nec modo, quae tantum Cynthia nomen habet.</l>
<l n="3.2.55">Digna nec ex priscis demum foret ulla puellis,</l>
<l n="3.2.56"> Ablueret niveos quae tibi vita pedes.</l>
<l n="3.2.57">Sydera cur veteres non redditis invida vates,</l>
<l n="3.2.58"> Nostra quibus primum Sylvia surgat opus?</l>
<l n="3.2.59">Aut mihi nunc vires cur non conceditis aequas,</l>
<l n="3.2.60">Ut subeant humeri hoc onus omne mei?</l>
<l n="3.2.61">Aeternum per me mea Sylvia nomen haberet,</l>
<l n="3.2.62"> Nec foret Aonio notior ulla choro.</l>
<l n="3.2.63">Si tamen ingenio, vel si magis arte valemus,</l>
<l n="3.2.64"> Quicuid id est, Dominae serviat omne meae.</l>
<l n="3.2.65">Sit mihi velle satis, dabit haec fortasse voluntas</l>
<l n="3.2.66"> Sedula, quod summa vix daret alter ope.</l>
<l n="3.2.67">Forsitan et seros mea Sylvia vivet in annos, </l>
<l n="3.2.68"> Nec gemet alterius nobilitate premi.</l>
<l n="3.2.69">Hanc ego Thessalicis volui pervertere Rhombis,</l>
<l n="3.2.70"> Surgeret in nostro quum nova flamma sinu.</l>
<l n="3.2.71">Huius ego Illiricis sacravi nomina sylvis,</l>
<l n="3.2.72">Lanigeras canerem quum puer inter oves.</l>
<l n="3.2.73">Huius ego moestis deflevi fata querelis,</l>
<l n="3.2.74"> Falsa tulit, tantum quum mihi fama nephas.</l>
<l n="3.2.75">Denique erit nostris notissima Sylvia libris,</l>
<l n="3.2.76"> Sola licet veteres invideatis avi.</l>
<l n="3.2.77">Interea tu pro meritis mea Sylvia tantis,</l>
<l n="3.2.78"> Dulcia fige meis oscula mille genis,</l>
<l n="3.2.79">Et mea cinge tuis formosis colla lacertis,</l>
<l n="3.2.80"> Et tege me tepido spes mea sola sinu.</l>
<l n="3.2.81">Si quid et ulterius dederis, Craesumque, Midamque,</l>
<l n="3.2.82"> Vincam Divitiis; et Iove maior ero.</l>
</div>
<div type="poesis-elegia" xml:id="pasch3.3" met="elegiacum">
<head>VINDEMIA.</head>
<l n="3.3.1">Sacra corymbifero vindemia venit Iaccho:</l>
<l n="3.3.2"> Inficiunt patulos spumea musta lacus;</l>
<l n="3.3.3">Laetitia plausuque fremunt nemora avia , et alte</l>
<l n="3.3.4"> Reddunt exceptos concava saxa sonos.</l>
<l n="3.3.5">Libantur patrio passim per compita ritu</l>
<l n="3.3.6"> Grata salutifero pocula plena mero.</l>
<l n="3.3.7">Salve o pampinei donum coeleste Lyaei,</l>
<l n="3.3.8"> Salvete Ogygii munera sancta patris.</l>
<l n="3.3.9">Tu depelle graves nostro de pectore curas,</l>
<l n="3.3.10"> Laetificaque animum mollis Iacche meum.</l>
<l n="3.3.11">Qui te rite colit, tantum horrida frigora curat,</l>
<l n="3.3.12"> Aethiopes quantum qui foret inter agros.</l>
<l n="3.3.13">Aut qui in illiacos nondum bene comperit ortus,</l>
<l n="3.3.14"> Blemius exusti pauper arator agri.</l>
<l n="3.3.15">Haec mihi lux multos rediit celebrata per annos,</l>
<l n="3.3.16">Hac licet effusis nectere serta comis:</l>
<l n="3.3.17">Hac licet annoso victum titubare Lyaeo,</l>
<l n="3.3.18">Perque mea instabili ludere rura pede.</l>
<l n="3.3.19">Festa semel toto haec nobis celebrantur in annos</l>
<l n="3.3.20"> O veniant semper candidiora precor.</l>
</div>
<div type="poesis-elegia" xml:id="pasch3.4" met="elegiacum">
<head>AD POETAM BARBARUM</head>
<l n="3.4.1">Dum tua Barbarico passim turgentia fastu</l>
<l n="3.4.2"> Miror, et attonita carmina fronte lego,</l>
<l n="3.4.3">Quis deus huic inquam tantos inflavit hyatus?</l>
<l n="3.4.4"> Non foret his Helicon totaque Cyrrha satis.</l>
<l n="3.4.5">His neque castaliae possent satis esse sorores,</l>
<l n="3.4.6"> Nec canere ad querulam doctus Apollo lyram.</l>
<l n="3.4.7">Ista colant humiles vulgaria numina vates;</l>
<l n="3.4.8"> Quos iuvat exili plectra movere sono;</l>
<l n="3.4.9">At tua, ceu geminis inflantur follibus, ora,</l>
<l n="3.4.10"> Quum tumidum rauco gutture carmen hyas.</l>
<l n="3.4.11">Sit tibi Virgilius, tibi sit collatus Homerus:</l>
<l n="3.4.12"> Virgilius stupidus, bardus Homerus erit.</l>
<l n="3.4.13">Quos igitur dictare putem tibi carmina Divos?</l>
<l n="3.4.14"> Et tua tam tumido nectere verba sono?</l>
<l n="3.4.15">Fallor ? an haec Siculis squallens tibi dictat ab antris</l>
<l n="3.4.16">Mulciber, irato qui struit arma Iovi?</l>
<l n="3.4.17">Et movet Aethnaeos intra tua pectora folles?</l>
<l n="3.4.18"> Hinc tua ceu geminis follibus ora tument.</l>
<l n="3.4.19">Quinetiam summo postquam deiectus olympo</l>
<l n="3.4.20">Percussit tenero Lemnia saxa pede</l>
<l n="3.4.21">Claudicat ipse Deus, cuius tu concitus oestro</l>
<l n="3.4.22"> Cuncta suis pedibus carmina clauda facis.</l>
<l n="3.4.23">Ipse deus picea tegitur ferrugine: sic sunt</l>
<l n="3.4.24"> Et tua plus nigra carmina nigra pice.</l>
<l n="3.4.25">Utque solet madidus cum fratre Pyragmone Brontes,</l>
<l n="3.4.26"> Et Steropes, multo quum caluere mero,</l>
<l n="3.4.27">Ducere confusas gressu titubante choreas,</l>
<l n="3.4.28">Et dare multimodos sed sine mente sonos:</l>
<l n="3.4.29">Sic titubant, stultumque sonant, tua carmina; nec pes</l>
<l n="3.4.30"> Ipse, nec officium mens facit ipsa suum.</l>
<l n="3.4.31">Tu tamen interea pergas, insane Poeta,</l>
<l n="3.4.32"> CondereTrinnacrio carmina digna Deo;</l>
<l n="3.4.33">E quibus intortis venalia thura cucullis</l>
<l n="3.4.34"> Induat, et crispum pharmacopolla piper.</l>
<l n="3.4.35">Hoc unum moneo; gelidi ne mense Decembris</l>
<l n="3.4.36"> Edere facta tuo carmina Marte velis.</l>
<l n="3.4.37">Tunc etenim cuncti celebrant convivia Divi,</l>
<l n="3.4.38"> Saturnalitii quum rediere Dies:</l>
<l n="3.4.39">Tunc ea Mulcibero solennia festa colenti</l>
<l n="3.4.40"> Non vacat, in numeros spiret ut ille tuos.</l>
<l n="3.4.41">Sic tua quae Siculis non sunt calefacta caminis</l>
<l n="3.4.42"> Carmina, sunt Scythico frigidiora gelu.</l>
<l n="3.4.43">Ergo age: furtivos tua sic dediscat amores,</l>
<l n="3.4.44"> Fidaque legitimo sit Cytheraea toro:</l>
<l n="3.4.45">Tu Vulcane tui venias in carmina vatis,</l>
<l n="3.4.46">Frigidus ut meritam sentiat ignis opem.</l>
</div>
<div type="poesis-elegia" xml:id="pasch3.5" met="elegiacum">
<head>AD PHILIPPUM FABRITIUM</head>
<l n="3.5.1">Dum mea sollicita curarum pressa caterva</l>
<l n="3.5.2"> Haud ullum posset mens reperire locum;</l>
<l n="3.5.3">Torquererque levi, ceu saucia Cerva sagitta,</l>
<l n="3.5.4"> Aut vexata gravi panda Carina noto;</l>
<l n="3.5.5">Nec potis optato demittere lumina somno</l>
<l n="3.5.6"> Versarem toto languida membra toro:</l>
<l n="3.5.7">Extemplo nostras dulcis concentus ad aures</l>
<l n="3.5.8"> Pervenit Cytharae culte Philippe tuae;</l>
<l n="3.5.9">Discussitque meas grato modulamine curas,</l>
<l n="3.5.10"> Et solitus rediit per mea membra vigor;</l>
<l n="3.5.11">Quale levis Zephyrus fessis sub sydere Cancri,</l>
<l n="3.5.12"> Aut sopor, aut placido murmure limpha sonans:</l>
<l n="3.5.13">Quale quies aegris, optataque littora nautis</l>
<l n="3.5.14"> Tale mihi cytharae carmen et aura tuae.</l>
<l n="3.5.15">Quot Laedeus Olor placidi super amne Caystri</l>
<l n="3.5.16"> Ore movet varios deficiente sonos:</l>
<l n="3.5.17">Aut quot districto format phylomena palato,</l>
<l n="3.5.18"> Dum miserum querulo gutture deflet Itym:</l>
<l n="3.5.19">Tot mihi mellifluos cantus sentire videbar,</l>
<l n="3.5.20"> Quos percussa tuo pollice plectra dabant.</l>
<l n="3.5.21">Desinat Ismarium mirari fama Poetam,</l>
<l n="3.5.22"> Atque Amphionam saxa secuta lyram;</l>
<l n="3.5.23">Cogentemque suo Delphinas Ariona cantu</l>
<l n="3.5.24"> Insolita in medio pondera ferre mari.</l>
<l n="3.5.25">Hic novus est Orpheus, hic Methimneus Arion,</l>
<l n="3.5.26"> Hic Aracintheas pascere dignus oves.</l>
<l n="3.5.27">Non hic saxa movet, non horrida corda ferarum,</l>
<l n="3.5.28"> Robora non summis detrahit alta iugis;</l>
<l n="3.5.29">Sed movet humanas mira dulcedine mentes,</l>
<l n="3.5.30"> Pectoraque insolito capta stupore ligat.</l>
<l n="3.5.31">Quinetiam sensus, animasque, abducit ab ipsis</l>
<l n="3.5.32"> Corporibus, querulas dum movet arte fides.</l>
<l n="3.5.33">Mitescent Furiae, claudet tria Cerberus ora,</l>
<l n="3.5.34"> Dum ferit hic docta fila sonora manu:</l>
<l n="3.5.35">Liber erit Tytius, comprehendet Tantalus undas,</l>
<l n="3.5.36"> Sisyphus in summo colle reponet onus:</l>
<l n="3.5.37">Nec rota raptabit miseros Ixionis artus,</l>
<l n="3.5.38"> Nec toties Stygias urna resumet aquas:</l>
<l n="3.5.39">Suavius haud summo (sit fas mihi dicere ) coelo</l>
<l n="3.5.40"> Delius immensum personat ante Iovem.</l>
<l n="3.5.41">At tibi pro tali faciles sint munere Divi:</l>
<l n="3.5.42"> Audiat has placida Iupiter aure preces;</l>
<l n="3.5.43">Ut quum Nestoreos foeliciter egeris annos,</l>
<l n="3.5.44"> Protinus Elysiis adnumerere choris.</l>
</div>
<div type="poesis-elegia" xml:id="pasch3.6" met="elegiacum">
<head>AD HIERONYMUM BERTUTIUM ATTICUM CONSOLATIO / IN MORTE CONIUGIS.</head>
<l n="3.6.1">Attice, Romuleae quem summa peritia linguae</l>
<l n="3.6.2"> Pene facit magno cum Cicerone parem;</l>
<l n="3.6.3">Cuius rarus honos, vulgataque gloria lumen</l>
<l n="3.6.4"> Astruit Illirico non mediocre solo.</l>
<l n="3.6.5">Legimus assiduis tua carmina plena querelis, </l>
<l n="3.6.6"> Elicit e medio quas tibi corde dolor;</l>
<l n="3.6.7">Coniugis extinctae dum tristia funera defles,</l>
<l n="3.6.8"> Abstulit a thalamo quam fera parca tuo.</l>
<l n="3.6.9">Me quoque crede tui partem sentire doloris:</l>
<l n="3.6.10"> Hoc tuus ex veteri foedere poscit amor;</l>
<l n="3.6.11">Qui non illachrymat, flentem dum cernit amicum,</l>
<l n="3.6.12"> Nescit Amicitiae quid sibi iura velint.</l>
<l n="3.6.13">Ergo amor, et pietas, duo maxima vincula mentis,</l>
<l n="3.6.14"> Saepe tuis cogunt me lachrymare malis:</l>
<l n="3.6.15">Nam neque tot lachrymas, neque tot suspiria fundit</l>
<l n="3.6.16">Orba parens uteri pignore facta sui: </l>
<l n="3.6.17">Perdidit unanimem nec quum soror anxia fratrem,</l>
<l n="3.6.18"> Qui lux una suae, spesque sororis erat:</l>
<l n="3.6.19">Filia nec gemino pariter viduata parente,</l>
<l n="3.6.20"> Nil videt in vacua quae superesse domo:</l>
<l n="3.6.21">Denique , si pariter coeat genus omne dolorum,</l>
<l n="3.6.22"> Pars tamen, omne tui parva doloris erit.</l>
<l n="3.6.23">Alcyonum sunt victa tuis lamenta querelis, </l>
<l n="3.6.24"> Quae renovant tumidi quum fremit ira maris;</l>
<l n="3.6.25">Et gemitus quem tristis agit sine compare, Turtur</l>
<l n="3.6.26"> Et cum Threicia pellice moesta soror.</l>
<l n="3.6.27">Urit adhuc animam stimulis praesentibus aegram,</l>
<l n="3.6.28">Quae volat ante oculos coniugis umbra tuos.</l>
<l n="3.6.29">Haec te pervigiles cogit traducere noctes,</l>
<l n="3.6.30"> Et lachrymis viduum saepe rigare torum.</l>
<l n="3.6.31">Spinosas serit illa tibi sub pectore curas,</l>
<l n="3.6.32"> Et claro offundit nubila nigra die.</l>
<l n="3.6.33">Hoc sine nulla tuae veniunt solatia menti,</l>
<l n="3.6.34"> Esse nihil gratum, nil tibi dulce potest.</l>
<l n="3.6.35">Quicquid erat gratum, quicquid tibi dulce, sepultum est:</l>
<l n="3.6.36"> Delitias operit invida terra tuas.</l>
<l n="3.6.37">Illa tegit lususque tuos, risumque, iocosque:</l>
<l n="3.6.38"> Obruit illa animi gaudia cuncta tui.</l>
<l n="3.6.39">Sed tu ,dum lachrymas, dum questus fundis inanes,</l>
<l n="3.6.40">Surdaque dum gemitus dissipat aura tuos:</l>
<l n="3.6.41">Forsitan illa tuos ridet secura labores</l>
<l n="3.6.42"> Flammiferi summa de regione Poli;</l>
<l n="3.6.43">Hic ubi coelicolum sedes tenet aurea Regem,</l>
<l n="3.6.44"> Aureaque aethereos continet aula patres:</l>
<l n="3.6.45">Nam, si quid spectata fides, probitasque meretur,</l>
<l n="3.6.46"> Denique si sanctis moribus astra patent;</l>
<l n="3.6.47">Illa quidem summo est dignissima vivere coelo;</l>
<l n="3.6.48"> Spiritus aetherei convenit ille choris:</l>
<l n="3.6.49">Aut, si vera ferunt, certas post funera sedes</l>
<l n="3.6.50"> Elysios castis Manibus esse locos;</l>
<l n="3.6.51">Hic ubi perpetui narrantur tempora veris,</l>
<l n="3.6.52"> Et Casiae viridis Ambrosiaeque nemus:</l>
<l n="3.6.53">Illic formosas inter sedet Heroinas</l>
<l n="3.6.54"> Forsitan, et pulchro pulcrior ipsa coro;</l>
<l n="3.6.55">Et modo lethaei spatiatur in aggere fontis,</l>
<l n="3.6.56">Colligit et niveas, purpureasque Rosas;</l>
<l n="3.6.57">Astruit et capiti vario de flore corollas,</l>
<l n="3.6.58"> Iucundoque suos implet odore sinus.</l>
<l n="3.6.59">Forsan et inde tuos saepe est miserata dolores,</l>
<l n="3.6.60"> Et daret haud dubiam si licuisset opem.</l>
<l n="3.6.61">Sed fati lex dura vetat, quam viribus ullis </l>
<l n="3.6.62"> Irritus est speres si revocare labor.</l>
<l n="3.6.63">At revocat pietas, et blandae gratia linguae,</l>
<l n="3.6.64"> Et pariter mistae cum pietate preces.</l>
<l n="3.6.65">Infera Threiicio patuerunt ostia vati,</l>
<l n="3.6.66"> Dum caneret querulae consona verba lyrae.</l>
<l n="3.6.67">Umbrarumque ferunt captum dulcedine Regem</l>
<l n="3.6.68"> Euridicem cupido restituisse viro.</l>
<l n="3.6.69">Nec ferus ille canis sparsis per colla colubris</l>
<l n="3.6.70"> Propositum potuit flectere vatis iter:</l>
<l n="3.6.71">Nec minus assiduis Proserpina mota querelis</l>
<l n="3.6.72"> Dicitur humanis indoluisse malis;</l>
<l n="3.6.73">Reddidit Emathio, quum charam Alcestida Regi</l>
<l n="3.6.74"> Illius subiit quae moritura vices:</l>
<l n="3.6.75">Illa eadem vanam dilecti coniugis umbram</l>
<l n="3.6.76">Misit in amplexus Laodomia tuos:</l>
<l n="3.6.77">Et licet umbra foret, placuit tibi coniugis umbra,</l>
<l n="3.6.78"> Iamque tui levior pectoris aestus erat.</l>
<l n="3.6.79">Ast ubi se tenues fugiens dissolvit in auras,</l>
<l n="3.6.80"> Te ferus armavit in tua damna dolor:</l>
<l n="3.6.81">Aeneam pietas; pietas deduxit Ulixem,</l>
<l n="3.6.82"> Cernere ut extinctum posset uterque patrem:</l>
<l n="3.6.83">Innumerosque alios, quorum vulgata per orbem</l>
<l n="3.6.84"> Nomina, ab antiquis scripta leguntur avis.</l>
<l n="3.6.85">At tibi nec pietas, nec passim cognita virtus</l>
<l n="3.6.86"> Attice facundae nec valuere preces.</l>
<l n="3.6.87">Nil valuit vox illa tuae dulcissima Musae,</l>
<l n="3.6.88"> Aemulaque Orphaeis carmina culta modis:</l>
<l n="3.6.89">Nanque preces, lachrymasque tuas, tua carmina venti</l>
<l n="3.6.90"> Dirripiunt, voto non potitura suo.</l>
<l n="3.6.91">Haec quoque , crede mihi, veterum monumenta virorum</l>
<l n="3.6.92"> Finxit ad arbitrium Graecia vana suum:</l>
<l n="3.6.93">Nam semel infernas quisquis penetravit ad undas,</l>
<l n="3.6.94"> Rursus ad aethereum non redit inde diem.</l>
<l n="3.6.95">Quid superest igitur? nisi, quod reparabile non est,</l>
<l n="3.6.96"> Ex animo iubeas ut procul ire tuo?</l>
<l n="3.6.97">Pone modum lachrymis, nec tantum indulge dolori:</l>
<l n="3.6.98"> Pernitiem lachrymae saepe dolorque ferunt.</l>
<l n="3.6.99">Testis erit Niobe, testis tibi turba sororum,</l>
<l n="3.6.100"> Eridani vitreas quae super astat aquas.</l>
<l n="3.6.101">Testis erit, propria qui captus imagine vidit</l>
<l n="3.6.102"> Flens sua purpureo corpora flore tegi.</l>
<l n="3.6.103">Et, quae clausa cavis respondet vallibus Eccho.</l>
<l n="3.6.104"> Versaque in aeternas impia Biblis aquas;</l>
<l n="3.6.105">Et quae praeteritos suspirans Solis amores</l>
<l n="3.6.106">Vertitur, igniferum qua rotat ille caput;</l>
<l n="3.6.107">Nec minus et pompis feralibus apta Cupressus,</l>
<l n="3.6.108"> Quam iuvat assiduus nunc velut ante dolor.</l>
<l n="3.6.109">Haec dixisse sat est, quanvis et plura supersint,</l>
<l n="3.6.110">Quae foret hic ingens enumerare labor.</l>
<l n="3.6.111">Haec subeant exempla tibi, luctuque represso</l>
<l n="3.6.112">Solentur casus damna aliena tuos.</l>
<l n="3.6.113">Est dolor hic magnus (dices) et causa doloris</l>
<l n="3.6.114"> Maior, et humanae negligit artis opem.</l>
<l n="3.6.115">Difficile est fateor, tantos compescere luctus:</l>
<l n="3.6.116">Convenit at cunctis rebus inesse modum.</l>
<l n="3.6.117">Nanque hanc immensi faciem, quam cernimus orbis,</l>
<l n="3.6.118"> Quattuor in cuius sunt elementa sinu;</l>
<l n="3.6.119">Si riget assiduus tepidis sine solibus imber,</l>
<l n="3.6.120"> Esset inhumanis vix habitanda feris:</l>
<l n="3.6.121">Sin ferat aeternos sine gratis imbribus aestus,</l>
<l n="3.6.122"> Torrida non homini, non erit apta feris.</l>
<l n="3.6.123">Fert tamen illa homines, nec non genus omne ferarum;</l>
<l n="3.6.124"> Natura alternas sic variante vices,</l>
<l n="3.6.125">Ut quum tristis hyems gelidos effuderit imbres,</l>
<l n="3.6.126"> Cesserit et Boreae vis fera, visque Noti,</l>
<l n="3.6.127">Incumbant placidae coelo Zephyritidos aurae,</l>
<l n="3.6.128">Vestiat et nudam vernus amictus humum.</l>
<l n="3.6.129">Aspice ut omne nemus summis nova germina ramis</l>
<l n="3.6.130"> Extulit, et laeto gramine terra viret.</l>
<l n="3.6.131">Hic violas, illic formosa papavera cernis,</l>
<l n="3.6.132">Canaque corythio lilia mista Croco.</l>
<l n="3.6.133">Attamen hic glacies; illic paulo ante videbas</l>
<l n="3.6.134">Grandinibus mistas cuncta operire nives:</l>
<l n="3.6.135">Atque ubi ventorum rabies violenta fremebat,</l>
<l n="3.6.136"> Spirat ab occiduo nunc levis aura mari.</l>
<l n="3.6.137">Undique iucundo resonat nemora avia cantu,</l>
<l n="3.6.138">Dum passim dulces dulce queruntur aves;</l>
<l n="3.6.139">Testanturque novi foelicia tempora veris</l>
<l n="3.6.140"> Esse per assiduos semper agenda iocos.</l>
<l n="3.6.141">Tu tamen interea tristes sub pectore curas</l>
<l n="3.6.142"> Volvis, et ingrata est brumaque verque tibi.</l>
<l n="3.6.143">Hactenus immensi processerit ira doloris:</l>
<l n="3.6.144"> Ultima moestitiae meta sit ista tuae.</l>
<l n="3.6.145">Tristia nulla decent, sed gaudia laeta poetam,</l>
<l n="3.6.146"> Flumina Gorgonei qui semel hausit equi.</l>
<l n="3.6.147">Tu sacer es templi Aonidum, Phoebique Sacerdos,</l>
<l n="3.6.148"> Qui tua castaliis ora rigavit aquis.</l>
<l n="3.6.149">Te risus cantusque decent, lususque perenne,</l>
<l n="3.6.150"> Te decet et laetos semper habere dies.</l>
<l n="3.6.151">Ergo age, Dalmaticae rarum decus Attice gentis,</l>
<l n="3.6.152"> Discute iam mentis nubila nigra tuae.</l>
<l n="3.6.153">Aspice quid deceat vatem ,quid denique , tantum,</l>
<l n="3.6.154">Cui modo nostra parem non habet, ora virum.</l>
<l n="3.6.155">Nec tibi sit tanti quanuis carissima coniux,</l>
<l n="3.6.156">Quique tenax imis ossibus haeret Amor,</l>
<l n="3.6.157">Immemor ipse tui videaris ut esse decoris,</l>
<l n="3.6.158">Debet enim magnis cedere cura minor.</l>
<l n="3.6.159">Illa quidem summo (sit phas mihi credere) coelo</l>
<l n="3.6.160"> Seu quaecumque piis manibus ora datur;</l>
<l n="3.6.161">Te te hora ex illa miseratur triste querentem,</l>
<l n="3.6.162"> Forsitan et tales fundit ab ore sonos.</l>
<l n="3.6.163">Chare mihi coniux, quondam dum vita manebat,</l>
<l n="3.6.164">Plus oculis multum, plus animaque mea:</l>
<l n="3.6.165">At nunc chare mihi, quantum nec dicere verbis</l>
<l n="3.6.166"> Possum ego, non animo concipere ipsa meo:</l>
<l n="3.6.167">Parce meam tristi gemitu turbare quietem,</l>
<l n="3.6.168"> Et sine me placida pace perenne frui:</l>
<l n="3.6.169">Haec tua nanque meam turbant suspiria pacem,</l>
<l n="3.6.170">Rumpitur hoc querulo nostra dolore quies.</l>
<l n="3.6.171">Sed, si tantus amor, si te iuvat Attice nostro</l>
<l n="3.6.172"> Connubio aeternos continuare dies;</l>
<l n="3.6.173">Vive pius, nostraeque sequens vestigia vitae,</l>
<l n="3.6.174"> Carpe salutiferas versus ad astra vias.</l>
<l n="3.6.175">Sic ego te meritis modicum post tempus onustum</l>
<l n="3.6.176"> Excipiam, et charo comminus ore furar;</l>
<l n="3.6.177">Atque hic aeterni vinclis iungemur amoris,</l>
<l n="3.6.178"> Terminus et nostri nullus amoris erit.</l>
</div>
<div type="poesis-elegia" xml:id="pasch3.7" met="elegiacum">
<head>DIALOGUS AMATORIUS</head>
<lg>
<head>IUVENIS AD VIRGINEM</head>
<l n="3.7">Unde tibi haec mea lux accessit lucida lampas</l>
<l n="3.7"> Fulgurat ex oculis quae velut aethra tuis?</l>
<l n="3.7">Unde superciliis hebenum tibi? crinibus aurum?</l>
<l n="3.7"> Unde recens patula fronte resedit ebur?</l>
<l n="3.7">Unde tibi haec roseis haerent coralia labris?</l>
<l n="3.7"> Insitus hic teneris est rubor unde genis?</l>
<l n="3.7">Unde tibi haec duplici, quae format in ordine dentes,</l>
<l n="3.7"> Candidior prima candida gemma nive?</l>
<l n="3.7">Unde tuum poliunt levissima marmora pectus?</l>
<l n="3.7"> Unde tuo turgent aurea mala sinu?</l>
<l n="3.7">Unde hic rarus odor, quem spirat anhelitus? unde est,</l>
<l n="3.7"> Qui fluit hic dulci dulcis ab ore favus?</l>
<l n="3.7">Unde tibi parta est haec denique gratia formae?</l>
<l n="3.7">Hic decor? hae Veneres? hi (mea vita) sales?</l>
</lg>
<lg>
<head>VIRGO</head>
<l n="3.7">Solis Amor radios, necnon duo sydera coelo</l>
<l n="3.7"> Detulit Arctoo sydera iuncta polo,</l>
<l n="3.7">Aethyopum sylvis hebenum decerpsit, et aurum</l>
<l n="3.7"> Gangis, et auriferi legit ab amne Tagi.</l>
<l n="3.7">Eruit a Siculo coralia rubra profundo:</l>
<l n="3.7"> Additur hic rubri lucida concha maris.</l>
<l n="3.7">Hesperides illi sua poma dedere, suumque</l>
<l n="3.7">Mel dedit Hibla, Paros marmor, et Indus ebur.</l>
<l n="3.7">Mille peregrinos Panchaia misit odores,</l>
<l n="3.7"> Nec poestana suas non dedit ora Rosas:</l>
<l n="3.7">Gratia cum geminus sua dona sororibus illi</l>
<l n="3.7"> Cuncta dedit; Veneres, et Venus ipsa suas.</l>
<l n="3.7">Haec oculis, haec dona genis, haec dona labellis,</l>
<l n="3.7">Inque superciliis abdidit ille meis.</l>
<l n="3.7">His mihi delitiis, frontemque sinumque comasque</l>
<l n="3.7"> Imbuit , his totam me decoravit Amor.</l>
</lg>
<lg>
<head>IUVENIS.</head>
<l n="3.7">Redde iubar Soli, coelo sua sydera, sylvis</l>
<l n="3.7"> Poma, hebenumque suis, et sua dona mari.</l>
<l n="3.7">Redde aurum fluviis, et odores redde Sabaeis, </l>
<l n="3.7"> Redde suum propriis marmor, eburque locis.</l>
<l n="3.7">Redde rosas campis: et apes sua mella resumant:</l>
<l n="3.7">Tu quoque, quod dederas gratias rursus, habe;</l>
<l n="3.7">Redde suas Veneri veneres; sua munera Amori:</l>
<l n="3.7"> Et tibi residuum dic mihi numquid erit?</l>
</lg>
<lg>
<head>VIRGO</head>
<l n="3.7">Omnia quum dedero, quumque omnia munera reddam,</l>
<l n="3.7"> Me quibus insignit, me quibus ornat amor,</l>
<l n="3.7">Fortis adhuc superest medio sub pectore Gorgo;</l>
<l n="3.7"> Non puer hanc Veneris, non Venus ipsa dedit.</l>
<l n="3.7">Uno eodem partu mecum fuit edita; mecum</l>
<l n="3.7"> Vivit, et extremos est subitura rogos.</l>
<l n="3.7">Haec mihi lascivas abigit de pectore curas,</l>
<l n="3.7"> Nullus ut introeat in mea corda calor.</l>
<l n="3.7">Haec mihi sola sat est, ne vincar ab hostibus ullis;</l>
<l n="3.7"> Et tutam feritas me mea sola facit.</l>
</lg>
<lg>
<head>IUVENIS</head>
<l n="3.7">Haec igitur bona, quae mihi tam formosa videntur,</l>
<l n="3.7">Nec tua; nec longos sunt habitura dies:</l>
<l n="3.7">At tua, at assiduos tecum mansura per annos,</l>
<l n="3.7">Gorgonea feritas non feritate minor.</l>
<l n="3.7">Quid faciam infoelix, si quod iuvat, est breve munus</l>
<l n="3.7">Alterius; proprium, quod nocet, illud habes?</l>
</lg>
<lg>
<head>VIRGO</head>
<l n="3.7">Scilicet, ut caeca solvens caligine mentem</l>
<l n="3.7"> Non bona, quae fugiunt, sed bona mentis ames;</l>
<l n="3.7">Est breve forma bonum, sed mens formosa perenne,</l>
<l n="3.7"> Authori similis permanet ipsa suo.</l>
<l n="3.7">Sic tibi mitis erit, quae nunc riget aspera Gorgo;</l>
<l n="3.7"> Et nostro poteris semper amore frui.</l>
</lg>
<lg>
<head>IUVENIS</head>
<l n="3.7">Ite cupidineae nostro de pectore curae,</l>
<l n="3.7"> Et procul insanus mente recedat Amor.</l>
<l n="3.7">Hoc aurum, has gemmas, hoc mel, hos denique flores,</l>
<l n="3.7"> Quicquid erat, stultus quo capiebar amans,</l>
<l n="3.7">Has ego delitias animi ceu signa putabo;</l>
<l n="3.7"> Et velut in speculo mentis amore fruar.</l>
</lg>
</div>
</div>
<div type="liber" n="4">
<head>
<add>Liber quartus</add>
</head>
<div type="poesis-silva" xml:id="pasch4.1" met="hexameter">
<!-- dodao nešto varijanata iz VD -->
<head>
<app>
<rdg wit="V1551">EIUSDEM SYLVA AD GALLIAE / REGEM RELIQUOSQUE / PRINCIPES CHRISTIANOS</rdg>
<rdg wit="VD">Sylua prima eiusdem Ludouici Paschalis Catharensis ad Regem Gallorum, reliquosque christianos Principes contra Turcas exortatio</rdg>
</app>
</head>
<l n="4.1.1">O qui terrarum magnas moderaris habenas,</l>
<l n="4.1.2">Quas hinc aereae celsis amfractibus Alpes,</l>
<l n="4.1.3">Inde Pyrenaei praerupto vertice montes.</l>
<l n="4.1.4">Obcingunt, mediasque vago secat amne Garumna, </l>
<l n="4.1.5">Quem Pater <app>
<rdg wit="V1551">aeterno</rdg>
<rdg wit="VD">immenso</rdg>
</app> superum dignavit honore,</l>
<l n="4.1.6">Excelsumque dedit super omnia nomina nomen:</l>
<l n="4.1.7">En tibi protensis tellus Oenotria palmis</l>
<l n="4.1.8">Supplicat, et posito iam mitis Iberia fastu,</l>
<l n="4.1.9">Atque omnis, cui laudis amor, cui Martia cordi,</l>
<l n="4.1.10">Gloria, qui castas CHRISTUM veneratur ad aras,</l>
<l n="4.1.11">Summissa te voce rogat; iam parce furori,</l>
<milestone unit="page" n="VD072v"/>
<l n="4.1.12">Parce odiis, iramque animo depone receptam;</l>
<l n="4.1.13">Et iam , si qua tuam (licet aequa iniuria) mentem</l>
<l n="4.1.14">Versat adhuc, dirum vindictae dulcis amorem</l>
<l n="4.1.15">Comprime, vel saltem potiora in tempora differ:</l>
<l n="4.1.16">Nec tibi sit tanti saevo indulsisse dolori,</l>
<l n="4.1.17">Invisaeque animum gentis saturasse ruina,</l>
<l n="4.1.18">Ut, procul infrenis dum te rapit impetus irae,</l>
<l n="4.1.19">Ante tuos oculos frustra, tibi credita, <app>
<rdg wit="V1551">CHRISTE</rdg>
<rdg wit="VD">Christi</rdg>
</app>
</l>
<l n="4.1.20">Hei mihi Barbaricae populentur ovilia turmae.</l>
<l n="4.1.21">Nec modo non tantam studeas avertere cladem</l>
<l n="4.1.22">Sed (scelus, haud ullo quod non delebitur aevo)</l>
<l n="4.1.23">Ipse caput, tantique unus sis causa furoris;</l>
<l n="4.1.24">Unus agas rabidas nostra in praesepia Tigres,</l>
<l n="4.1.25">Et, CHRISTI quem sancta Fides speraverat omnes,</l>
<l n="4.1.26">Ante alios contra infidos, contraque rebelles,</l>
<l n="4.1.27">Semper habere Ducem, solum nunc sentiat hostem,</l>
<l n="4.1.28">
<app>
<rdg wit="V1551">Solius</rdg>
<rdg wit="Vd">Illius</rdg>
</app> infestis videat sua templa catervis</l>
<l n="4.1.29">Et sua sacra rapi: nec te super aethera fama</l>
<l n="4.1.30">
<app>
<rdg wit="V1551">Cognite</rdg>
<rdg wit="VD">Cognita</rdg>
</app> commoveant proavorum exempla tuorum;</l>
<l n="4.1.31">Qui toties Scythico Latium turbante tumultu</l>
<l n="4.1.32">
<app>
<rdg wit="V1551">Transgressi</rdg>
<rdg wit="Vd">Transuecti</rdg>
</app> gelidas multa cum laude per Alpes,</l>
<l n="4.1.33">Sponte sua, afflictis per mille pericla tulere</l>
<l n="4.1.34">Rebus opem, mediisque feri de faucibus hostis</l>
<l n="4.1.35">Innocuos rapuere greges: maioraque longe</l>
<l n="4.1.36">Audentes, <app>
<rdg wit="V1551">tumida victricia</rdg>
<rdg wit="Vd">tumidas foelicia</rdg>
</app> signa per undas</l>
<l n="4.1.37">Vecta Palestinae fixere in littore terrae;</l>
<l n="4.1.38">Tantus erat pietatis amor, CHRISTIQUE recepto</l>
<l n="4.1.39">Intermissa diu renovarunt sacra sepulchro.</l>
<l n="4.1.40">Si te nulla movet priscae virtutis imago;</l>
<milestone unit="page" n="VD073r"/>
<l n="4.1.41">At saltem moveant, quos pulchros sissa capillos,</l>
<l n="4.1.42">Et lachrymis suffusa genas, tibi porrigit uni</l>
<l n="4.1.43">Assiduas Europa preces. age respice fines</l>
<l n="4.1.44">Illyricos, quanto furiarum turbine perflat</l>
<l n="4.1.45">Thracia saeva Phalanx; quanto foedata cruore</l>
<l n="4.1.46">Circumquaque Novi videantur maenia Castri:</l>
<l n="4.1.47">Quot strages, quot damna suis ostentet in agris</l>
<l n="4.1.48">Tota Phalantaei miserabilis ora Tarenti.</l>
<l n="4.1.49">Nam Rhodos, et gelido quisquis circum iacet Istro,</l>
<l n="4.1.50">Quot passim lachrimas, ???, hiantia vulnera pandat,</l>
<l n="4.1.51">Praetereo; ceu prisca nimis, levioraque tantis</l>
<l n="4.1.52">Annumerare malis: veteres nova damna ruinas</l>
<l n="4.1.53">Exuperant, veterumque ferunt oblivia cladum.</l>
<l n="4.1.54">Quid memorem, celsis qua Neritos ardua saxis</l>
<l n="4.1.55">Ambracio praetenta sinu se tollit in auras,</l>
<l n="4.1.56">Barbaricos Latiis immissos navibus ignes?</l>
<l n="4.1.57">Infandumque rates immissis ignibus austas?</l>
<l n="4.1.58">Occiduaque manus raptam sine Marte, nec ullo</l>
<l n="4.1.59">Hoste premente fugam? quum nescia vincere bello</l>
<l n="4.1.60">Corda Phrygum, timidusque Oriens, Hispana simulque</l>
<l n="4.1.61">Itala, Barbaricis toties assueta tryumphis</l>
<l n="4.1.62">Rostra, per Ionias sequeretur turpiter undas.</l>
<l n="4.1.63">At non sic patriis pollens Octavius ausis</l>
<l n="4.1.64">Illo eodem Cleopatra loco tua signa tuasque</l>
<l n="4.1.65">Dicitur extimuisse rates: sed fortius urgens</l>
<l n="4.1.66">Dirripuitque Orientis opes, turpique coegit</l>
<l n="4.1.67">Te dare terga fugae, victaeque reducere classis</l>
<l n="4.1.68">Relliquias, patrii latebrosa in flumina Nili.</l>
<l n="4.1.69">Nunc vero in decores priscae virtutis egeni,</l>
<l n="4.1.70">Immemoresque sui toties prostrata tremiscunt</l>
<l n="4.1.71">Hispani Latiique Duces Rodopeia signa.</l>
<l n="4.1.72">Nulla ne tantorum superi iam meta malorum?</l>
<l n="4.1.73">Nullus erit modus afflictis o numina rebus?</l>
<l n="4.1.74">Sat furiis scelerique datum, sat denique nostri</l>
<l n="4.1.75">Innocuo toties maduerunt sanguine campi.</l>
<l n="4.1.76">Pone odiis Rex magne modum: tibi supplicat uni,</l>
<l n="4.1.77">Unum te totus terrarum respicit orbis.</l>
<l n="4.1.78">Crede et ab Elysiis unum te poscere campis</l>
<l n="4.1.79">Priscorum tot vota Ducum, quos inclyta quondam</l>
<l n="4.1.80">Graecia Barbaricis genuit ditata ruinis;</l>
<l n="4.1.81">Atque alios prior ante omnes, qui lignea suasit</l>
<l n="4.1.82">Moenia pro patrio cives conscendere muro,</l>
<l n="4.1.83">Et Salaminiacis Xersem superavit in undis:</l>
<l n="4.1.84">Quique prius clarum medio in Marathone trophaeum</l>
<l n="4.1.85">Extulit;et parvo qui facta ingentia campo</l>
<l n="4.1.86">Edidit, angusto qua pandunt tramite montes</l>
<l n="4.1.87">Termopylae, stigiae certus discumbere coenae;</l>
<l n="4.1.88">Totque alii proceres, totque inclyta nomina regum,</l>
<l n="4.1.89">Quos Macedum, quosque ora tulit non ultima bello</l>
<l n="4.1.90">Illyriae, tibi protensis ad sydera palmis</l>
<l n="4.1.91"> Commendant patrias post tot discrimina terras.</l>
<l n="4.1.92">Quin procul Illiaco te te de littore solum</l>
<l n="4.1.93">Hectoris umbra vocat: per te mea Troia ruinis</l>
<l n="4.1.94">Eruta, ait, veteres iterum reparabit honores;</l>
<l n="4.1.95">Impius Helaei nec Barbarus accola Ponti</l>
<l n="4.1.96">Dardanii cineris rumpet clamore quietem.</l>
<l n="4.1.97">Proiice tela manu sanguis meus : aspice quo te</l>
<l n="4.1.98">Extra aequi rectique vias dolor impius aufert;</l>
<l n="4.1.99">Et bellis accinge tuos melioribus ausus,</l>
<l n="4.1.100">Iustaque in Ismarias infer tua signa Phalanges.</l>
<l n="4.1.101">Quod fortuna decus? quales tibi fata tryumphos</l>
<l n="4.1.102">Hinc tribuent? quantisque virum cum plausibus ibit?</l>
<l n="4.1.103">Ipsa etiam gelido, quae praeiacet Hellesponto,</l>
<l n="4.1.104">Urbs Regina Asiae, toti licet imperet orae</l>
<l n="4.1.105">Aeoae, super et multas caput efferat urbes;</l>
<l n="4.1.106">Totque suum videat cunctis inpartibus orbis</l>
<l n="4.1.107">Ferre iugum reges; sine te tamen esse videtur,</l>
<l n="4.1.108">Non secus ac Matrona suo discreta marito.</l>
<l n="4.1.109">Novit enim sua deberi tibi sceptra, tuisque</l>
<l n="4.1.110">Natorum natis, et qui nascentur ab illis,</l>
<l n="4.1.111">Novit enim quantis orientis gloria rebus</l>
<l n="4.1.112">Auspitio producta tuo se tollet in auras:</l>
<l n="4.1.113">Teque sibi totis (ut dignum est credere) votis</l>
<l n="4.1.114">Exoptat, poscitque suis tua lilia terris.</l>
<l n="4.1.115">Eya igitur iam sume manu rationis habenas,</l>
<l n="4.1.116">Et cursus animi late compesce vagantis.</l>
<l n="4.1.117">An nescis cui bella moves? quem tendis in hostem?</l>
<l n="4.1.118">Quem petis irarum impatiens victricibus armis?</l>
<l n="4.1.119">Non pudet ah dirum cognata in viscera ferrum</l>
<l n="4.1.120">Stringere, et innocuas damna in comunia gentes,</l>
<l n="4.1.121">In commune nephas stimulis urgere malignis?</l>
<l n="4.1.122">Quin potius, missis odiis, causisque malorum,</l>
<l n="4.1.123">Praevaleat pietatis amor, nexuque perenni</l>
<l n="4.1.124">Amborum placidas iungat concordia mentes,</l>
<l n="4.1.125">Quas nequeat fortuna sua turbare procella,</l>
<l n="4.1.126">Nec nova suspitio, nec caecus solvere livor.</l>
<l n="4.1.127">Tu quoque, qui victor superas expandis ad auras</l>
<l n="4.1.128">Victrices Aquilas Caesar, tua signa, per undas</l>
<l n="4.1.129">Occiduas, et regna novi tibi subdita mundi,</l>
<l n="4.1.130">Quicquid id est, tantas penitus quod mulceat iras,</l>
<l n="4.1.131">Cognato concede tuo non multa petenti,</l>
<l n="4.1.132">Mansuramque diu tandem componite pacem:</l>
<l n="4.1.133">Atque ambo comitante Deumque hominumque secundo</l>
<l n="4.1.134">Auspitio, pariterque animis, et viribus auctis</l>
<l n="4.1.135">Vertite in Eoos vexilla infesta tirannos,</l>
<l n="4.1.136">Et CHRISTI proferte fidem Christique sepulchrum</l>
<l n="4.1.137">Priscorum nobis exemplo reddite avorum.</l>
<l n="4.1.138">Pro dolor, ah pietas, Domini cunabula vestri</l>
<l n="4.1.139">Linquitis indecores genti tractanda prophanae</l>
<l n="4.1.140">At vos interea, quo vos agit ira, furorque</l>
<l n="4.1.141">Alter in alterius struitis noctesque diesque</l>
<l n="4.1.142">Perniciem, varias toto conamine fraudes.</l>
<l n="4.1.143">Nec tu Magne pater, triplici qui cincta corona</l>
<l n="4.1.144">Tempora sacra geris, cui claudere limina coeli</l>
<l n="4.1.145">Et reserare datur; nec tu sanctissime Pastor</l>
<l n="4.1.146">Destituas miseras tanto in discrimine gentes.</l>
<l n="4.1.147">Sed qua praereliquis, quibus ingens subiacet orbis</l>
<l n="4.1.148">Maiestate vales, populi tua iussa sequentis</l>
<l n="4.1.149">Infrenes ausus, insanaque comprime corda.</l>
<l n="4.1.150">Discordes tu iunge animos, et pectora Regum</l>
<l n="4.1.151">Evacuata odiis fraterno foedere necte.</l>
<l n="4.1.152">At tu sancte Leo, Veneti quo praeside gaudent</l>
<l n="4.1.153">Terrarum, coelique decus; qui cuncta tueris</l>
<l n="4.1.154">Littora, sollicita quae circuit Hadria cura;</l>
<l n="4.1.155">Quae maris Ionii, Quaeque impetus alluit Aegei,</l>
<l n="4.1.156">Regnaque Niliaco Cypri praetenta Canopo,</l>
<l n="4.1.157">Respice mille tuae crudelia vulnera gentis;</l>
<l n="4.1.158">Respice, quanta tuos circumstent barbara fines</l>
<l n="4.1.159">Agmina, et in nostros vertant iam signa penates.</l>
<l n="4.1.160">Barbaricis ne crede dolis, ne crede rebelli</l>
<l n="4.1.161">Thurcarum populo, sed te quoque viribus adde</l>
<l n="4.1.162">Occiduis, viresque tuas, age iungite dextras,</l>
<l n="4.1.163">Iungite conconrdes aeterno foedere mentes.</l>
<l n="4.1.164">Hactenus insanae cursus processerit irae,</l>
<l n="4.1.165">Hactenus alterno spumarint sanguine fontes,</l>
<l n="4.1.166">Et iam depositis placato pectore rixis</l>
<l n="4.1.167">Vertite in Ismarias tot mutua vulnera terras.</l>
<l n="4.1.168">Illic indomitum bellandi extinguite amorem,</l>
<l n="4.1.169">Atque illic vestras cum laude ostendite vires</l>
<l n="4.1.170">Immiti populo, natisque ad dira catervis</l>
<l n="4.1.171">Threciis. videat versis in prospera fatis</l>
<l n="4.1.172">Ipsa suam sobolem nostris Europa sub annis </l>
<l n="4.1.173">Insultantem Asiae: videat sub nomine vestro</l>
<l n="4.1.174">Ire Tryumphatos Rubro de littore Reges,</l>
<l n="4.1.175">Bactraque, et edomitum leges mutare Niphatem,</l>
<l n="4.1.176">Et totum victas orientem tradere palmas.</l>
<l n="4.1.177">Hesperiae, luctusque suos soletur amaros,</l>
<l n="4.1.178">Et sua Barbaricis compenset damna ruinis.</l>
</div>
<div type="poesis-par">
<div type="poesis-epigramma" xml:id="pasch4.2" met="elegiacum">
<!-- predgovor za sljedeće -->
<head>AD AEMILIANUM SCHAENIUM PLACENTIUM.</head>
<l n="4.2.1.1">O vindex Latiae merito, qui dicere linguae</l>
<l n="4.2.1.2"> Solus in Idaeis Aemiliane locis;</l>
<l n="4.2.1.3">Accipe, quae tristis inter fera murmura belli</l>
<l n="4.2.1.4"> Pangimus, et raucas Martia signa tubas.</l>
<l n="4.2.1.5">Dumque alii varias versant sub pectore curas,</l>
<l n="4.2.1.6"> Tu mecum haec hylari carmina fronte lege.</l>
<l n="4.2.1.7">Bella gerant fortes; <app>
<rdg wit="V1551">sed</rdg>
<rdg wit="VD">at</rdg>
</app> nos lateamus inermes:</l>
<l n="4.2.1.8"> Sit tibi Corytium, sit mihi Parma nemus.</l>
<l n="4.2.1.9">Forsan et hic nostris aliquid succurret avenis,</l>
<l n="4.2.1.10">Quod superet gracili Classica rauca sono.</l>
</div>
<div type="poesis-silva" xml:id="pasch4.3" met="hexameter">
<head>
<app>
<rdg wit="V1551">DE SPECU CORYTIO SILVA.</rdg>
<rdg wit="VD">Ad Eundem de Nemore Corytio. Sylua Tertia</rdg>
</app>
</head>
<lg>
<l n="4.2.2">Haec inter mediae glacialia tempora Brumae,</l>
<l n="4.2.2"> Quum terras nix alta tegat, quum frigore pontus</l>
<l n="4.2.2">Algeat, et densa pulsentur grandine campi,</l>
<l n="4.2.2">Impulsu Aemiliane tuo, cum bella quiescunt</l>
<l n="4.2.2">Paulisper, Scythicisque iacet Mars fessus in antris,</l>
<l n="4.2.2">Semideos, Nymphasque canam, camposque virentes,</l>
<l n="4.2.2">Corytiumque Nemus. Vos o <app>
<rdg wit="V1551">bona</rdg>
<rdg wit="VD">pia</rdg>
</app> numina coeptis</l>
<l n="4.2.2">Aspirate meis, quibus haec inculta dicamus</l>
<l n="4.2.2">Carmina, sed gratam certe testantia mentem.</l>
</lg>
<lg>
<l n="4.2.2">Est, humiles inter quos pandit Isauria colles,</l>
<l n="4.2.2">Intonsosque Syros, Regio; quam desuper horrens</l>
<l n="4.2.2">Taurus, et ingenti se vertice tollit Amanus;</l>
<l n="4.2.2">Qua mediam niveo <app>
<rdg wit="V1551">praeterfluit aequora</rdg>
<rdg wit="VD">praetermeat aequore</rdg>
</app> Tarson</l>
<l n="4.2.2">Cydnus, honorato quem fundit ab amne Coaspes.</l>
<l n="4.2.2">Hic super impositus pelago sublimis, opacum</l>
<l n="4.2.2">Mons aperit, septumque cavis amfractibus Antrum:</l>
<l n="4.2.2">Corythium indigenae patrio cognomine dicunt:</l>
<l n="4.2.2">Quod circum laetas densum nemus efficit umbras,</l>
<l n="4.2.2">Et <app>
<rdg wit="V1551">placidae</rdg>
<rdg wit="VD">placido</rdg>
</app> labuntur aquae, quo credere dignum est</l>
<l n="4.2.2">Naturam artificem caecis spectacula terris </l>
<l n="4.2.2">Admiranda sui voluisse ostendere partus.</l>
</lg>
<l n="4.2.2.1">Principio nanque angusti panduntur in ipso</l>
<l n="4.2.2.2">Vestibulo, et spinis aditus armantur acutis.</l>
<l n="4.2.2.3">Hinc via difficilis, hederaque implexa seguaci</l>
<l n="4.2.2.4">Ducit ad interiora loci: mox tramite recto</l>
<l n="4.2.2.5">Pandunt se campi ingentes, et latior orbis</l>
<l n="4.2.2.6">Luce perenne fruens, placidis quem flumina rivis</l>
<l n="4.2.2.7">Multa rigant, resonantque vagis per prata susuris:</l>
<l n="4.2.2.8">Et nemora, umbrosaeque virent circum undique sylvae.</l>
<l n="4.2.2.9">Illic Maedorum veteres refererentia lucos</l>
<l n="4.2.2.10">Citria procero se tollunt stipite in auras</l>
<l n="4.2.2.11">Aethereas, succique ferunt praestantis honorem:</l>
<l n="4.2.2.12">Punica nec passim desunt pendentia ramis</l>
<l n="4.2.2.13">Poma suis, duris habilis nec Fraxinus hastis:</l>
<l n="4.2.2.14">Illic et celsae (victorum praemia) palmae,</l>
<l n="4.2.2.15">Necnon pallentes insignia pacis olivae,</l>
<l n="4.2.2.16">Et Myrtus Veneri; et Phebo gratissima Laurus,</l>
<l n="4.2.2.17">Atque Abies dubiis pelagi iactanda procellis:</l>
<l n="4.2.2.18">Illic Cinama rara, et odori virgula Thuris, </l>
<l n="4.2.2.19">Et sudans gratum de cortice Myrrha liquorem,</l>
<l n="4.2.2.20">Et Costum, et molles quicquid legere Sabaei,</l>
<l n="4.2.2.21">Pendent, et rigidae praeruptis cautibus orni.</l>
<l n="4.2.2.22">Nec non Chaoniae civilia praemia quercus,</l>
<l n="4.2.2.23">Pendet ferales pompas visura Cupressus,</l>
<l n="4.2.2.24">Castaneaeque nuces atque autumnalia corna,</l>
<l n="4.2.2.25">Et nemoris latera ingenti munimine cingunt:</l>
<l n="4.2.2.26">At Phaetonteae sublimi fronte sorores</l>
<l n="4.2.2.27">Haerent flumineis avidae se mergere ripis,</l>
<l n="4.2.2.28">Veraque corticibus sudant electra, nec usquam</l>
<l n="4.2.2.29">Nobiliora ferunt, nusquam se vertice in auras</l>
<l n="4.2.2.30">Attollunt magis , aggeribus nisi forte superbis</l>
<l n="4.2.2.31">Fluviorum Ducis Eridani, quo fluctibus impar </l>
<l n="4.2.2.32">Immiscet Trebia exiguas maioribus undas,</l>
<l n="4.2.2.33">Et iacet in mediis Romana colonia campis;</l>
<l n="4.2.2.34">Non plebe ex humili deducta, sed ordine equestri</l>
<l n="4.2.2.35">Eloquio culti celebrata Placentia Tinchae,</l>
<l n="4.2.2.36">Quae tulit hoc nostro te, cui vix vidimus aevo</l>
<l n="4.2.2.37">Aemiliane parem; magno tibi tanta decori</l>
<l n="4.2.2.38">Est patria, et patriae magno tu tantus honori.</l>
<l n="4.2.2.39">At subiecta novis variata coloribus arva</l>
<l n="4.2.2.40">Et casia atque aliis vernant redolentibus herbis.</l>
<l n="4.2.2.41">Hic violae genus omne nitet; hic lilia cana</l>
<l n="4.2.2.42">Purpuraeae, niveaeque Rosae, mistique coloris</l>
<l n="4.2.2.43">Terra crocis adoperta latet, queis gloria prima</l>
<l n="4.2.2.44">Gestandas nuribus vestes tinxisse latinis.</l>
<l n="4.2.2.45">Haec passim variae per amena vireta volucres</l>
<l n="4.2.2.46">Dulcibus aethereas mulcent concentibus auras:</l>
<l n="4.2.2.47">Illic ante alias mutilo Philomela palato</l>
<l n="4.2.2.48">Deflet Itym; rubro stat iuxta pectore Progne</l>
<l n="4.2.2.49">Ipsa sui referens in corpore signa cruoris,</l>
<l n="4.2.2.50">Nec desunt nivei fluviali in margine Cigni</l>
<l n="4.2.2.51">Deficiente vagas formantes gutture voces;</l>
<l n="4.2.2.52">Quique natent nigri per frigida flumina Mergi,</l>
<l n="4.2.2.53">Et placidae Alciones ,et quas fert pontus Anates, </l>
<l n="4.2.2.54">Psytacus Aeois ales celeberrimus Indis,</l>
<l n="4.2.2.55">Et pictae Iunonis aves per gramina ludunt,</l>
<l n="4.2.2.56">Tum volucris, nostro quae nondum apparuit aevo,</l>
<l n="4.2.2.57">Illic clausa latet, longos ubi terminat annos</l>
<l n="4.2.2.58">Rursus, et e proprio renovatur pulvere Phaenix.</l>
<l n="4.2.2.59">Illic lanigerumque pecus, simaeque capellae,</l>
<l n="4.2.2.60">Cervorumque greges campis pascuntur apertis,</l>
<l n="4.2.2.61">Et Lepus, et timidae ludunt per roscida Damnae,</l>
<l n="4.2.2.62">Prata nec immites metuunt armenta Leones:</l>
<l n="4.2.2.63">Errant herbosos incustodita per agros</l>
<l n="4.2.2.64">Agmina laeta Boum, et praestanti corpore Tauri</l>
<l n="4.2.2.65">Insueti servire iugo, quos improbus inter</l>
<l n="4.2.2.66">Ludit Amor, quum defessus maioribus actis</l>
<l n="4.2.2.67">Regales thalamos, et magnas deserit urbes;</l>
<l n="4.2.2.68">Atque hinc inde volat, medicataque tela veneno</l>
<l n="4.2.2.69">Spargit, et indomitis succendit pectora flammis.</l>
<l n="4.2.2.70">Illi inter sese magna vi praelia miscent,</l>
<l n="4.2.2.71">Nec procul in medio victoris praemia campo</l>
<l n="4.2.2.72">Alba iuvenca manet. stat circumfusa, pavetque</l>
<l n="4.2.2.73">Caetera plebs, tanto et demum terrore soluta</l>
<l n="4.2.2.74">Insultat victo, et victoris iussa facessit.</l>
<l n="4.2.2.75">Victor honore tumens, praedaque potitus amata</l>
<l n="4.2.2.76">Sublimis graditur, quem tota armenta sequuntur,</l>
<l n="4.2.2.77">At victus stimulante Deo; stimulante pudore,</l>
<l n="4.2.2.78">In sylvas abit, et lucis se condit opacis.</l>
<l n="4.2.2.79">At vero inferius, ubi se rursus in arctum</l>
<l n="4.2.2.80">Cogit Sylva patens, et densior imminet aer,</l>
<l n="4.2.2.81">Mista strepunt rauco Mimalonia cimbala cornu</l>
<l n="4.2.2.82">Bassaridum pulsata manu, lituique tubaeque</l>
<l n="4.2.2.83">Sistraque,et horrisonis crepitantia tympana bombis:</l>
<l n="4.2.2.84">Illic pampineis frontem redimita corollis</l>
<l n="4.2.2.85">Cuncta corimbiferi versatur turba Lyaei,</l>
<l n="4.2.2.86">Et quatit implexos haederis per devia Thyrsos:</l>
<l n="4.2.2.87">Ebrius ante alios pando silenus asello</l>
<l n="4.2.2.88">Fertur, et incerto mutu ans pede lampada vibrat,</l>
<l n="4.2.2.89">Non intellectis implens clamoribus auras.</l>
<l n="4.2.2.90">Hinc deducta novos ostendit semita campos</l>
<l n="4.2.2.91">Lucis egens, atque angusto vix pervia calle:</l>
<l n="4.2.2.92">Quoque magis teritur, magis hoc formidinis affert.</l>
<l n="4.2.2.93">Nanque hic e medio fractae telluris hiatu</l>
<l n="4.2.2.94">Ingens se fluvius superas ostendit ad auras,</l>
<l n="4.2.2.95">Coeruleaeque undas et fluctus volvit amaros,</l>
<l n="4.2.2.96">Rursus et in primo sub terras mergitur ortu,</l>
<l n="4.2.2.97">Cum sterpitu et magno cursum comitante fragore,</l>
<l n="4.2.2.98">Vorticibusque fremens, et spumis turbidus atris,</l>
<l n="4.2.2.99">Nec quenquam licet audentem, maris obiice vasti</l>
<l n="4.2.2.100">Ulterius penetrare sinit, ubi cognita nulli</l>
<l n="4.2.2.101">Camporum spacia, et luci cernuntur opaci,</l>
<l n="4.2.2.102">Admiranda Deum, caecis arcana cavernis.</l>
<l n="4.2.2.103">Forsitan et vera est, quae fertur fama, superbos</l>
<l n="4.2.2.104">Terrigenas olim coelum affectasse Gigantes,</l>
<l n="4.2.2.105">Et bellum movisse Deis, et Pellion Ossae</l>
<l n="4.2.2.106">Imposuisse super, subiectoque Ossan Olimpo,</l>
<l n="4.2.2.107">Et iam syderibus captis per tecta Deorum</l>
<l n="4.2.2.108">Infandas sparsisse faces, et victa timore</l>
<l n="4.2.2.109">Numina sub variis se se occuluisse figuris,</l>
<l n="4.2.2.110">Tum plenum terrore Iovem vix fulmina dextra</l>
<l n="4.2.2.111">Tollere, vix tantam potuisse avertere cladem,</l>
<l n="4.2.2.112">Et tandem summa coeli super arce fugatum</l>
<l n="4.2.2.113">Nymborum fregisse fores, pluviasque nivesque</l>
<l n="4.2.2.114">Emisisse, feris laxasse et vincula ventis,</l>
<l n="4.2.2.115">Grandinibusque geluque atras sparsisse procellas,</l>
<l n="4.2.2.116">Fulguraque et fracta generata tonitrua nube,</l>
<l n="4.2.2.117">Saevaque sulphureis stridentia fulmina flammis:</l>
<l n="4.2.2.118">Tum demum affestos montes ad sydera, versis</l>
<l n="4.2.2.119">In preceps cecidisse iugis, saevosque Gigantas</l>
<l n="4.2.2.120">Fulminis afflatos flammis; hinc inde per orbem</l>
<l n="4.2.2.121">Disiectos, tantam late sparsisse ruinam:</l>
<l n="4.2.2.122">Quorum de numero membrorum mole, Typhaeum</l>
<l n="4.2.2.123">Et longe ante alios rabie et feritate priorem</l>
<l n="4.2.2.124">His <corr>demum</corr> cecidisse locis;vinctumque cathenis</l>
<l n="4.2.2.125">Crura manusque suae poenas persolvere culpae,</l>
<l n="4.2.2.126">Frustra indignantem, et terras cervice moventem,</l>
<l n="4.2.2.127">Dum miser Enceladus flagrantem concutit aethnam,</l>
<l n="4.2.2.128">Et premitur Siculi non sola mole Pachyni.</l>
<l n="4.2.2.129">At locus exterior placidis spirantibus auris</l>
<l n="4.2.2.130">Semper vere novo fruitur, non syderis aestu</l>
<l n="4.2.2.131">Icarii, Illyacae nec frigore laeditur urnae.</l>
<l n="4.2.2.132">Hic reor Elysios celebravit Graecia campos,</l>
<l n="4.2.2.133">Illustresque animas, et regna beata piorum.</l>
<l n="4.2.2.134">Alcinoi veteres sileat Phaeacia Sylvas;</l>
<l n="4.2.2.135">Nec mihi Massylo quis custodita Draconi</l>
<l n="4.2.2.136">Praedia divitibus iactet fulgentia pomis,</l>
<l n="4.2.2.137">Et toties biferi celebrata Rosaria Poesti:</l>
<l n="4.2.2.138">Nam neque in aeterno ( si phas est dicere) olympo</l>
<l n="4.2.2.139">Nobilior statio est, quamvis duodena per axem</l>
<l n="4.2.2.140">Signa micent variis animantum insignia formis,</l>
<l n="4.2.2.141">Et Phoebus, Phoebique soror stellaque minores</l>
<l n="4.2.2.142">Assiduo cunctas illustrent lumine partes.</l>
<l n="4.2.2.143">Illic immisti Satyris saltantibus errant</l>
<l n="4.2.2.144">Capripedes Fauni, et praecincti tempora pinu</l>
<l n="4.2.2.145">Panes, et agresti gaudens Sylvanus honore:</l>
<l n="4.2.2.146">Pars inter frutices arbustaque densa latentes</l>
<l n="4.2.2.147">Effusis struit insidias per gramina Nymphis,</l>
<l n="4.2.2.148">Pars se se aucupio exercent, ramisque repostos</l>
<l n="4.2.2.149">Arboreis laqueos, viscoque infecta tenaci</l>
<l n="4.2.2.150">Filla locant, pars flumineis piscantur in undis,</l>
<l n="4.2.2.151">Octipedes ve legunt muscosa per antra Paguros:</l>
<l n="4.2.2.152">Hos calamos inflare iuvat, hos dicere versus</l>
<l n="4.2.2.153">Alternos, dulcique diem subducere cantu;</l>
<l n="4.2.2.154">Hos saltu, celeriqui iuvat contendere cursu,</l>
<l n="4.2.2.155">Aut Lacedemoniae studio insudasse Palestrae,</l>
<l n="4.2.2.156">Tum Dryades, viridesque simul prata Napaeae</l>
<l n="4.2.2.157">Assiduas ducunt noctuque dieque choreas:</l>
<l n="4.2.2.158">Inter Amadryades, et Oreadas innuba castos</l>
<l n="4.2.2.159">Exercet Diana choros, seu Naiadas inter </l>
<l n="4.2.2.160">Candida flumineis aspergit corpora lymphis:</l>
<l n="4.2.2.161">Nunc canibus praemit illa feras, nunc retia tendit,</l>
<l n="4.2.2.162">Et laqueis cingit saltus venatibus aptos:</l>
<l n="4.2.2.163">Illic et doctae (Parnasia turba) Sorores</l>
<l n="4.2.2.164">Post habito veteris versantur vertice Cyrrhae,</l>
<l n="4.2.2.165">Atque alios fontes, alios fecere recessus,</l>
<l n="4.2.2.166">Unde novi capient graviora exordia vates.</l>
<l n="4.2.2.167">Hunc ego crediderim Ducibus post funera magnis</l>
<l n="4.2.2.168">Servari suprema locum: qui multa gerendo </l>
<l n="4.2.2.169">Fortiter, et nullos renuentes ferre labores</l>
<l n="4.2.2.170">Rem patriae coluere suae; nec regna, nec ullas</l>
<l n="4.2.2.171">Divitias pulchra prae libertate tulerunt:</l>
<l n="4.2.2.172">Atque his, qui vitam dignas egere per artes,</l>
<l n="4.2.2.173">Et qui iam bene de multis linquere merendo</l>
<l n="4.2.2.174">Clara suorum operum totum monumenta per orbem,</l>
<l n="4.2.2.175">Atque his, qui numeris vincto pede, quique soluto</l>
<l n="4.2.2.176">Plurima Mercurio vel Apolline digna locuti,</l>
<l n="4.2.2.177">Dum laudant alios, alienaque clara recensent</l>
<l n="4.2.2.178">Facta, sibi aeternam pariunt per saecula laudem;</l>
<l n="4.2.2.179">Quo iam transactae sapienter praemia vitae</l>
<l n="4.2.2.180">Accipiant, vivantque omnes sine fine per annos,</l>
<l n="4.2.2.181">Delitiasque iocosque inter ludosque perennes.</l>
<l n="4.2.2.182">Quos inter te, meque etiam, non ultima sedes</l>
<l n="4.2.2.183">Aemiliane manet: nam tu foelicibus usus</l>
<l n="4.2.2.184">Auspicis Venetae res prima ab origine gentis</l>
<l n="4.2.2.185">Orsus ad haec cultis narrasti tempora libris,</l>
<l n="4.2.2.186">Quae non indignum tanto te munere reddunt.</l>
<l n="4.2.2.187">Ast ego (si pia fata sinant) dum vita supersit,</l>
<l n="4.2.2.188">Nunquam carminibus desistam tollere clarum</l>
<l n="4.2.2.189">Huius et huius opus, mihi quae venientibus annis</l>
<l n="4.2.2.190">Corytias forsan tribuent post funera Sylvas.</l>
<l n="4.2.2.191">Sed tamen, hoc ut cunque cadat; Deus optimus orbis</l>
<l n="4.2.2.192">Conditor atque opifex, manuum miranda suarum</l>
<l n="4.2.2.193">Haec olim saeclis linquit monumenta futuris:</l>
</div>
</div>
<div type="poesis-silva" xml:id="pasch4.4" met="hexameter">
<head>
<app>
<rdg wit="V1551">IN FOEDUS ICTUM INTER PRINCIPES CHRISTIANOS, SYLVA.</rdg>
<rdg wit="VD">In foedus ictum inter Principes Christianos. <milestone unit="page" n="VD075v"/> Sylua secunda</rdg>
</app>
</head>
<lg>
<l n="4.3">Solvite iam nostrae damnata silentia Musae:</l>
<l n="4.3">Sat precibus votisque datum: tacuere parumper</l>
<l n="4.3">Armorum sonitus, nec classica rauca, tubasque</l>
<l n="4.3">Audimus, nec iam saevos horrescimus enses;</l>
<l n="4.3">Iamque retroversis classis Rodopeia signis</l>
<l n="4.3">Terga dedit, notasque petit Athamantidos undas.</l>
<l n="4.3">Atque hinc auricomi victricia signa Leonis</l>
<l n="4.3">Stant erecta polo; et pedibus Iovis armiger uncis</l>
<l n="4.3">Aurata geminum caput exornante corona</l>
<l n="4.3">Pone subit, coeloque alacer dominatur aperto:</l>
<l n="4.3">Necnon et Senior, cui claudere ius datur uni </l>
<l n="4.3">Aethereasque aperire fores, sua signa, suasque</l>
<l n="4.3">His adiungit opes. Idem omnibus ardor, et idem</l>
<l n="4.3">Est animus, saevam Mahumeti excindere gentem,</l>
<l n="4.3">Et CHRISTI proferre fidem, qua magnus Hydaspes</l>
<l n="4.3">Fertur, et auriferis Ganges devolvitur undis</l>
<milestone unit="page" n="V044v"/>
<l n="4.3">Et qua stelliferi radices lambit Atlantis</l>
<l n="4.3">Oceanus, posuitque suas <app>
<rdg wit="V1551">Tyrrinthius</rdg>
<rdg wit="VD">Tyrrintius</rdg>
</app> aras,</l>
<l n="4.3">Et qua perpetuis nivibus riget ultima Thile</l>
<l n="4.3">Parrhasiae damnata ferae, quaque accipit ortus</l>
<l n="4.3">Nilus ab ignotis ducens cunabula terris:</l>
<l n="4.3">Fallere nec spes tanta potest, hinc fasque piumque</l>
<l n="4.3">Et sincera fides, et (quod super omnia pollet)</l>
<l n="4.3">Ultores scelerum superi et Rhamnusia virgo,</l>
<l n="4.3">Quae poscit meritas pro rupto foedere poenas,</l>
<l n="4.3">Inde nefas, inde impietas, rectique deumque</l>
<l n="4.3">Contemptus, tum mens tantae sibi conscia culpae.</l>
</lg>
<lg>
<l n="4.3">At quamvis mediis hinc atque hinc numina votis</l>
<l n="4.3">Aequa forent, <app>
<rdg wit="V1551">tantasque</rdg>
<rdg wit="Vd">tantęque</rdg>
</app> regat sors molis habenas:</l>
<l n="4.3">Non tamen eventu rerum cessabitur aequo.</l>
<milestone unit="page" n="V076r"/>
<l n="4.3">Si quid enim <app>
<rdg wit="V1551">valet armorum</rdg>
<rdg wit="Vd">rerum ualet</rdg>
</app> experientia, si quid</l>
<l n="4.3">In Marte ingenium, virtusque, animusque pericli</l>
<l n="4.3">Contemptor, nulliquie obnoxia corda pavori,</l>
<l n="4.3">Vinces Sancte senex, vinces Leo, tuque rebelles</l>
<l n="4.3">Disiicies late volucrum Regina catervas,</l>
<l n="4.3">Queis tantum furor, et rabies, <app>
<rdg wit="V1551">sed</rdg>
<rdg wit="Vd">at</rdg>
</app> pectus egenum</l>
<l n="4.3">Virtutis, patrioque animus algentior Aebro.</l>
</lg>
<l n="4.3.1">Horrendum fuerat, et formidabile nomen</l>
<l n="4.3.2">Barbaricum, multos ad <app>
<rdg wit="V1551">saecula</rdg>
<rdg wit="Vd">tempora</rdg>
</app> nostra per annos:</l>
<l n="4.3.3">At nunc, si qua prius fuit huius gloria gentis,</l>
<l n="4.3.4">In ventos abiit, turpique est obruta labe.</l>
<l n="4.3.5">Vidimus Ismarii, viresque, omnemque Tyranni</l>
<l n="4.3.6">Virtutem, quum Pannonios penetravit in agros</l>
<l n="4.3.7">Mente furens, totum quo secum traxerat orbem.</l>
<l n="4.3.8">Quotquot ab Aurorae regionibus ad freta Rubri</l>
<l n="4.3.9">Aequoris, extremis quotquot numerantur ab Indis</l>
<l n="4.3.10">Usque ad Hyperboreos sinuoso tramite montes,</l>
<l n="4.3.11">Immanes populi; quotquot rigat Amphitrite,</l>
<l n="4.3.12">Syrtibus a geminis, et littoribus Nabatheis</l>
<l n="4.3.13">Ad Tanaim; rursusque alio se margine curvans,</l>
<l n="4.3.14">Donec in Hadriacas sua brachia porrigat undas,</l>
<l n="4.3.15">Convenere omnes: nec cernitur obruta tellus</l>
<l n="4.3.16">Sub pedibus, tantas nec quis numerare catervas</l>
<l n="4.3.17">Sufficeret, Lybicas potius numeraret arenas:</l>
<l n="4.3.18">Omnibus his animi immites, et pectora bello</l>
<l n="4.3.19">Prompta satis. sed enim rudis indigestaque turba</l>
<l n="4.3.20">Consilii, et rationis inops, non stringere ferrum,</l>
<l n="4.3.21">Non inferre gradum, nec scit pulchro ordine iusso</l>
<l n="4.3.22">Stare loco, premit et premitur, seque implicat ultro.</l>
<l n="4.3.23">Contra autem, magni clarum qui Caesaris agmen</l>
<l n="4.3.24">Cerneret humanae nihil illic artis inesse,</l>
<l n="4.3.25">Omnia sed superum manibus curata putaret.</l>
<l n="4.3.26">Illic Ausoniae bello delecta iuventus</l>
<l n="4.3.27">Ingentes animos, et fortia pectora pandens,</l>
<l n="4.3.28">Hispanique Duces, quos Martia gloria coelo</l>
<l n="4.3.29">Extulit, aeternumque dedit tolerantia nomen,</l>
<l n="4.3.30">Et Rheni gens clara armis, et vincere sueta,</l>
<l n="4.3.31">Sive mori nulli est victo cura ulla salutis,</l>
<l n="4.3.32">Omnes assueti bellis, fulgentibus omnes</l>
<l n="4.3.33">Septi armis stabant, quisque ad sua munia, iuncti,</l>
<l n="4.3.34">Ordine dispositi ductorum iussa tenentes.</l>
<l n="4.3.35">Flexit inops animi trepidas *.......... habenas</l>
<l n="4.3.36">Non ausus tentare novi discrimina Martis,</l>
<l n="4.3.37">Cuncta timens, solitosque aliis mutavit amictus,</l>
<l n="4.3.38">Ignotusque suis patrias aufugit in oras: </l>
<l n="4.3.39">Terga dedere suo vacuae ductore catervae; </l>
<l n="4.3.40">Et quo quem fortuna tulit, sine lege, sine armis</l>
<l n="4.3.41">Pallantesque vagique suas referuntur ad oras;</l>
<l n="4.3.42">Profuit hybernis fugientibus imbribus auctus</l>
<l n="4.3.43">Danubius, gelidaeque nives tenuere sequentes,</l>
<l n="4.3.44">Quos tum laudis amor longe ad maiora tulisset</l>
<l n="4.3.45">Facta, modum reliquis forsan factura periclis.</l>
<l n="4.3.46">Sed vetuit fortuna, Deusque, ut Caesar habere </l>
<l n="4.3.47">Posset, ubi innumeris se se exercere tryumphis;</l>
<l n="4.3.48">Tunc, ubi nulla data est optatae copia pugnae</l>
<l n="4.3.49">Protinus Hesperias vertit se victor ad oras</l>
<l n="4.3.50">Caesar, et Ismario statuit de Rege trophoeum</l>
<l n="4.3.51">Coelitibus, meritosque aris indixit honores.</l>
<l n="4.3.52">Parte alia impatiens irarum *....... in undis</l>
<l n="4.3.53">Eventum renovare parat, missisque repente</l>
<l n="4.3.54">Classibus innumeris incautos opprimit Affros,</l>
<l n="4.3.55">Atque hinc ingentes ubi erant Carthaginis arces</l>
<l n="4.3.56">Haud procul, antiquum sub proditione <supplied>Tunetem</supplied>
</l>
<l n="4.3.57">Occupat, et patrio pulsum secedere regno</l>
<l n="4.3.58">Cogit, amicitiae praetenso nomine Regem,</l>
<l n="4.3.59">Et longa exilia, et longinquas quaerere sedes</l>
<l n="4.3.60">Non tulit hoc Caesar, subito sed comparat omnes,</l>
<l n="4.3.61">Quas habet in ditione rates, citusque relatu</l>
<l n="4.3.62">Eijicit infestos Lybicis de finibus hostes,</l>
<l n="4.3.63">Disiecitque mari classes, atque ignibus ausit,</l>
<l n="4.3.64">Multaque (quod longe ante alia est memorabile facta)</l>
<l n="4.3.65">Millia captorum, quos saeva compede vinctos</l>
<l n="4.3.66">Barbarus obscura clausos in rupe tenebat;</l>
<l n="4.3.67">Mollibus eversis quae carceris ostia duri</l>
<l n="4.3.68">Undique cingebant, superas eduxit ad auras:</l>
<l n="4.3.69">Et quot nec votis poterant sperare solutos,</l>
<l n="4.3.70">Muneribusque graves patrias dimisit ad urbes;</l>
<l n="4.3.71">Ipsumque extorrem parvo post tempore Regem</l>
<l n="4.3.72">Advocat, et scaeptrum laetanti reddit avitum.</l>
<l n="4.3.73">Non fuit Ismario toties tentasse Tyranno</l>
<l n="4.3.74">Fortunam sine laude satis; sed rursus in arma</l>
<l n="4.3.75">Fertur, et insano bellorum flagrat amore:</l>
<l n="4.3.76">Ac, veluti Herculeae reparatur bellua lernae,</l>
<l n="4.3.77">Maiores reparat terraque marique catervas:</l>
<l n="4.3.78">Obruit arva viris, et totum classibus aequor,</l>
<l n="4.3.79">Quot neque Threijcias Xerxes traduxit in oras,</l>
<l n="4.3.80">Per medium cum navit Athon, neque littore ab Indo</l>
<l n="4.3.81">Demens Leucadiae traxit Cleopatra ruinae.</l>
<l n="4.3.82">Miratur Triton, imis Neptunus in undis</l>
<l n="4.3.83">Extimuit sortita rapi sibi iura tridentis;</l>
<l n="4.3.84">Et celer Herculeas aufugit ad usque columnas.</l>
<l n="4.3.85">Iamque animo totum terrarum concipit orbem</l>
<l n="4.3.86">Barbarus, haud fidei memor, et rectumque piumque</l>
<l n="4.3.87">Spernit; et incautos neglecto foedere pacis</l>
<l n="4.3.88">Aggreditur Venetos, Phaeacumque obsidet arces,</l>
<l n="4.3.89">Et late ferro populatur et ignibus agros,</l>
<l n="4.3.90">Quodque potest genus omne mali Phaeacibus infert.</l>
<l n="4.3.91">At contra Veneti, quum se videre nephando</l>
<l n="4.3.92">Marte peti, toto extemplo conamine nixi</l>
<l n="4.3.93">Instruxere suas quotquot potuere Carinas.</l>
<l n="4.3.94">Illic Euganei convenit turba Timavi</l>
<l n="4.3.95">Vincere sueta mari, volucresque aequantia cursu</l>
<l n="4.3.96">Rostra liburna notos: necnon Mavortia pubes</l>
<l n="4.3.97">Illyriae manus aequoreis assueta tryumphis</l>
<l n="4.3.98">Illic Dictaeaeque rates, quibus omnis in armis</l>
<l n="4.3.99">Gloria, difficilique arcu, levibusque sagittis.</l>
<lg>
<l n="4.3">Adiungit se se socium, cui credita mundi </l>
<l n="4.3">Cura, caputque datur triplici irradiare Tyara.</l>
<l n="4.3">Nec Caesar negat auxilium. Venere tenentes</l>
<l n="4.3">Scaeptra maris Ligures, necnon trinacria pubes,</l>
<l n="4.3">Et Melitaea Rhodos <app>
<rdg wit="V1551">veterem mutata figuram:</rdg>
<rdg wit="VD">ueteres mutata penates,</rdg>
</app>
</l>
<l n="4.3">Tum, qui nubivago Balearica littora plumbo</l>
<l n="4.3">Nota colunt, herbasque legens Sardous amaras;</l>
<l n="4.3">Quosque Pyrenaeis Hispania misit ab oris,</l>
<l n="4.3">Quam Bethis, quam findit Anas, et maior Iberus,</l>
<l n="4.3">Et Tagus auriferis quam <app>
<rdg wit="V1551">nobis</rdg>
<rdg wit="VD">nobiles</rdg>
</app> irrigat undis;</l>
<l n="4.3">Qui sinuosa colunt Tyrrheni littora ponti,</l>
<l n="4.3">
<app>
<rdg wit="VD">Qui Calabros montes habitantque Lacinia saxa</rdg>
</app>
</l>
<l n="4.3">
<app>
<rdg wit="VD">Quosque Phalantęi mollis tenet ora Tarenti</rdg>
</app>
</l>
<l n="4.3">
<app>
<rdg wit="VD">Oraque Gargani mediisque in fluctibus Ancon,</rdg>
</app>
</l>
<l n="4.3">Venerunt ad iussa alacres sub nomine magni</l>
<l n="4.3">Caesaris.Ismario cecidit spes fracta Tyranno,</l>
<l n="4.3">Extemplo rapit inde fugam, cursuque citato</l>
<l n="4.3">Navibus infandum amissis , sparsisque per aequor</l>
<l n="4.3">Threicias refugit formidine victus ad undas.</l>
</lg>
<lg>
<l n="4.3">At vos, quos sancto iunxerunt foedere Divi </l>
<l n="4.3">Tuque adeo Caesar, cui se fortuna <app>
<rdg wit="V1551">perennem</rdg>
<rdg wit="VD">uolenti</rdg>
</app>
</l>
<l n="4.3">Dat sociam ,virtusque Ducem, cui terra fretumque</l>
<l n="4.3">Et conspirati famulantur ab aethere venti:</l>
<l n="4.3">Nanque tuis meritis hic, qui nos continet unus,</l>
<l n="4.3">Non satis orbis erat: alias tibi numina terras </l>
<l n="4.3">Atque alium tribuere orbem, quem coelifer Atlas </l>
<milestone unit="page" n="V079v"/>
<l n="4.3">Nescit, et a summo Phebus miratur olympo;</l>
<l n="4.3">Unde tibi pleno coelestis copia cornu</l>
<l n="4.3">Advehitur, magnumque argenti pondus et auri,</l>
<l n="4.3">Divitiaeque aliae, et quicquid natura creavit.</l>
</lg>
<lg>
<l n="4.3">Ite alacres, properate citi: nil vestra moretur</l>
<l n="4.3">Arma Deis ducibus: <app>
<rdg wit="V1551">vobiscum Fasque</rdg>
<rdg wit="VD">vobisque phasque</rdg>
</app> piumque</l>
<l n="4.3">
<app>
<rdg wit="VD">Et pietatis amor, causę et melioris honestas</rdg>
</app>
</l>
<l n="4.3">Et tandem plenis veniet victoria velis.</l>
</lg>
</div>
<div type="poesis-silva" xml:id="pasch4.5" met="hexameter">
<head>AD PONTIFICIAE CLASSIS PRAEFECTUM MARCUM GRIMANUM.
PROTHEUS</head>
<l n="4.4.1">Forte Parethoniae pertaesus pabula terrae,</l>
<l n="4.4.2">Qui pascit tumidum Neptunia monstra per aequor,</l>
<l n="4.4.3">Cunctarum cui rerum ingens sapientia Protheus,</l>
<l n="4.4.4">Ibat, agens prae se meliora ad pascua Phocas:</l>
<l n="4.4.5">Iamque mari emenso, mediis elatus ab undis </l>
<l n="4.4.6">Obvius, Ionio qua fit vagus Hadria ponto,</l>
<l n="4.4.7">Prospicit aereo nimbosa Ceraunia dorso;</l>
<l n="4.4.8">Atque hic armorum strepitus, et classica rauca </l>
<l n="4.4.9">Sensit, et insolito resonare celeumate fluctus.</l>
<l n="4.4.10">Obstupuit; rursusque caput de gurgite tollens</l>
<l n="4.4.11">Aspicit innumeras verrentes caerula classes,</l>
<l n="4.4.12">Cum plausu laetoque viam clamore secantes;</l>
<l n="4.4.13">Quas ubi terque quaterque oculis lustravit, ab imo </l>
<l n="4.4.14">Vaticinans tales effudit pectore voces.</l>
<l n="4.4.15">Si mihi, qui fuerat olim sub pectore sensus</l>
<l n="4.4.16">Perstat adhuc, si vera meus mihi pandit Apollo;</l>
<l n="4.4.17">Haec modo, Pheaciis quae plurima fertur ab oris</l>
<l n="4.4.18">Classis ad Illiricas spatiosa per aequora terras,</l>
<l n="4.4.19">Optatum capiet nullo discrimine portum. (luctus?</l>
<l n="4.4.20">Sed tibi quas lachrymas, quos fert gens Barbara</l>
<l n="4.4.21">Quam tibi letitiam? quos plausus, Incola clari</l>
<l n="4.4.22">Ascrivii, qui continua obsidione solutus</l>
<l n="4.4.23">Securos tandem poteris iam carpere somnos.</l>
<l n="4.4.24">Iam video volitare Novi sub moenia Castri</l>
<l n="4.4.25">Victrices Aquillas, et fulvi signa Leonis,</l>
<l n="4.4.26">Et patris, aethereas qui claudere ius habet arces,</l>
<l n="4.4.27">Iam video Euganeas per mille pericla subire</l>
<l n="4.4.28">Moenia ad ipsa rates ,depulsosque impete primo</l>
<l n="4.4.29">Linquere desertos hostes sine vindice muros,</l>
<l n="4.4.30">Et tantum gemina pavidos se claudere turri,</l>
<l n="4.4.31">Et tandem fessos post funera multa suorum</l>
<l n="4.4.32">Orantes veniam duplices protendere palmas</l>
<l n="4.4.33">E muris, et se suaque omnia tradere victos:</l>
<l n="4.4.34">Parte alia Classem spoliis Hostilibus auctam</l>
<l n="4.4.35">Ascrivii per amena sinus loca, verbere crebro</l>
<l n="4.4.36">Findere aquas, letisque ipsam cum plausibus urbem</l>
<l n="4.4.37">Ire salutatum, qua non praestantior ulla</l>
<l n="4.4.38">Tollitur Hadriaci sinuoso in littore ponti.</l>
<l n="4.4.39">Virtutumque virumque ferax, quibus Illiris ora</l>
<l n="4.4.40">Praecipuis longe ante alios se iactat alumnis:</l>
<l n="4.4.41">O salve urbs antiqua, Deum certissima cura,</l>
<l n="4.4.42">Quam nunc insolito superi dignantur honore.</l>
<l n="4.4.43">Nam neque praeteriti quondam videre parentes,</l>
<l n="4.4.44">Nec seri poterunt unquam vidisse nepotes,</l>
<l n="4.4.45">Quod tibi nunc spectare datur:da thura, precesque</l>
<l n="4.4.46">Coelitibus, meritisque Deum fer munera templis.</l>
<l n="4.4.47">En decus ille orbis, geminae cui cura Volucris</l>
<l n="4.4.48">Credita, quae duplici frontem insignita corona</l>
<l n="4.4.49"><FONT COLOR="#CC3300"><b>Caesaris</b></FONT> nitet in signis expansa per auras,</l>
<l n="4.4.50">Cuius honoratum spatiosa per aequora nomen</l>
<l n="4.4.51">Quocumque auditum fuerit, praeconia mille,</l>
<l n="4.4.52">Mille trahit partas permulta pericula laudes.</l>
<l n="4.4.53">Nec minus et Veneti spes non extrema Senatus,</l>
<l n="4.4.54">Ipse sui faustum faciens sibi nominis omen,</l>
<l n="4.4.55">Cui commissa sacri sunt aurea frena Leonis;</l>
<l n="4.4.56">Totque alii Proceres, quos utraque clara tryumphis</l>
<l n="4.4.57">Protulit Hesperia, insignes seu munia pacis,</l>
<l n="4.4.58">Sive horrenda feri tractent discrimina Martis,</l>
<l n="4.4.59">Aequoreas ducent circum tua littora pompas,</l>
<l n="4.4.60">Et partum domito statuent ex hoste trophaeum.</l>
<l n="4.4.61">Quin longe ante alios pollens virtute, suisque</l>
<l n="4.4.62">Ad non vulgares meritis evectus honores</l>
<l n="4.4.63">Iuliaci Patriarcha fori; cui maximus orbis</l>
<l n="4.4.64">Pastor, in hoc referens terrarum carcere Christum.</l>
<l n="4.4.65">Ceu magis ante alios habili foelicia Petri</l>
<l n="4.4.66">Signa uni gestanda dedit: tua parva subibit</l>
<l n="4.4.67">Moenia, cui tantam promittunt numina laudem,</l>
<l n="4.4.68">Tot titulos, tantumque decus venientibus annis,</l>
<l n="4.4.69">Ut quascunque suis terras, quaeque aequora lustrans</l>
<l n="4.4.70">Phoebus oberrat equis, partae lux fulgida famae</l>
<l n="4.4.71">Impleat, et totum volitet diffusa per orbem.</l>
<l n="4.4.72">Tempus enim veniet (si qua est prudentia veri</l>
<l n="4.4.73">Vera mihi) quo corporea compage solutus,</l>
<l n="4.4.74">Qui nunc alta regit Magnae Capitolia Romae,</l>
<l n="4.4.75">Postquam Cumaeos, Pyliosque aequaverit annos,</l>
<l n="4.4.76">Mille gravis meritis superas ascendat ad arces.</l>
<l n="4.4.77">Cuius in eccessu votis communibus omnes</l>
<l n="4.4.78">Cardinei fratres coelesti a cardine dicti</l>
<l n="4.4.79">Te facient sacro dignum Grimanne Tyara.</l>
<l n="4.4.80">O te felicem, qui summo e culmine mundi</l>
<l n="4.4.81">Sub pedibus Grimanne tuis Regesque Ducesque</l>
<l n="4.4.82">Despicias, et cuncta tuo pendentia nutu.</l>
<l n="4.4.83">Foelices populos, foelicia saecula, quae te</l>
<l n="4.4.84">Suspicient Mundi sublimia frena regentem;</l>
<l n="4.4.85">Ducenturque tuae sacro moderamine virgae</l>
<l n="4.4.86">Non per harenosae deserta incommoda terrae,</l>
<l n="4.4.87">Sed per iter placidum, quo numquam pabula, numquam</l>
<l n="4.4.88">Deficiant vitrei per prata virentia fontes,</l>
<l n="4.4.89">Quo mollis tegat umbra gregem, non frigus adurat,</l>
<l n="4.4.90">Non calor infestet, donec pastore sub uno</l>
<l n="4.4.91">Unius auspiciis, uno claudatur ovili.</l>
<l n="4.4.92">Iam me deficiunt vires, et plurima laudum</l>
<l n="4.4.93">Restat adhuc nobis pars indiscussa tuarum:</l>
<l n="4.4.94">Et quanuis longe maiora, et plura supersint,</l>
<l n="4.4.95">Quam quae Phoebaeo percurrere concitus oestro</l>
<l n="4.4.96">Hic potuit; tamen haec laudum quotacunque tuarum</l>
<l n="4.4.97">Pars eat, et seros longum celebretur in annos.</l>
<l n="4.4.98">Talia dum memorat flammato pectore Protheus,</l>
<l n="4.4.99">Carminis illius captae dulcedine Phocae</l>
<l n="4.4.100">Herbarum immemores summo de gurgite dorsum</l>
<l n="4.4.101">Extulerant: virides capti dulcedine Divi </l>
<l n="4.4.102">Conveniunt, Phorcusque senex, iuvenisque Paloemon</l>
<l n="4.4.103">Cimodoce simul et Glaucus, Panopaeaque virgo,</l>
<l n="4.4.104">Et Triton pater, et Neptuni exercitus omnis,</l>
<l n="4.4.105">Et iunctos duxere choros; laetoque canenti</l>
<l n="4.4.106">Applausere sono: quum protinus humida noctis</l>
<l n="4.4.107">Umbra superveniens, cantumque diemque diremit.</l>
</div>
<div type="poesis-silva" xml:id="pasch4.6" met="hexameter">
<head>AD GEORGIUM / BIZANTIUM, / ASCRIVIUM.</head>
<!-- praefatio -->
<lg>
<l n="4.5">Haec tibi Dalmaticas inter Bizantice sylvas</l>
<l n="4.5">Propter aquas, mediae canimus sub tempore brumae.</l>
<l n="4.5">Tu mihi, Cecropii seu sacra inventa Solonis</l>
<l n="4.5">Mente agitas, seu nubiferae tibi cognita Cyrrhae</l>
<l n="4.5">Aonidum comitante choro per templa vagaris,</l>
<l n="4.5">Seu quodcunque moves, meritis en accipe pridem</l>
<l n="4.5">Carmina vota tuis, nec te has invisere sylvas</l>
<l n="4.5">Poeniteat si quando tuam maioribus actis</l>
<l n="4.5">Lenia defessam demittis ad ocia mentem.</l>
<l n="4.5">Te Lauri virides, Myrtique, humilesque Myricae,</l>
<l n="4.5">Te Satyri Dryadesque canent, quin omnia tollent</l>
<l n="4.5">Haec nemora, haec arbusta tuas ad sydera laudes.</l>
<!-- narratio --></lg>
<lg>
<l n="4.5">Interea iuvet haec, media quae noctis in umbra,</l>
<l n="4.5">Dum venti, fluctusque silent, volucresque ferasque</l>
<l n="4.5">Somnus habet, vitreae <sic>Bithynnius</sic> arbiter undae</l>
<!-- MS Bithynius -->
<l n="4.5">Muscosa sub rupe sedens sine teste canebat</l>
<l n="4.5">Ipse sibi, quum vicina sub sepe laterent</l>
<!-- saepe -->
<l n="4.5">Naiades, plenosque nova dulcedine cantus</l>
<l n="4.5">Exciperent tacitae, viridesque ediscere colles</l>
<l n="4.5">Et nemora, et volucres, nec non iterare docerent.</l>
<!-- iuberent -->
<!-- carmen; primo, mundi creatio -->
<l n="4.5">Ille canebat, uti vasto circumdata ponto</l>
<l n="4.5">Arbitrio sit terra Dei, cui desuper aether</l>
<!-- quam del. pro cui -->
<l n="4.5">Imminet; et variis coelum spectabile signis</l>
<l n="4.5">Assidua tantam foveat vertigine molem;</l>
<l n="4.5">Utque per immensae vacuos telluris hiatus</l>
<l n="4.5">Infundat se se maris impetus, et cava subter</l>
<l n="4.5">Antra; vagus quum se tumidos attolit in aestus</l>
<l n="4.5">Oceanus, non multimodae sic sydere lunae</l>
<!-- seu pro non MS -->
<l n="4.5">Non alio cogente Deo, sed quod mare vastum</l>
<!-- Siue pro Non MS -->
<l n="4.5">Internus vigor, ut reliquum genus omne animantum,</l>
<l n="4.5">Intus alat, seque immensos infundat in artus;</l>
<l n="4.5">Et certis spaciis aestu respiret anhelo,</l>
<l n="4.5">Alternetque vices, et nunc se fluctibus arctet,</l>
<l n="4.5">Nunc tumeat, lateque patentes obruat agros;</l>
<l n="4.5">Utque hinc ima cavae se se per viscera terrae</l>
<l n="4.5">Insinuans gustus paulatim linquat amaros,</l>
<l n="4.5">Et nova per varias emittat flumina partes.</l>
</lg>
<!-- secundo, Polyphemus et colones in Illyrico -->
<lg>
<l n="4.5">Tum canit, ut Siculis senior Polyphoemus in oris</l>
<l n="4.5">Regnarit quondam, ternaque ut prole parentem</l>
<l n="4.5">Vix tandem Galataea suo dignata cubili</l>
<l n="4.5">Fecerit, utque novas sedes, nova quaerere regna</l>
<l n="4.5">Impulerint Lycii consulta oracula Phoebi</l>
<l n="4.5">Trinacrios iuvenes, patriasque relinquere terras.</l>
<l n="4.5">Quorum de numero, cultu, et pietate priorem</l>
<l n="4.5">Illirium longe auspiciis melioribus usum</l>
<!-- Illyrius -->
<l n="4.5">His demum venisse locis, belloque subactas</l>
<l n="4.5">Dixisse <sic>Illyricas</sic> proprio de nomine gentes,</l>
<!-- liber Illiricas -->
<l n="4.5">Et nostras rexisse diu foeliciter oras:</l>
<l n="4.5">Vtque sit in multas primi post funera Regis</l>
<l n="4.5">Divisum Imperium fraterno foedere, partes,</l>
<l n="4.5">Atque haec ut gelido loca subdita cuncta Leonti,</l>
<!-- Lycaee corr. in Leonti MS -->
<l n="4.5">Illyrii soboles primo Vermanus in aevo</l>
<l n="4.5">Rexerit, insignis iaculis venator, et arcu;</l>
<l n="4.5">Vtque suo nostros dici cognomine montes </l>
<l n="4.5">Iusserit, et leges dederit, ritusque novarit.</l>
</lg>
<!-- Ascra -->
<lg>
<l n="4.5">Pone refert, ut Pierides in vallibus Ascrae</l>
<l n="4.5">Pascentem niveas puerum videre capellas</l>
<l n="4.5">Propter aquas, mollique oppressum lumina somno;</l>
<l n="4.5">Et super Aonios raptum per inania montes</l>
<l n="4.5">Gorgoneis lavere vadis; ut tempora lauro</l>
<l n="4.5">Cinctus, et argutas pertentans pollice chordas</l>
<l n="4.5">Dixerit haec illi divino carmine Phoebus.</l>
<l n="4.5">Fortunate puer, prima en munuscula Musae</l>
<l n="4.5">Hos tibi, non ulli quos attrivere priores</l>
<l n="4.5">Dant calamos, his tu calamis impone labellum;</l>
<!-- his... refer om. MS -->
<l n="4.5">Inde refer, quo conveniat sub sydere terram</l>
<l n="4.5">Vertere, quid laetas faciat succrescere aristas;</l>
<!-- pingues -->
<l n="4.5">His tibi et Ascriviae gentis dicatur origo,</l>
<l n="4.5">Venturique tua clari de stirpe nepotes;</l>
<l n="4.5">Fortunate puer, latis pecus errat in arvis:</l>
<l n="4.5">Tu fontes inter sacros, et frigida Tempe</l>
<l n="4.5">Carpis adhuc placido somnum suadente susurro.</l>
<!-- Ascraeus puer -->
<l n="4.5">His adiungit uti iam somno excussus ab alto</l>
<l n="4.5">Ascraeus puer insolitum sub pectore numen</l>
<l n="4.5">Senserit, et patriam sic solverit ora per urbem,</l>
<l n="4.5">Cura Deum Cives, alias dant numina sedes, </l>
<l n="4.5">atque alio vos fata vocant, monet autor Apollo</l>
<!-- monet... patriae om. MS -->
<l n="4.5">Linquere Rus miserum patriae, terrasque remotas</l>
<l n="4.5">Illyriae penetrare iubet, ubi surgit in auras</l>
<l n="4.5">Vermanus pater, et glaciali fronte Leontes.</l>
<!-- Lycaeus MS -->
<!-- urbs sub Vermano -->
<l n="4.5">Hic locus urbis erit, hic vestro e sanguine creti</l>
<l n="4.5">Cernentur meritis conscendere ad astra nepotes.</l>
</lg>
<lg>
<l n="4.5">Nec tacuit mox, ut patriis abscesserit oris</l>
<l n="4.5">A magnis sic iussa Deis Ascrea iuventus,</l>
<!-- Ascręa MS -->
<l n="4.5">Vtque peragratis variis regionibus orbis</l>
<l n="4.5">Venerit his tandem multo post tempore terris,</l>
<!-- multo: paruo MS -->
<l n="4.5">Et laeto auspicio parvam fundaverit urbem,</l>
<l n="4.5">Ascriviumque suae de nomine dixerit Ascrae.</l>
<l n="4.5">Quam patrum immemores (mediis quae cincta scatebris</l>
<!-- Quam... minores om. MS -->
<l n="4.5">Fluminibusque foret) Catharon dixere minores.</l>
</lg>
<!-- genus Bitinnii -->
<lg>
<l n="4.5">Seque suumque genus recolens Bitinnius addit,</l>
<!-- Bithynius -->
<l n="4.5">Vt iam Bebriciis fuerit Regnator in oris,</l>
<l n="4.5">Et pulsus patrio post multa pericula regno</l>
<l n="4.5">Orbe pererrato nostris consederit arvis:</l>
<l n="4.5">Vtque hic magnorum fuerit pietate Deorum</l>
<l n="4.5">Versus in aeternas post ultima funera lymphas,</l>
<l n="4.5">Quae <corr>mea</corr> perpetuo resonant per rura susurro.</l>
</lg>
<!-- meo?? Quae... susurro om. MS -->
<!-- finis -->
<l n="4.5.1">Haec et plura suo residens Bithynnius antro,</l>
<!-- Bithynius -->
<l n="4.5.2">Rettulit, immemores quae non tenuere puellae,</l>
<l n="4.5.3">Et iam purpureo perfundens lumine coelum</l>
<l n="4.5.4">Prodierat canis rorans Aurora pruinis,</l>
<l n="4.5.5">Cum Deus, albenti praecinctus harundine crines,</l>
<l n="4.5.6">Conticuit, statimque suo se condidit alveo. </l>
</div>
<div type="poesis-silva" xml:id="pasch4.7" met="hexameter">
<head>CALIDORUS, ET ARGANTUS PASTORES.
IN MORTE LUDOVICI PONTANI.</head>
<l n="4.6.1">Aspicis, ut saturae ludant per prata capellae,</l>
<l n="4.6.2">Nec dulcem Cythisum, aut Salices pascantur amaras,</l>
<l n="4.6.3">Arrectisque canes stent auribus omnia circum</l>
<l n="4.6.4">Tuta vides: tu nescio quid miserabile tristi</l>
<l n="4.6.5">Fronte foves, ducisque alto suspiria corde.</l>
<l n="4.6.6">Quin age, dum laetas haec populus efficit umbras,</l>
<l n="4.6.7">Et Zephyri movet aura nemus, tenuique susurro</l>
<l n="4.6.8">Praeteriens vitreis Bithynnius obstrepit undis;</l>
<l n="4.6.9">Cantando aestivi fugiamus taedia Solis.</l>
<l n="4.6.10">Sentiat Illiricus post saecula multa Leontes,</l>
<l n="4.6.11">Vermanusque pater, quod Menalus ante solebat</l>
<l n="4.6.12">Partheniusque audire sui Corydonis ab ore.</l>
<l n="4.6.13">Mirenturque suos, si qua est ea fama, nepotes,</l>
<l n="4.6.14">Hadriacum nemus Arcadicis obtendere Sylvis.</l>
<l n="4.6.15">Ar. Ergo ego flumineae florenti in margine ripae</l>
<l n="4.6.16">Sylvestri laetum carmen modulatur avena. </l>
<l n="4.6.17">At tu noster amor, tu nostrae gloria gentis,</l>
<l n="4.6.18">Immiti absumptus fato Pontane iacebis?</l>
<l n="4.6.19">Munera nec gelido dabimus suprema sepulchro?</l>
<l n="4.6.20">Non sum adeo veteris Calydore oblitus amici,</l>
<l n="4.6.21">Nec me adeo immemorem fecerunt gramina Lethis,</l>
<l n="4.6.22">Ut non spiret adhuc cineris mihi semper amati</l>
<l n="4.6.23">Gratus odor, teneatque meae claustra intima mentis,</l>
<l n="4.6.24">Quin potius Pontane tuos repetamus honores:</l>
<l n="4.6.25">Tertia namque subest, postquam te amisimus, aestas:</l>
<l n="4.6.26">Ter sine te pingues lacubus calcavimus uvas,</l>
<l n="4.6.27">Occidis ante diem, medioque abreptus in aevo</l>
<l n="4.6.28">Occidis heu nimium coelo confise maligno:</l>
<l n="4.6.29">Nam te, dum chari trans aequora vasta vocaret</l>
<l n="4.6.30">Fratris amor, propriae nulla est tibi cura salutis:</l>
<l n="4.6.31">Sed ruis ignotae in manifesta pericula terrae:</l>
<l n="4.6.32">Nescio quam Veneris Paphom, et vix cognita fama</l>
<l n="4.6.33">Cypria regna petis: non illic commoda terrae</l>
<l n="4.6.34">Temperies, non delitiae, celebrataque priscis</l>
<l n="4.6.35">Ocia carminibus, sed noxia sydera coeli,</l>
<l n="4.6.36">Et quae perpetuis male sint toleranda colonis:</l>
<l n="4.6.37">Tu tamen incautus dilecti fratris amore</l>
<l n="4.6.38">Raptus abis, fratremque tuis complexus in ulnis</l>
<l n="4.6.39">Et fratrem pariter, et dulces deseris auras:</l>
<l n="4.6.40">Exin nec laeti soles nec candida nobis </l>
<l n="4.6.41">Ulla dies fulsit, nec densas porrigit umbras,</l>
<l n="4.6.42">Nuda sed ammissis rarescit sylva capillis.</l>
<l n="4.6.43">Iam neque floret ager, neque iam redolentibus herbis</l>
<l n="4.6.44">Vernat humus, nec, ut ante, colunt haec prata Napeae:</l>
<l n="4.6.45">Quinetiam solitas tellus negat arida fruges</l>
<l n="4.6.46">Horrentesque rubos, et spiniferum Paliurum</l>
<l n="4.6.47">Pro molli viola, pro suavi nutrit acantho.</l>
<l n="4.6.48">Interitu Pontane tuo ingemuere Leones,</l>
<l n="4.6.49">Hircanasque ferunt flevisse in funere Tigres:</l>
<l n="4.6.50">Quin et lanigerum nullas pecus attigit herbas,</l>
<l n="4.6.51">Nec quadrupes turbavit aquas, et gramine sueto</l>
<l n="4.6.52">Abstinuere boves:tecum Pontane tulisti</l>
<l n="4.6.53">Gaudia, delitiasque omnes, tua funera fontes</l>
<l n="4.6.54">Et vitrei flevere lacus, his ipse notavi,</l>
<l n="4.6.55">His oculis, his ipse oculis, quum volveret atras</l>
<l n="4.6.56">Gurdus aquas, maiorque suo Bythinnius alveo</l>
<l n="4.6.57">Obrueret latos ipsis cum frugibus agros,</l>
<l n="4.6.58">Et secum nostros traheret sata laeta labores;</l>
<l n="4.6.59">Quinetiam celsi nemorosa per antra Leontis</l>
<l n="4.6.60">Vermanique alto fleverunt vertice nymphae.</l>
<l n="4.6.61">Ca. Hoc erat aerea, q... nuper ab arbore Turtur,</l>
<l n="4.6.62">Quae mediis pontane tibi consurgit in agris,</l>
<l n="4.6.63">nescio quid querulum gemeret: namque una superstes</l>
<l n="4.6.64">Una tuo nuper plausus enata sepulchro</l>
<l n="4.6.65">Laeta fronde viret, rapido non pervia soli.</l>
<l n="4.6.66">Turtur ad inferias, turtur nos ille vocabat,</l>
<l n="4.6.67">Ar. Inferias Pontane tibi cape munera Musae</l>
<l n="4.6.68">Parva meae, spargat violas, emittat acantos:</l>
<l n="4.6.69">Fundat humus varios, quos habet novus annus odores,</l>
<l n="4.6.70">Floret huic tumulo tellus, huic germinet arbos:</l>
<l n="4.6.71">Dignus erat cui vernet humus, cui germinet arbos,</l>
<l n="4.6.72">Pontanus, qui naturae nos abdita primum</l>
<l n="4.6.73">Edocuit, quae signa imbres, quae sydera ventos,</l>
<l n="4.6.74">Quidve ferat noctes hyeme aut aestate serenas,</l>
<l n="4.6.75">Cur tumeant fluctus, rursus cur unda residat,</l>
<l n="4.6.76">Qualis alat magnae vigor intus Tethyos undas,</l>
<l n="4.6.77">Unde suas habeant ortus vaga flumina, quo sit </l>
<l n="4.6.78">Avertenda modo praestigia, multaque nobis</l>
<l n="4.6.79">Docta sui monumenta dedit, sed pauca tenemus</l>
<l n="4.6.80">Ipse mihi memini quoties Calidore solebat</l>
<l n="4.6.81">Dicere, nocturnas conversus ad astra per umbras,</l>
<l n="4.6.82">Disce puer quid fata ferant, viden horida Martis</l>
<l n="4.6.83">Sydera, ut ensiferi Sydus secat Orionis?</l>
<l n="4.6.84">Falciferoque seni nymbosos copulet ignes</l>
<l n="4.6.85">Hoedus, et Icarium Phoebo supereminet astrum?</l>
<l n="4.6.86">Haec bellum, duramque famem morbosque minantur</l>
<l n="4.6.87">Affore, et innumeras terrarum signa ruinas.</l>
<l n="4.6.88">Foelices, qui nostra colent haec rura, nec ullos</l>
<l n="4.6.89">Armorum strepitus, non classica rauca timebunt.</l>
<l n="4.6.90">Vos inter sylvas, atque inter pascua nota</l>
<l n="4.6.91">Pascite oves pueri, celsas furor impius urbes</l>
<l n="4.6.92">Concutiat: vobis sint haec nemora avia curae.</l>
<l n="4.6.93">Ca. Non sic Orpheos mirata est Thracia cantus,</l>
<l n="4.6.94">Aut Aracyntheae cantantem Amphiona rupes,</l>
<l n="4.6.95">Ut tua Dalmaticae mirantur carmina sylvae.</l>
<l n="4.6.96">Cernis, ut omne nemus, motis sua gaudia ramis,</l>
<l n="4.6.97">Testetur? non te moriens Argante canentem</l>
<l n="4.6.98">Carmine vincat olor, sed iam nascentia rauci</l>
<l n="4.6.99">Sydera somny!fero Grylli stridore salutant.</l>
<l n="4.6.100">Surgamus, laetisque domum repetamus ab agris.</l>
</div>
<closer>FINIS</closer>
</div>
</body>
<back>
<div type="errata">
<p>Errata, si qua inter imprimendum occurrerunt, prudenti
Lectori facile erit Corrigere, tu F. I. ubi pro tibi
Et ubi incipiunt Sylvae, ibi erat incip. Liber Quartus.</p>
</div>
<div type="poesis-silva" xml:id="camil1" met="hexameter">
<head>THEOCRENUS IULII CAMILLI AD POTENTISS. REGEM FRANCISCUM.</head>
<l n="2.1">Iam primo Aurora ortus patefecerat orbi,</l>
<l n="2.2">Sydera sed nondum roseo praestrinxerat ore,</l>
<l n="2.3">Quae pulchre tremula in divino fonte natabant,</l>
<l n="2.4">Ludebantque simul florum simulacra per undas,</l>
<l n="2.5">Flores vernantis simulacra imitantia ripae:</l>
<l n="2.6">Cum ultra pastoris vires accensus Iolas</l>
<l n="2.7">Numine Pieridum muscoso e margine lusit.</l>
<l n="2.8">Sit precor haec semper species tibi; sit tua, quae nunc,</l>
<l n="2.9">Lympha repercussis fons o divine figuris</l>
<l n="2.10">Distincta ambabus, curratque argenteus humor,</l>
<l n="2.11">Et laetum tibi coelum sit, fulgentiaque astra </l>
<l n="2.12">Immineant, cum pura redit nox, cum alma revisit </l>
<l n="2.13">Te lux, et vario tellus decorata nitore</l>
<l n="2.14">Inducat semper cristallo dulce liquenti</l>
<l n="2.15">Mille tui ornatus thalami, altera sydera mundi,</l>
<l n="2.16">* Quae tu etiam resecta foetus splendentior illis.</l>
<l n="2.17">At Deus ille tuus, qui te imo e gurgite fundit;</l>
<l n="2.18">Nympharum dum * sub noctem lumina stellis,</l>
<l n="2.19">Clara ministrabunt, dumque addent ora colores</l>
<l n="2.20">Floribus accessu Zephyri crescentibus almo:</l>
<l n="2.21">Lumina stellarum in se, ut florum lumina servet.</l>
<l n="2.22">Nam quos excelsis refferunt huc ignibus ipsi,</l>
<l n="2.23">Et quot in terris possunt acquirere honores,</l>
<l n="2.24">Semidei, Deus ille tuus iam continet unus:</l>
<l n="2.25">Illos, ut dicas nutantis lampadas orbis, </l>
<l n="2.26">Hos ut purpurei gemmantia lumina veris;</l>
<l n="2.27">Ecce meam faciem, quae in te nunc picta renidet.</l>
<l n="2.28">Inter*.... quasque faces, et florea dona</l>
<l n="2.29">Agnosco hanc, agnosco luce oriente parumper.</l>
<l n="2.30">O utinam facies haec in me chara pererret,</l>
<l n="2.31">Chara diu, et Deus hic tuus et meus augeat hac se:</l>
<l n="2.32">O utinam propter placidum mea fistula murmur</l>
<l n="2.33">Septenis numerosa modis sonet arte magistra:</l>
<l n="2.34">Tuque tuo impellens animo divine susurro</l>
<l n="2.35">Fons docilis calamis praestes iam plenius auras:</l>
<l n="2.36">Sed iam sol cinctum radiis caput extulit alto,</l>
<l n="2.37">Cuncta Theocrene amplectens ardentibus alis.</l>
<l n="2.38">Nec tamen ornatus pepulit tibi lumine formas,</l>
<l n="2.39">Sed iubare exornat melius, et crinibus aureis,</l>
<l n="2.40">Quas semper retines liquidis purissimus undis,</l>
<l n="2.41">Orbe nitente licet violas, atque astra fugavit,</l>
<l n="2.42">Marginis, igniferique poli ornamenta minora.</l>
<l n="2.43">Quare age temperie calamis nunc murmure blando</l>
<l n="2.44">Adde Theocrene afflatis, ego carmina iungam.</l>
<l n="2.45">O, qui flammarum lustras splendente corona</l>
<l n="2.46">Omnia, lustrabisque diu, atque obstantia claris</l>
<l n="2.47">Nubila depelles radiis, quem versibus ales</l>
<l n="2.48">Excubitor multo denunciat ante canoris:</l>
<l n="2.49">Phoebe iterum in terris pastor, cui Gallica cuncta</l>
<l n="2.50">Pascua submittunt florentia lilia passim;</l>
<l n="2.51">Phoebe iterum in terris vates, et magne Poeta:</l>
<l n="2.52">Salve o pastorum, o vatum flos unice salve.</l>
<l n="2.53">Sunt fateor miranda tuis iam munera templis</l>
<l n="2.54">Votis pollicitus, nostrae libamina mentis:</l>
<l n="2.55">Sed precor extractis causas nunc temporis audi.</l>
<l n="2.56">Ut mage concepi te magnum pectore Phoebum,</l>
<l n="2.57">Tu mage conceptus iussisti pectora in amplum</l>
<l n="2.58">Cedere maiores, semper dignosque putare,</l>
<l n="2.59">qui tandem in speciem praeclari abiere Theatri:</l>
<l n="2.60">Sit licet arbuteum lento qui ex vimine textum:</l>
<l n="2.61">Quid facerem? qua mente gero tua grandis imago,</l>
<l n="2.62">Quae in me sola potest, semper divina iubebat</l>
<l n="2.63">Molliri ultra hominis sortem: sed forsitan ipse,</l>
<l n="2.64">Qui me extra es, longe damnabas tempora curae,</l>
<l n="2.65">Cunctantemque diu, ut semper maiora parantem.</l>
<l n="2.66">Hic rerum arcanis, numeroque opressus Iolas,</l>
<l n="2.67">Obticuit, vallesque simul tacuere quietae.</l>
</div>
<div type="poesis-elegia" xml:id="molsa1" met="elegiacum">
<head>IO. FRANCISCI MARIAE MOLSAE AD BENEDICTUM ACCOLTUM CAR. ELEGIA</head>
<l n="3.1">Ecquid, sepositis dum te iuvat optime veris</l>
<l n="3.2"> Hadriacis vitam ducere littoribus:</l>
<l n="3.3">Et Venetos spectas cives, ausamque superbis</l>
<l n="3.4"> Stare urbem aeternum fluctibus arte notas;</l>
<l n="3.5">Impositam septem suspiras collibus arcem,</l>
<l n="3.6"> Et quae te ereptum moenia celsa gemunt</l>
<l n="3.7">Illic vel potius doctas componi Athenas, </l>
<l n="3.8"> Quae quondam toto iura dedere mari?</l>
<l n="3.9">Romanae aut relegens prisca exemplaria linguae,</l>
<l n="3.10"> Iam magno confers cum Cicerone pedem?</l>
<l n="3.11">Quicquid agas Accolet, simul mens nostra vagatur,</l>
<l n="3.12"> Observatque tuos, subsequiturque pedes:</l>
<l n="3.13">Et quo tu veheris, vehitur fidissima lembo,</l>
<l n="3.14"> Nec te cum liquidas pernegat ire vias.</l>
<l n="3.15">Ipse mihi videor nunc te tua fata loquentem</l>
<l n="3.16"> Audire: et casus nunc quoque flere tuos;</l>
<l n="3.17">Et meminisse, olim quam forti pectore diros</l>
<l n="3.18"> Fulminis afflatus, contunderisque minas.</l>
<l n="3.19">Territus utque mari divino est Cimber ab ore,</l>
<l n="3.20"> Sic te quaestorem extimuisse tuum.</l>
<l n="3.21">Nunc pendere iterum videor scribentis ab ore;</l>
<l n="3.22">Et bibula dulces imbibere aure modos:</l>
<l n="3.23">Quos circum exciti ludant Delphines in orbem,</l>
<l n="3.24">Et Phorci assultet curva per antra chorus:</l>
<l n="3.25">An mihi, subductis vitae rationibus, amens</l>
<l n="3.26">Accolti potero non meminisse mei?</l>
<l n="3.27">Cuius opem expertus toties melioribus annis,</l>
<l n="3.28">Fortunae potui temnere tela meae?</l>
<l n="3.29">Ah potius peream, tali quam crimine turpis</l>
<l n="3.30"> Arguar, et firma non puter esse fide:</l>
<l n="3.31">Te nostrae referent vivaci carmine Musae,</l>
<l n="3.32"> Ni me saeva nimis fata fuisse velint:</l>
<l n="3.33">Tertia nam misero iampridem ducitur aetas;</l>
<l n="3.34"> Ex quo me morbi vis fera corripuit;</l>
<l n="3.35">Quam lectae nequeunt succis ve potentibus herbae</l>
<l n="3.36">Pellere; nec magico saga ministerio:</l>
<l n="3.37">Vecta nec ipsa ludis nuper foelicibus arbor</l>
<l n="3.38"> Una tot humanis usibus apta iuvat;</l>
<l n="3.39">Decolor ille meus toto iam corpore sanguis</l>
<l n="3.40"> Aruit; et solitus deserit ora nitor:</l>
<l n="3.41">Quae si forte modis spectes pallentia miris</l>
<l n="3.42"> Esse alium, quam me, tu Benedicte putes:</l>
<l n="3.43">Quid referam somni ductas sine munere noctes;</l>
<l n="3.44"> Fugerit utque omnis lumina fessa sopor?</l>
<l n="3.45">Et toties haustum frustra Cereale papaver</l>
<l n="3.46"> Misceri, et medica quicquid ab arte solet?</l>
<l n="3.47">Saevit atrox morbi rabies, tenerisque medulllis</l>
<l n="3.48"> Haeret, et exhaustis ossibus ossa vorat:</l>
<l n="3.49">Haud alia Alcidem confectum clade suberbum</l>
<l n="3.50"> Oeteo memorant procubuisse iugo:</l>
<l n="3.51">Illi Nesseo vestis cumspersa veneno</l>
<l n="3.52">Usit dira humeris, intepuitque sinu.</l>
<l n="3.53">Forte Iovi patrias votum sacrarat ad aras,</l>
<l n="3.54"> Extaque iam flammis impositurus erat:</l>
<l n="3.55">Abdita cum tabes miseros depascitur artus,</l>
<l n="3.56"> Et premit indomitus fortia membra dolor.</l>
<l n="3.57">Qualis ad Apidanum choreis exercita Menas</l>
<l n="3.58"> Errat; et in molli gramine fessa cadit:</l>
<l n="3.59">Oechaliae talis domitor, Iovis inclyta proles</l>
<l n="3.60">Concidit, et tristes dat sine mente sonos:</l>
<l n="3.61">Nunc ferus exoritur, saevo nunc freno dolori</l>
<l n="3.62"> Laxat, et ipsa iecur vis generosa petit.</l>
<l n="3.63">Ah, quoties nullo cernens se robore fulctum,</l>
<l n="3.64"> Atque lacertorum disperiisse toros,</l>
<l n="3.65">Ingemit; eque imo vellens suspiria corde</l>
<l n="3.66"> Saepius haec secum tristia verba refert.</l>
<l n="3.67">Hae ne manus raptum alte, vinclisque petitum</l>
<l n="3.68"> Tartareum quondam perdomuere canem?</l>
<l n="3.69">Et toties laeto sternendam viribus anguem</l>
<l n="3.70">Frangere Lernaeam non timuere suis?</l>
<l n="3.71">Brachia Centauros nostra haec pressere furentes,</l>
<l n="3.72"> Pocula cum furens vertit in arma Pholus?</l>
<l n="3.73">Quae si forte humeris, heu, nunc spectentur ab istis,</l>
<l n="3.74"> Fulcta olim nixu quis putet altra meo?</l>
<l n="3.75">Scilicet una Oenei vecors me me edita partu</l>
<l n="3.76"> Perdit; et indigna perfida peste necat:</l>
<l n="3.77">Quique stati Nemees monstrum contra, atque Erimanti</l>
<l n="3.78"> Pacavi trucibus vix loca tuta feris,</l>
<l n="3.79">Foeminea absumptus fraude, atque immanibus ausis</l>
<l n="3.80">Uror: et ipsa atro viscera felle madent.</l>
<l n="3.81">Talia commemorans, tantisque doloribus impar,</l>
<l n="3.82"> Pallenti tristes ore ciet gemitus:</l>
<l n="3.83">Consilium donec magno capit Hercule dignum </l>
<l n="3.84"> Stirpe sato, qua mox se probet, aetherea.</l>
<l n="3.85">Ipse Pyram properans Oetei in vertice montis</l>
<l n="3.86"> Excitat; et maesta fronde coronat humum:</l>
<l n="3.87">Impositusque rogo rapido se destinat igni;</l>
<l n="3.88">Et tandem, coeli quae tulit astra, petit.</l>
<l n="3.89">Subdidit aversus flammam Paeantius Heros:</l>
<l n="3.90">Praemia cui fortis tela fuere Dei.</l>
<l n="3.91">Non tamen est moriens Ioles oblitus amorum,</l>
<l n="3.92">Tantum infixa animo cura, Deusque valent.</l>
</div>
<div type="poesis-elegia" xml:id="vulpi1" met="elegiacum">
<head>IO. ANT. VULPII AD LUDOVICUM DULCIUM ELEGIA </head>
<l n="4.1">Dulci, qui mulces aestus, ventosqu furentes</l>
<l n="4.2"> Aestuat Hadriaci cum magis unda maris:</l>
<l n="4.3">Qui trahis ad dulces calamos ex aequore vasto</l>
<l n="4.4"> Caeruleosque Deos, squamigerumque pecus:</l>
<l n="4.5">Barbara corda domas qui arguto paectine, corda</l>
<l n="4.6"> Barba Sythonia frigidiora nive;</l>
<l n="4.7">In Pholoen dulci vertas miracula cannae,</l>
<l n="4.8">Et stipulae vires experiare tuae.</l>
<l n="4.9">Sentiat illa meos ignes, incendia nostra</l>
<l n="4.10"> Sentiat, alterna dispereatque face.</l>
<l n="4.11">Si tibi ab ingenti casu servaris amicum,</l>
<l n="4.12"> Accedet titulis gloria magna tuis.</l>
<l n="4.13">Ipse tui interea memor hic altaria pono,</l>
<l n="4.14"> Ex viridi nuper cespite structa tibi.</l>
<l n="4.15">Hostia multa cadet, quae pingues imbuat aras,</l>
<l n="4.16"> Exprimet et casus parva tabella meos.</l>
<l n="4.17">Arbuteis libris te curva falce notabo,</l>
<l n="4.18"> Ambiet et nomen verna corona tuum.</l>
<l n="4.19">Te ripae Lari, te concava saxa sonabunt,</l>
<l n="4.20"> Alternisque tumens te Pluviana canet.</l>
<l n="4.21">Dii facite ut votis succedant omnia laeta,</l>
<l n="4.22"> Ipsaque se facilem praestet amica mihi.</l>
</div>
<closer>FINIS </closer>
</back>
</text>
</TEI>
Paskalic, LudovikCamillo, GiulioMolza, Francesco MariaVolpe, Giovanni Antonio (c. 1500–1551; c. 1480–1544; 18. 6. 1489 – 28. 2. 1544; 1515–1558) [1551]: Carmina, versio electronica, 2642 versus, verborum 17191, ed. Sanja Peric Gavrancic [genus: poesis - elegia; poesis - sylva; poesis - epigramma] [numerus verborum] [paskalic-l-c.xml].
|
