Scena I. Maxentius
O quam secundis classis allabens fretis
Portum subivit nobilem aspectans Pharon!
Tetigimus urbem, magnus olim quam cavo
Fecit Asiae domitor Alexander sinu.
Istuc eodem Caesar edictus feror
Maiore sceptrum hoc orbis urgens omine,
Magicas per artes nam mihi orbem vendico.
Sic sacra, sortes, ora Phoebi personant,
Sic fibra caesae victimae pulsat iecur,
Exsecta teneris corda pueris id ferunt.
Sic dexter ales omen accinit volans,
Sic dixit urbis miles assensu pari,
Clamavit Augustum sub arce alti Iovis.
Sublimis orbis unde Caesar evocor

Previous page

Next page

---

Anonymus [1576], Tragoedia De fortissimo S. Catharinae certamine, versio electronica (), 1883 versus, Ed. Tilg, Stefan [word count] [anonymus-tragoedia-de-fortissimo].

---