Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].
-- -- Capitave rursus lacte pullulent novo!
Sed quam venire numinis vim conspicor?
Quod lucis hucce fulmen horroris ferunt?
Angeli duo
1: Inimica Christi turba, fugite istinc procul,
Maiore quondam concremandi fulmine!
O ter beati, qui tibi occumbunt, deus,
Pro morte vitam sempiternam nam impetrant!
Petitur labore vique sic caeli thronus.
2: Quin Christus istud virginis corpus suae
Condi et tueri monte Sinai iubet,
Ne foeda purum corpus attrectet manus.
Tollamus illo martyris virgunculae
Artus pudicos, numinis Christi domum!
Sed concinamus splendidum interim melos,
Quo praedicemus patris aeterni decus!
|