Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].
-- -- Prodite mox ad me foras, veneficae,
Egredimini huc Erictho, Dipsas, Hexia!
Hex: Quis nos petit, quorsum vel ad quid evocat?
Fla: Ichthybolus ipse, Caesar et Maxentius
Ad se venire vos iubent celerrime,
Scitentur ut responsa ab inferis diis.
Hex: I prae, viam monstra, sequemur ocyius.
Praesto sumus venerande Praesul, quid placet?
Quidvis iube, nos exsequemur sedulo.
Ich: Scio vos magorum arcana cuncta noscere
Et disciplinis plurimum his excellere,
Quascunque Memphis et alta Babylon tradidit,
Adeo ut deos Acheronte ab imo ducere
Possitis et casus futuros quoslibet
Cuicunque vestris artibus depromere.
Ergo, suam fortunam ut ipsi Caesari
Ediceretis, vos vocandas censui.
Vestras igitur artes periclitamini,
Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].
|