Andreis, Franjo Trankvil (1490-1571) [1518, Nurnberg; Ingoldstadt]: Ad Deum Contra Thurcas Oratio Carmine Heroico, versio electronica, 326 versus, verborum 2269, ed. Neven Jovanovic [genus: poesis - carmen; poesis - silva] [numerus verborum] [andreis-f-thurc-her.xml].
Si vis in lexico quaerere, verbum elige et clavem 'd' in claviatura preme.
-- --
Imploret ventis / pelagoque excussa furenti
Naufraga? Laedaeos fratresne? an Prothea formas
Fingentem varias? lituo Tritonaue cinctum?
Seu forsan nigri dominum Plutona barathri:
Aut geminam prolem latonae? aut Martis inanes
Belligeri sonitus / priscorum numina vana?
Quae quoniam grauiter contempsimus / vndique certis
Hostibus affligimur: nobis neque Sarmata / nec Thrax /
Non Hierus intonsus / non est Arimaspus amicus:
Quae faueat toto nulla est gens improba mundo.
Heu / quod deterius / mutuis Christiana propago
Decertant odiis inter se: plurimus armis
Interiit populus: testantur sanguine tincti
Mincius / atque Athesis: Benacus et ipse cruore
Creuerat humano: pulchrae pars denique nempe
Quaelibet Ausoniae miseris repleta virorum
Funeribus nigro sua tristia vellere cinxit
Tempora: nunc etiam nunquam fera praelia desunt
Tu Pater omnipotens / atque infinita potestas /
Vnica nostra salus: cuius sine numine sancto
Nec folia arboribus ventis agitata mouentur /
Solus opem praebere potes / obliuia si non
Te teneant hominum / quod nulli credere phas est.
Septeno quid enim coelum fecisse labore
Prodesset / certisque locis elementa tulisse
Andreis, Franjo Trankvil (1490-1571) [1518, Nurnberg; Ingoldstadt]: Ad Deum Contra Thurcas Oratio Carmine Heroico, versio electronica, 326 versus, verborum 2269, ed. Neven Jovanovic [genus: poesis - carmen; poesis - silva] [numerus verborum] [andreis-f-thurc-her.xml].
|