Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].
-- -- Caelestis immortalitatis particeps.
Non ut colatur ceu deus, sed ut hunc colat,
Et ut colendo sit beatus iugiter.
Dae: Etsi mineris, Caesar, et flammam et necem,
Fateor aperta voce Christum cum patre
Solum universi praesidem mundi deum.
968–72] C 1340–44.
Max: O dii, cerebrum ter quater sacerrimum!
Reliquine deliro seni assensum datis?
Phi: Confiteor et ego voce Christum libera.
Cat: O ter beati pectoris sententia!
Hoc demum opus caelestis est sapientiae.
Cli: Constanti quoque Christum fide deum
assero.
Typ: Similisque nostro pectori perstat fides.
Sop: Christum fatemur singuli in summa deum.
Num, Caesar, ipse sero nobiscum sapis?
Max: Pro, os nefandi morionis impudens!
Effunde miles oris immitis genas,
Redeant per ipsas probra rimas faucium!
Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].
|