Ad reuerendissimum dominum Strigoniensem Tranquilli querela post 1553 - ante 15. 1. 1568.
Caelestis quodcunque pater labenti condidit aeuo,
Vtilius nil morte fuit mortalibus aegris.
Praecipue quos dura premens comitatur egestas,
Viribus exhaustis torquet rugosa senectus
Et labor et curarum haud extricabilis error.
His sine nulla hominum uitalis degitur aetas;
Mors igitur nostros tandem miserata labores
Corpore disiectis compagibus eripit ima
Diuinas de fece animas caeloque reponit,
Nulla ubi uesani uestigia corporis extant,
Vita sed aeternos faelix perdurat in annos,
Non uitiis maculata quidem, sed criminis expers.
Quare non trepides ueluti, pars maxima mundi,
Fatalem exopta potius laetissimus horam,
Vt citius diuum ualeas accumbere mensis.

Eiusdem [sc. Tranquilli] in Ioannis regis filium [ERROR: no reftable :] Cf. Varia Dalmatica, ff. 33v-34 c 1550.
Quo ruis, ah demens? Quibus exagitare nefandis
Eumenidum furiis? Quae te fera uexat Erynnis?

Vade retro

Vade porro

---

Andreis, Franjo Trankvil (1490-1571) [1550]: Carmina Tranquilli Andronici in ms-to Budapestensi H46, versio electronica, 229 versus, verborum 1547, ed. Bratislav Lucin [genus: poesis - carmen; poesis - epigramma] [numerus verborum] [andreis-f-carm-h46.xml].

---